ଅଧା ରହିଗଲା ତିରୁପତିଙ୍କ ଦର୍ଶନ, ମନ୍ଦିର ମୁହଁରେ ପହଞ୍ଚିଲାବେଳକୁ ଚଢ଼ିଗଲା ୧୦୮ ଆମ୍ବୁଲାନ୍ସ

ତିରୁପତି: ତିରୁପତି ଦର୍ଶନ କରିବାକୁ ଆସିଥିବା ଭକ୍ତଙ୍କ ପ୍ରାଣହାନୀ ଘଟିଛି । ମନ୍ଦିର ଯାଇ ଠାକୁରଙ୍କୁ ଗୁହାରି କରିବା ପୂର୍ବରୁ ତାଙ୍କ ଉପରେ ଚଢ଼ିଯାଇଥିଲା ୧୦୮ ଆମ୍ବୁଲାନ୍ସ ।

ମୃତକ ୨ ମହିଳାହେଲେ, ପେଡା ପେଡାମ୍ମା ଏବଂ ଲକ୍ଷୀମ୍ମା । ସେମାନଙ୍କ ଘର ଅନ୍ନାମାୟା ଜିଲ୍ଲା ରାମସମୁଦ୍ରା ମଣ୍ଡଳରେ । ଦୁଇଜଣଯାକ ଭେଙ୍କଟେଶ୍ୱରୀ ମନ୍ଦିର ଆଡ଼କୁ ଚାଲି ଚାଲିଯାଉଥିଲେ । ଠିକ୍ ସେତିକିବେଳେ ରୋଗୀଙ୍କୁ ନେଇଯାଉଥିବା ଆମ୍ବୁଲାନ୍ସ ସେମାନଙ୍କ ଉପରେ ମାଡ଼ିଯାଇଥିଲା ।

ଘଟଣାସ୍ଥଳରେ ହିଁ ସେମାନଙ୍କ ମୃତ୍ୟୁ ଘଟିଥିଲା । ଦୁର୍ଘଟଣାରେ୩ ଜଣ ଆହତଙ୍କୁ ରୁଇଆ ହସ୍ପିଟାଲରେ ଭର୍ତ୍ତିକରାଯାଇଛି । କୁହୁଡ଼ି ଯୋଗୁ ଦୁର୍ଘଟଣା ଘଟିଥାଇ ପାରେ ବୋଲି ସନ୍ଦେହ କରୁଛି ସ୍ଥାନୀୟ ପୋଲିସ ।