(Video) ଉଦୟପୁର ହତ୍ୟାକାଣ୍ଡରେ ୨ ଅଭିଯୁକ୍ତ ଗିରଫ: ପ୍ରଧାନମନ୍ତ୍ରୀ ମୋଦୀଙ୍କୁ ମଧ୍ୟ ଦେଇଥିଲେ ହତ୍ୟା ଧମକ
ନୂଆଦିଲ୍ଲୀ: ବିଜେପିରୁ ବହିଷ୍କାର ହୋଇଥିବା ବିଜେପି ମୁଖପାତ୍ର ନୁପୁର ଶର୍ମାଙ୍କୁ ମିଳିଛି ଅନେକ ଲୋକଙ୍କ ସମର୍ଥନ । କିନ୍ତୁ ରାଜସ୍ଥାନର ଉଦୟପୁରରେ ଜଣେ ବ୍ୟକ୍ତିଙ୍କୁ ଏହି ମାମଲାରେ ହତ୍ୟା କରାଯାଇଥିଲା । ମୃତକଙ୍କ ୮ ବର୍ଷର ଝିଅର ଭୁଲ ହେତୁ ଏହି ହତ୍ୟାକାଣ୍ଡର ଖୁଲାସା ହୋଇଛି । ବର୍ତ୍ତମାନ ଏହି ପ୍ରସଙ୍ଗରେ ରାଜ୍ୟ ମୁଖ୍ୟମନ୍ତ୍ରୀ ଅଶୋକ ଗହଲୋଟ୍ ଶାନ୍ତି ବଜାୟ ରଖିବା ପାଇଁ ସମସ୍ତ ଦଳକୁ ନିବେଦନ କରିଛନ୍ତି ଏବଂ ଦୋଷୀମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି ।
ଗଣମାଧ୍ୟମ ରିପୋର୍ଟ ଅନୁଯାୟୀ, ଉଦୟପୁରର ନଗର ଧାନ ମଣ୍ଡି ପୋଲିସ ଷ୍ଟେସନ ବାସିନ୍ଦା କାନହୟାଲାଲ ତେଲିଙ୍କ ଗଳା କାଟି ହତ୍ୟା କରାଯାଇଥିଲା । ମୃତ ବ୍ୟକ୍ତି ଜଣକ ସୁପ୍ରିମ ଟେଲର ନାମରେ ଏକ ଦୋକାନ ଚଳାଉଥିଲେ । ମଙ୍ଗଳବାର ଦିନ ଦୁଇଜଣ ଆକ୍ରମଣକାରୀ ତାଙ୍କ ଦୋକାନରେ ମାପ ଦେବା ବାହାନାରେ ବାଇକରେ ଆସି ଦୋକାନରେ ପଶିଥିଲେ । ବ୍ୟକ୍ତି ଜଣକ କିଛି କରିବା ପୂର୍ବରୁ ଅପରାଧୀମାନେ ଆକ୍ରମଣ କରିଥିଲେ ।
ମିଳିଥିବା ସୂଚନା ଅନୁଯାୟୀ, ନୁପୁର ଶର୍ମାଙ୍କ ସମର୍ଥନରେ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରାଯାଇଥିଲା । ଯାହା ପରେ ଟେଲରଙ୍କୁ ଧମକ ଦିଆଯାଉଥିଲା । ଏ ସମ୍ପର୍କରେ ପୋଲିସକୁ ମଧ୍ୟ ଅଭିଯୋଗ କରାଯାଇଥିଲା । ଏହି କାରଣରୁ ମୃତ ବ୍ୟକ୍ତି ୬ ଦିନ ଧରି ଦୋକାନ ଖୋଲି ନଥିଲେ । ଉଭୟ ଅଭିଯୁକ୍ତ ପଳାତକ ଥିବା କୁହାଯାଉଛି । ସମଗ୍ର ଅଞ୍ଚଳରେ ସୁରକ୍ଷା ବାହିନୀ ନିୟୋଜିତ କରାଯାଇଛି ।
ଅନ୍ୟପଟେ ହତ୍ୟା କରିଥିବା ଆକ୍ରମଣକାରୀଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଁଥିରେ ସେ ହତ୍ୟା ବିଷୟରେ ଉଲ୍ଲେଖ କରିବା ସହ ପ୍ରଧାନମନ୍ତ୍ରୀ ମୋଦୀଙ୍କୁ ହତ୍ୟା କରିବାକୁ ଧମକ ଦେଉଥିଲେ । ଏହି ଘଟଣା ପରେ ଆସନ୍ତା ୨୪ ଘଣ୍ଟା ପାଇଁ ଉଦୟପୁରରେ ଇଣ୍ଟରନେଟ୍ ସେବା ବନ୍ଦ ରଖାଯାଇଛି ବୋଲି ପୋଲିସ କହିଛି ।
डरे हुए कौम के दो दरिंदों ने उदयपुर में एक टेलर को सिर्फ इसलिए गला काट कर मार डाला इसलिए कि उसने नूपुर शर्मा के समर्थन में पोस्ट किया था
पूरे हत्या की वीडियो भी बनायी और साथ ही हत्या के बाद नूपुर का गला काटने और मोदी जी को मारने की भी धमकी दी@zoo_bear ये तुम्हारी वजह से हुआ है pic.twitter.com/mCtZKw67uO
— Shashi Kumar (@iShashiShekhar) June 28, 2022