ଭାରତରେ ଛଟେଇ ଆରମ୍ଭ କଲେ ଏଲନ ମସ୍କ, ଇମେଲ ମାଧ୍ୟମରେ କର୍ମଚାରୀଙ୍କୁ ମିଳୁଛି ସୂଚନା
ନୂଆଦିଲ୍ଲୀ: ଟ୍ୱିଟର ସମଗ୍ର ବିଶ୍ୱରେ ଏହାର କର୍ମଚାରୀ ହ୍ରାସ କରିବା ଆଧାରରେ ଭାରତରେ ଛେଟଇ ଆରମ୍ଭ କରିଛି। ବିଶ୍ୱର ସବୁଠୁ ଧନୀ ବ୍ୟକ୍ତ ଏଲନ ମସ୍କ ଗତ ସପ୍ତାହରେ ଟ୍ୱିଟର ଅଧିଗ୍ରହଣ କରିବା ପରେ ଏହାର ସିଇଓ ପରାଗ ଅଗ୍ରୱାଲ୍ ଏବଂ ମୁଖ୍ୟ ଫାଇନାସିଆଲ ଅଧିକାରୀଙ୍କ ସମେତ ଅନେକ କର୍ମଚାରୀଙ୍କୁ କମ୍ପାନୀରୁ ବାହାର କରିଥିଲେ। ଏହାପରେ ଶିର୍ଷ ପଦବୀରେ ଥିବା ଅନେକ କର୍ମଚାରୀ ଇସ୍ତଫା ଦେଇଥିଲେ । ଏବେ ମସ୍କ ବିଶ୍ୱ ସ୍ତରରେ କମ୍ପାନୀର କର୍ମଚାରୀ ହ୍ରାସ କରିବା ପାଇଁ ବଡ ଧରଣର ଛଟେଇ ଆରମ୍ଭ କରିଛନ୍ତି ।
ନାମ ଗୋପନ ରଖିବା ସର୍ତ୍ତରେ ଟୁଇଟର ଇଣ୍ଡିଆର ଜଣେ କର୍ମଚାରୀ ପିଟିଆଇକୁ କହିଛନ୍ତି ଯେ, ‘ଛଟେଇ କାର୍ଯ୍ୟ ଆରମ୍ଭ ହୋଇଛି। ମୋର କିଛି ସହକର୍ମୀଙ୍କୁ ଇମେଲ ମାଧ୍ୟମରେ ଏହା ଜଣାଯାଇଛି।’ ଅନ୍ୟ ଏକ ସୂତ୍ରରୁ ପ୍ରକାଶ ଯେ ଏହି ଛଟେଇ ଭାରତୀୟ ଦଳର ଏକ ଗୁରୁତ୍ୱପୂର୍ଣ୍ଣ ଅଂଶକୁ ପ୍ରଭାବିତ କରିଛି। ତଥାପି, ଛଟେଇର ସମ୍ପୂର୍ଣ୍ଣ ବିବରଣୀ ଏପର୍ଯ୍ୟନ୍ତ ଉପଲବ୍ଧ ନାହିଁ। ସମ୍ବାଦ ଲେଖିବା ପର୍ଯ୍ୟନ୍ତ ଇମେଲ ମାଧ୍ୟମରେ ଏହି ପ୍ରସଙ୍ଗରେ ଉଠାଯାଇଥିବା ପ୍ରଶ୍ନର ଉତ୍ତର ଦେଇ ନାହିଁ।
ମସ୍କ ଟ୍ୱିଟର ହାସଲ କରିବା ପୂର୍ବରୁ ମଧ୍ୟ ସେ ସୋସିଆଲ ମିଡିଆ କମ୍ପାନୀରେ କର୍ମଚାରୀଙ୍କ ସଂଖ୍ୟା ହ୍ରାସ କରିବେ ବୋଲି ଆଲୋଚନା ହୋଇଥିଲା। କେତେକ ରିପୋର୍ଟରେ କୁହାଯାଇଛି ଯେ ସେ କର୍ମଚାରୀଙ୍କ ସଂଖ୍ୟାକୁ ୭୫ ପ୍ରତିଶତ ହ୍ରାସ କରିବେ। ଆମେରିକାର ସୋସିଆଲ ମିଡିଆ ପ୍ଲାଟଫର୍ମ ଟ୍ୱିଟର ପୂର୍ବରୁ କର୍ମଚାରୀମାନଙ୍କୁ ଏକ ଆଭ୍ୟନ୍ତରୀଣ ଇମେଲରେ କହିଛି ଯେ ଟ୍ୱିଟରକୁ ଟ୍ରାକକୁ ଫେରାଇ ଆଣିବା ପାଇଁ ଆମେ ଶୁକ୍ରବାର ଦିନ ଆମର କର୍ମଚାରି ହ୍ରାସ କରିବାର କଷ୍ଟଦାୟକ ପ୍ରକ୍ରିୟା ଦେଇ ଗତି କରିବୁ। ସମସ୍ତେ ଏକ ବ୍ୟକ୍ତିଗତ ଇମେଲ ପାଇବେ।’
କର୍ମଚାରୀଙ୍କ ସୁରକ୍ଷା ତଥା ଟ୍ୱିଟର ସିଷ୍ଟମ ଏବଂ ଗ୍ରାହକଙ୍କ ତଥ୍ୟ ପାଇଁ କମ୍ପାନୀ ଅସ୍ଥାୟୀ ଭାବରେ ସମସ୍ତ କାର୍ଯ୍ୟାଳୟ ବନ୍ଦ କରିବ। ଟୁଇଟର କହିଛି, ‘ଯଦି ଆପଣ ଅଫିସରେ ଅଛନ୍ତି କିମ୍ବା ଅଫିସକୁ ଯାଉଛନ୍ତି, ଦୟାକରି ଘରକୁ ଫେରିଯାଅ।’ ସ୍ୱାଧୀନତା ନେଇ ଟ୍ୱିଟର ସରକାରଙ୍କ ସହ ଅନେକ ଥର ସଂଘର୍ଷ କରିଥିବାବେଳେ ଇମେଲରେ ଥିବା କମ୍ପାନୀ କର୍ମଚାରୀମାନଙ୍କୁ ଗଣମାଧ୍ୟମରେ କିମ୍ବା ଅନ୍ୟାନ୍ୟ ସ୍ଥାନରେ ସୋସିଆଲ ମିଡିଆରେ ଗୁପ୍ତ ତଥ୍ୟ ବିଷୟରେ ଆଲୋଚନା କରିବାକୁ ବାରଣ କରିଛି।
