ଦୁଇ ଜଣ ନେତାଙ୍କୁ ବିଜେଡିରୁ ସସପେଣ୍ଡ କଲେ ନବୀନ: ବିଜ୍ଞପ୍ତି ଜାରି କଲେ ସାଙ୍ଗଠନିକ ସମ୍ପାଦକ ପ୍ରଣବ
ଭୁବନେଶ୍ୱର(ଓଡ଼ିଶା ଭାସ୍କର): ଆସନ୍ତା ବର୍ଷ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଥିବା ବେଳେ ଏନେଇ ରାଜ୍ୟ ରାଜନୀତି ଏବେଠାରୁ ଧୀରେଧୀରେ ଚଳଚଞ୍ଚଳ ହେବା ଆରମ୍ଭ କଲାଣି । ରାଜ୍ୟର ତିନୋଟି ପ୍ରମୁଖ ରାଜନୈତିକ ଦଳ ବିଜେଡି, ବିଜେପି ଓ କଂଗ୍ରେସ ଗତ କିଛି ମାସ ହେଲା ଆଗାମୀ ନିର୍ବାଚନକୁ ଆଖି ଆଗରେ ରଖି ନିଜ ନିଜର ସଂଗଠନକୁ ସଜାଡ଼ିବା ସହିତ ନୂଆ ନେତାଙ୍କୁ ଦାୟିତ୍ୱ ପ୍ରଦାନ କରୁଥିବାର ଦେଖାଯାଉଛି ।
ନବୀନ ପଟ୍ଟନାୟକଙ୍କୁ କ୍ରମାଗତ ଷଷ୍ଠ ଥର ମୁଖ୍ୟମନ୍ତ୍ରୀ ଆସନରେ ବସାଇବା ପାଇଁ ବିଜେଡି ରଣନୀତି ଚୂଡ଼ାନ୍ତ କରିସାରିଛି । ସେଥିପାଇଁ ଦଳ ପଞ୍ଚାୟତ ଠାରୁ ଆରମ୍ଭ କରି ବ୍ଲକ, ଜିଲ୍ଲା ଓ ରାଜ୍ୟର ସଂଗଠନକୁ ପୁନର୍ଗଠନ କରୁଥିବା ଦେଖାଯାଉଛି । ନିକଟରେ ବିଭିନ୍ନ ଜିଲ୍ଲାରେ ବିଜେଡି ସଂଗଠନକୁ ପୁନର୍ଗଠନ କରାଯିବା ସହିତ ନୂଆ ନେତାଙ୍କ ନାମ ଘୋଷଣା କରାଯାଇଥିଲା ।
ତେବେ ନବୀନ ସର୍ବଦା ସ୍ୱଚ୍ଛ ଶାସନକୁ ଗୁରୁତ୍ୱ ଦେଇ ଆସିଛନ୍ତି । ଏହାର ବ୍ୟତିକ୍ରମ କାରଣରୁ ଅତୀତରେ ବହୁ ନେତାଙ୍କ ବିରୋଧରେ ନବୀନ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଏହା ମଧ୍ୟରେ ପୁଣି ଦୁଇଜଣ ନେତାଙ୍କୁ ଦଳରୁ ସସପେଣ୍ଡ କରାଯାଇଛି । ବିଜୁ ଯୁବ ଜନତା ଦଳର ଉପସଭାପତି ସୁଜିତ ପ୍ରସାଦ ଦ୍ୱିବେଦୀ ଓ ଅନୁଗୁଳ ବିଧାନସଭା ନିର୍ବାଚନ ମଣ୍ଡଳୀର ବିଜୁ ଯୁବ ଜନତା ଦଳ ନିର୍ବାଚନ ମଣ୍ଡଳୀ ସଭାପତି ଅଜିତ ପ୍ରସାଦ ଦ୍ୱିବେଦୀଙ୍କୁ ଦଳରୁ ସସପେଣ୍ଡ କରାଯାଇଛି । ଦଳର ସୁପ୍ରିମୋଙ୍କ ନିର୍ଦ୍ଦେଶକ୍ରମେ ଏହି ପଦକ୍ଷେପ ଗ୍ରହଣ କରାଯାଇଛି । ଏନେଇ ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଏକ ବିଜ୍ଞପ୍ତି ଜାରି କରିଛନ୍ତି ।
Party President and CM Shri @Naveen_Odisha has suspended Shri Sujit Prasad Dwivedy (VP, Biju Yuva Janata Dal) and Shri Ajit Prasad Dwivedy (Constituency President, Biju Yuva Janata Dal) of Angul Assembly Constituency from Biju Janata Dal with immediate effect for indulging in… pic.twitter.com/SAtABouTgq
— Biju Janata Dal (@bjd_odisha) October 4, 2023
