ଆଜି ପ୍ରବାସୀ ଭାରତୀୟ ଦିବସ, ଗୁଜରାଟରେ ରୋଡ୍ ଶୋ ଏବଂ ବିଶ୍ୱ ନେତାଙ୍କ ସହ ଦ୍ୱିପାକ୍ଷିକ ଆଲୋଚନା କରିବେ ପ୍ରଧାନମନ୍ତ୍ରୀ
ନୂଆଦିଲ୍ଳୀ: ଆଜି ହେଉଛି ପ୍ରବାସୀ ଭାରତୀୟ ଦିବସ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ସୋସିଆଲ ମିଡ଼ିଆ ପ୍ଲାଟଫର୍ମ ‘ଏକ୍ସ’ରେ ପୋଷ୍ଟ କରି ଲେଖିଛନ୍ତି, ‘ଯେଉଁମାନେ ନିଜ ଦକ୍ଷତା ଓ ସଫଳତା ମାଧ୍ୟମରେ ଭାରତକୁ ଗର୍ବ ଅନୁଭବ କରାଇଛନ୍ତି ସେମାନଙ୍କ ପାଇଁ ଏକ ବିଶେଷ ଦିନ । ଦେଶର ସମୃଦ୍ଧ ପରମ୍ପରାକୁ ସଂରକ୍ଷିତ ରଖିବା ସହ ବୈଷୟିକ ସମ୍ପର୍କକୁ ମଜବୁତ କରିବାରେ ପ୍ରବାସୀ ଭାରତୀୟଙ୍କ ପ୍ରମୁଖ ଯୋଗଦାନ ରହିଛି । ବିଶ୍ୱରେ ଭାରତକୁ ଆଗକୁ ନେବା ସହ ଏକତା ଏବଂ ବିବିଧତାର ଭାବନା ବିକଶିତ କରୁଛନ୍ତି ।’
Greetings on Pravasi Bharatiya Diwas. This is a day to celebrate the contributions and achievements of the Indian diaspora worldwide. Their dedication towards preserving our rich heritage and strengthening global ties is commendable. They embody the spirit of India across the…
— Narendra Modi (@narendramodi) January 9, 2024
ଏହି ଅବସରରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ରୋଡ୍ ଶୋ କରିବାର କାର୍ଯ୍ୟକ୍ରମ ରହିଛି । ଏହି ରୋଡ୍ ଶୋ ଗୁଜରାଟର ସରଦାର ବଲ୍ଲଭଭାଇ ପଟେଲ ଆନ୍ତର୍ଜାତୀୟ ବିମାନ ବନ୍ଦରରୁ ଆରମ୍ଭ ହୋଇ ଇନ୍ଦିରା ସେତୁରେ ସମାପ୍ତ ହେବ । ଅହମଦାବାଦ ଓ ଗାନ୍ଧୀନଗରକୁ ସଂଯେଗ କରୁଥିବା ତିନି କିମି ରାସ୍ତାରେ ଏହି ରୋଡ୍ ଶୋ ଆୟୋଜିତ ହେବ । ଏଥିପାଇଁ ପୋଲିସ ପ୍ରଶାସନ ଦ୍ୱାରା ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ପିଏମ୍ଓର ଏକ ବିଜ୍ଞପ୍ତି ଅନୁଯାୟୀ ଜାନୁଆରୀ ୮ରୁ ୧୦ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୩ ଦିନିଆ ଗୁଜରାଟ ଗସ୍ତ ସମୟରେ ବିଭିନ୍ନ ବିଶ୍ୱ ନେତାଙ୍କ ସହ ଭେଟି ଦ୍ୱିପାକ୍ଷିକ ଆଲୋଚନା କରିବାର କାର୍ଯ୍ୟକ୍ରମ ରହିଛି । ଏହା ସହ ଆଜି ଅପରାହ୍ନ ୩ଟାରେ ପ୍ରଧାନମନ୍ତ୍ରୀ ଭାଇବ୍ରାଣ୍ଟ ଗୁଜରାଟ ଟ୍ରେଡ୍ ଶୋ’ର ଉଦ୍ଘାଟନ କରିବେ । ଏହା ସହ ବୁଧବାର ଗାନ୍ଧୀନଗରରେ ଆୟୋଜିତ ହେବାକୁ ଥିବା ଶିଖର ସମ୍ମିଳନୀର ଦଶମ ଅଧିବେଶନକୁ ଉଦ୍ଘାଟନ କରିବାର କାର୍ଯ୍ୟକ୍ରମ ରହିଛି । ଚଳିତ ବର୍ଷ ଶିଖର ସମ୍ମିଳନୀ ପାଇଁ ୩୪ ଟି ପାର୍ଟର ଦେଶ ଏବଂ ୧୬ଟି ପାର୍ଟନର ସଂଗଠନ ସାମିଲ ଅଛନ୍ତି । ଏହି ଅବସରରେ UAE ରାଷ୍ଟ୍ରପତି Mohammed Bin Zayed Al Nahyan ମଧ୍ୟ ଉପସ୍ଥିତ ରହିବେ ।
