ଆଜି ଖୋଲିବ ଗ୍ଲୋବାଲ୍ ଟେଣ୍ଡର
ଭୁବନେଶ୍ୱର(ଓଡ଼ିଶା ଭାସ୍କର): ଆଜି ପୂର୍ବାହ୍ଣ ୧୧ଟାରେ ଖୋଲିବ ଟିକାକରଣ ନେଇ ଗ୍ଲୋବଲ୍ ଟେଣ୍ଡର । ରାଜ୍ୟ ସରକାରଙ୍କୁ କେଉଁ କେଉଁ କମ୍ପାନି ଟିକା ଦେବେ ସେ ସଂକ୍ରାନ୍ତରେ ଆଜି ସନ୍ଧ୍ୟା ୫ଟାରେ ଜଣାପଡ଼ିବ । ପ୍ରଥମେ ସକାଳ ୧୧ଟାରେ ଟେକ୍ନିକାଲ୍ ବିଡ୍ ଖୋଲାଯିବ ଏବଂ ତାପରେ ଫାଇନାନସିଆଲ୍ ବିଡ୍ ଖୋଲାଯିବ । ରାଜ୍ୟରେ ଟିକାର ଅଭାବ ଦେଖାଦେଇଥିବାରୁ ରାଜ୍ୟ ସରକାର ଗ୍ଲୋବାଲ୍ ଟେଣ୍ଡର ଡାକିଥିଲେ । ଏଥିରେ ଅଧିକୁ ଅଧିକ କମ୍ପାନିକୁ ଆକୃଷ୍ଟ କରିବାପାଇଁ ଟେଣ୍ଡର ସର୍ତ୍ତରେ ପରିବର୍ତ୍ତନ କରାଯାଇଥିଲା ।
ତେବେ ମେ ୧୫ ତାରିଖରେ ରାଜ୍ୟ ସରକାର ଟିକାର ଅଭାବର ଦୂରୀକରଣ ପାଇଁ ବିଶ୍ୱର ଅଗ୍ରଣୀ ଟିକା ପ୍ରସ୍ତୁତକାରୀ କମ୍ପାନିମାନଙ୍କଠାରୁ ୩.୮ କୋଟି ଟିକା କିଣିବା ପାଇଁ ଗ୍ଲୋବାଲ୍ ଟେଣ୍ଡର ଆରମ୍ଭ କରିଥିଲେ ରାଜ୍ୟ ସରକାର।
