ବାଇକ୍ ଚାଳକଙ୍କୁ ବଞ୍ଚାଇବାକୁ ଯାଇ୧୦ ଜଣଙ୍କ ଉପରେ ମାଡ଼ିଗଲା ଟ୍ରକ୍, ୫ ମୃତ

ଗାଜିପୁର: ଉତ୍ତରପ୍ରଦେଶର ଗାଜିପୁର ଜିଲ୍ଲାର ଅହିରୌଲୀ ସୁରତାପୁର ଠାରେ ମଙ୍ଗଳପୁର ଦିନ ସକାଳ ସମୟରେ ଏକ ବଡ଼ ଧରଣର ଘଟଣା ସଡ଼କ ଦୁର୍ଘଟଣା ଘଟିଯାଇଛି । ଏଠାରେ ଗୋଟିଏ ଦ୍ରୁତ ବେଗରେ ଆସୁଥିବା ଟ୍ରକ୍ ୧୦ ଜଣ ଗ୍ରାମବାସୀଙ୍କ ଉପରେ ଚଢ଼ିଗଲା । ଟ୍ରକ୍ ଟି ଗୋଟିଏ ବାଇକ୍ ରେ ଯାଉଥିବା ବ୍ୟକ୍ତିକୁ ବଞ୍ଚାଇବାକୁ ଯାଇ ଗାଡ଼ି ଉପରୁ ନିୟନ୍ତ୍ରଣ ହରାଇଥିଲା । ଯାହାଫଳରେ ସେଠାରେ ଥିବା ଚା’ ଦୋକାନ ଉପରେ ଟ୍ରକଟି ମାଡ଼ିଯାଇଥିଲା । ଫଳରେ ସେଠାରେ ଥିବା ଦଶଜଣଙ୍କ ଉପରେ ଗାଡ଼ି ଚଢ଼ିଯାଇଥିଲା । ଏଥିରେ ୫ଜଣଙ୍କ ମୃତ୍ୟୁ ହୋଇଯାଇଛି । ଅନ୍ୟ ୫ ଜଣ ଗୁରୁତର ଭାବରେ ଆହତ ହୋଇଛନ୍ତି ।

ଘଟଣା ସମ୍ପର୍କରେ ଖବର ପାଇ ପୋଲିସ୍ ଘଟଣାସ୍ଥଳରେ ପହଞ୍ଚିଥିଲା । ଆହତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯିବା ସହିତ ପୋଲିସ୍ ମୃତକଙ୍କ ଜବତ କରିଛି । ସବୁ ମୃତକ ଅହରୌଲୀ ସୁରତାପୁରର ଗ୍ରାମବାସୀ । ତେଣୁ ସେମାନଙ୍କ ପରିଜନ ମାନେ ଘଟଣାସ୍ଥଳରେ ଉତ୍ତେଜନା ସୃଷ୍ଟି କରିଛନ୍ତି । ଗ୍ରାମବାସୀ ମାନେ ୫ ମୃତକଙ୍କ ଶବକୁ ରାସ୍ତା ଉପରେ ରଖି ଉତ୍ତେଜନା କରିଛନ୍ତି ।