(Video) ୫ ମହଲା ଉପରୁ ହଠାତ୍ ତଳକୁ ଖସି ପଡ଼ିଲା ଏକ ୨ ବର୍ଷର ଶିଶୁ, ଜୀବନ କିନ୍ତୁ ବଞ୍ଚାଇଲେ ଜଣେ ରିଅଲ ହିରୋ
ନୂଆଦିଲ୍ଲୀ: ଅନେକ ସମୟରେ କିଛି ଦୁଃସାହସିକ କାର୍ଯ୍ୟର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଥାଏ । ତେବେ ନିକଟରେ ଏପରି ଏକ ଘଟଣା ସାମ୍ନାକୁ ଆସିଛି ଜଣେ ଯୁବକ ଏକ ଛୋଟ ଛୁଆର ଜୀବନ ବଞ୍ଚାଇଛନ୍ତି । ୫ ମହଲା ଉପରୁ ଅଚାନକ ଖସି ପଡ଼ିଥିଲା ଏକ ୨ ବର୍ଷର ଶିଶୁ । ଏହାପରେ ଜଣେ ସାହସୀ ଯୁବକ ଉକ୍ତ ଶିଶୁକୁ ରକ୍ଷା କରିଥିଲେ ।
ଭାଇରାଲ ହୋଇଥିବା ୧୩ ସେକେଣ୍ଡର ଉକ୍ତ ଭିଡିଓକୁ ବର୍ତ୍ତମାନ ସୁଦ୍ଧା ୭୪ ହଜାର ଥର ଦେଖା ସରିଲାଣି । ତେବେ ଶିଶୁଟି ଯେତେବେଳେ ୫ ମହଲା ଛାତ ଉପରୁ ତଳକୁ ଖସିଥିଲା, ସେତେବେଳେ ଏହି ଦୃଶ୍ୟକୁ ଯେଉଁମାନେ ଦେଖିଥିଲେ ସେମାନଙ୍କର ନିଃଶ୍ୱାସ ବନ୍ଦ ହୋଇଯାଇଥିଲା । ଏହାପରେ ଯେତେବେଳେ ଉକ୍ତ ସାହସୀ ଯୁବକ ଶିଶୁଟିକୁ ଦୁଇ ହାତରେ ଧରି ପକାଇଥିଲେ ସେତେବେଳେ କେହି ଏହାକୁ ସହଜରେ ବିଶ୍ୱାସ କରିପାରିନଥିଲେ ।
ତେବେ ସାଧାରଣ ଭାବେ ଏପରି ଦୃଶ୍ୟ ଫିଲ୍ମରେ ଦେଖିବାକୁ ମିଳିଥାଏ । ଏବେ ଉକ୍ତ ୨ ବର୍ଷର ଶିଶୁକୁ ଉଦ୍ଧାର କରି ଯୁବକ ଜଣେ ରିୟଲ ହିରୋ ପାଲଟି ଯାଇଛନ୍ତି । ଯୁବକ ଜଣଙ୍କର ସଡ଼କ ନିକଟରେ ନିଜ କାର ପାର୍କ କରୁଥିବା ସମୟରେ ହଠାତ୍ ଶିଶୁଟି ୫ ମହଲା ଉପରୁ ତଳକୁ ଖସିଥିଲା । ଏତେ ଉଚ୍ଚତାକୁ ଗୋଟିଏ ଛୋଟ ଶିଶୁ ତଳକୁ ପଡ଼ି ପୁନର୍ଜନ୍ମ ପାଇବା ନିଶ୍ଚିତ ଭାବେ ଭାଗ୍ୟର କଥା । ଅସଲି ହିରୋ କେବଳ ଫିଲ୍ମରେ ନଥାନ୍ତି, ଅସଲି ଦୁନିଆରେ ମଧ୍ୟ ଥାଆନ୍ତି ବୋଲି ଜଣେ ୟୁଜର କମେଣ୍ଟ ଦେଇଛନ୍ତି ।
Heroes among us. pic.twitter.com/PumEDocVvC
— Lijian Zhao 赵立坚 (@zlj517) July 22, 2022
