(Video) ଜଳିଗଲା ଉଦିତ ନାରାୟଣଙ୍କ ବିଲ୍ଡିଂ: ଭୟଙ୍କର ଅଗ୍ନିକାଣ୍ଡରେ ଜଣେ ମୃତ, Dipressionରେ ସିଙ୍ଗର

ମୁମ୍ବାଇ: ଲୋକପ୍ରିୟ କଣ୍ଠଶିଳ୍ପୀ ଉଦିତ ନାରାୟଣଙ୍କ ବିଲ୍ଡିଂରେ ଭୟଙ୍କର ଅଗ୍ନିକାଣ୍ଡ ଘଟିଯାଇଛି । ରାତି ପ୍ରାୟ ୯.୧୫ ସମୟରେ ଏପରି ଏକ ଦୁର୍ଘଟଣାର ଶିକାର ହୋଇଛନ୍ତି ଉଦିତ ନାରାୟଣ ଏବଂ ପରିବାର ।

ଅନେ୍ଧରୀ ୱେଷ୍ଟ ଶାସ୍ତ୍ରୀ ନଗରରେ ଥିବା ଉଦିତ ନାରାୟଣଙ୍କ ପିଲ୍ଡିଂର ସ୍କାଇପ୍ୟାନେଲରେ ଅଚାନକ ନିଆଁ ଲାଗିଯାଇଛି । ଏହି ଅଗ୍ନିକାଣ୍ଡରେ ଉଦିତଙ୍କ ପଡ଼ୋଶୀ ପ୍ରାଣ ହରାଇଛନ୍ତି । ସୋସିଆଲ ମିଡିଆରେ ଏହି ଅଘଟଣର ଏକ ଭିଡିଓ ବର୍ତ୍ତମାନ ଖୁବ ଭାଇରାଲ ହେବାରେ ଲାଗିଛି ।

ଭୟଙ୍କର ଥିଲା ଦୃଶ୍ୟ: ରିପୋର୍ଟ ଅନୁସାରେ, ଅଗ୍ନିକାଣ୍ଡର ପ୍ରାୟ ୪ ଘଣ୍ଟା ପରେ ସ୍ଥିତି ନିୟନ୍ତ୍ରଣକୁ ଆସିଛି । ଏହାକୁ ନେଇ ଉଦିତ ନାରାୟଣ କହିଛନ୍ତି ଯେ, ଏହି ଅଗ୍ନିକାଣ୍ଡ ଖୁବ ଭୟଙ୍କର ରହିଥିଲା । ନିଆଁର ପ୍ରକୋପରେ କିଛି ବି ହୋଇପାରିଥାନ୍ତା । ତେବେ ଅଗ୍ନିଶମ କର୍ମଚାରୀ ୪ ଘଣ୍ଟାର ପ୍ରଚେଷ୍ଟା ପରେ ନିଆଁକୁ ଆୟତ୍ତ କରିବାରେ ସଫଳ ହୋଇଛନ୍ତି ।

ଏହାପରେ ସେ କହିଛନ୍ତି, ମୁଁ ‘ଏ’ ୱିଙ୍ଗର ୧୧ ମହଲାରେ ରହୁଛି । କିନ୍ତୁ ନିଆଁ ବି ୱିଙ୍ଗରେ ଲାଗିଥିଲା । ଆମେ ସମସ୍ତେ ତଳକୁ ଚାଲି ଆସିଥିଲୁ ଏବଂ ପ୍ରାୟ ୩-୪ ଘଣ୍ଟା ନିଆଁ ଲିଭିବାକୁ ଅପେକ୍ଷା କରିଥିଲୁ । ଭଗବାନଙ୍କ କୃପାରୁ ଆମେ ସୁସ୍ଥ ଏବଂ ସୁରକ୍ଷିତ ଅଛୁ ।

ମାନସିକ ସ୍ତରରେ ପ୍ରଭାବିତ: ଉଦିତ ନାରାୟଣ ଏବଂ ପରିବାର ବର୍ତ୍ତମାନ ସୁରକ୍ଷିତ ରହିଛନ୍ତି । କିନ୍ତୁ ଏହି ଘଟଣା ସମସ୍ତଙ୍କୁ ମାନସିକ ସ୍ତରରେ ପ୍ରଭାବିତ କରିଛି । ଦୁର୍ଘଟଣାରେ ଉଦିତ ନାରାୟଣଙ୍କ ପଡ଼ୋଶୀ ପ୍ରାଣ ହରାଇଥିବାରୁ ତାଙ୍କୁ ଏହା ଖୁବ ଦୁଃଖ ଦେଇଛି ବୋଲି ସେ କହିଛନ୍ତି ।

Fire at Skypan Apartments, SAB TV lane, Andheri West.

Shot by a friend from her window.

It’s high time Andheri West gets a Fire Station.

Veera Desai Road has so much space. A well equipped center can easily be set up if there’s political will.@AndheriLOCA pic.twitter.com/9mGZHuFesv

— AnuP 🇮🇳📽 (@anupsjaiswal) January 6, 2025