Big Breaking:ଏକା ଲଢ଼ିଲେ ତିଲକ ବର୍ମା, ଚକମା ଖାଇଲା ଇଂଲଣ୍ଡ
ହାରିବା ମ୍ୟାଚକୁ ଭାରତକୁ ଜିତାଇଦେଲେ ତିଲକ ବର୍ମା। ସିରିଜରେ ୨-୦ରେ ଆଗୁଆ ହେଲା ଟିମ୍ ଇଣ୍ଡିଆ।
ନୂଆଦିଲ୍ଲୀ: ହାରିବା ମ୍ୟାଚକୁ ଭାରତକୁ ଜିତାଇଲେ ତିଲକ ବର୍ମା। ଇଂଲଣ୍ଡର ସବୁ ବୋଲରଙ୍କୁ ପିଟିପିଟି କନ୍ଦାଇଲେ। ଶେଷରେ ଏବେ ୨-୦ରେ ଆଗୁଆ ହେଲା ଟିମ୍ ଇଣ୍ଡିଆ।
ଭାରତୀୟ ଟିମକୁ ବଡ଼ ସଫଳତା। ପୁଣି ଇଂଲଣ୍ଡକୁ ମାଟି ଚଟାଇଲା ସୂର୍ଯ୍ୟ ବାହିନୀ। ୨ ଓ୍ୱିକେଟରେ ଇଂଲଣ୍ଡକୁ ହରାଇ ୨-୦ରେ ଆଗୁଆ ହେଲା ଭାରତୀୟ ଦଳ। ୫ ମ୍ୟାଚ୍ ବିଶିଷ୍ଟ ସିରିଜର ଦ୍ୱିତୀୟ ମ୍ୟାଚରେ ରୋମାଞ୍ଚକର ବିଜୟ ହାସଲ କରିଛି ଭାରତୀୟ କ୍ରିକେଟ ଦଳ।
୧୬୬ ରନ୍ ବିଜୟ ଲକ୍ଷ୍ୟ ପାଇ ପଡ଼ିଆକୁ ଓହ୍ଲାଇଥିଲା ଭାରତ। ୫ ଓ୍ୱିକେଟ ଯିବା ପରେ ଚିନ୍ତାରେ ପଡ଼ିଯାଇଥିଲେ କ୍ରିକେଟ୍ ପ୍ରେମୀ। ହେଲେ ଶେଷରେ ବାଜି ପଲଟିଗଲା। ଆଉ ଜିତିବା ମ୍ୟାଚକୁ ବି ଇଂଲଣ୍ଡ ପାଖରୁ ଛଡ଼ାଇ ଆଣିଲେ ତିଲକ ବର୍ମା।
ଶେଷରେ ମାତ୍ର ୨ ଓ୍ୱିକେଟରେ ବିଜୟ ହାସଲ କରି ପାଞ୍ଚଟିକିଆ ସିରିଜରେ୨-୦ରେ ଆଗୁଆ ହେଲା ଟିମ୍ ଇଣ୍ଡିଆ। ଯାହା ଭାରତୀୟ କ୍ରିକେଟ୍ ପ୍ରେମୀମାନଙ୍କୁ ଖୁସି କରିଦେଇଛି।
