ୟୁପିରେ ପୁଣି ରେଳ ଦୁର୍ଘଟଣା, ଆମରୋହାରେ ମାଲଗାଡ଼ିର ଅନେକ କୋଚ୍ ଟ୍ରାକରୁ ଖସିଲା
ନୂଆଦିଲ୍ଲୀ: ଉତ୍ତରପ୍ରଦେଶର ଆମରୋହାରେ ଏକ ବଡ଼ ଧରଣର ରେଳ ଦୁର୍ଘଟଣା ହେବାରୁ ଅଳ୍ପକେ ବର୍ତ୍ତିଛି । ସେଠାରେ ଏକ ମାଲଗାଡ଼ିର ଅନେକ କୋଚ୍ ଟ୍ରାକରୁ ଖସିଯାଇଥିବା ସୂଚନା ମିଳିଛି । ମାଲଗାଡ଼ି ଟ୍ରେନର ପାଞ୍ଚଟି କୋଚ୍ ଖସିପଡିଛି, ଏହା ପରେ ଦିଲ୍ଲୀ-ଲଖନଉ ରେଳ ଲାଇନର ଉଭୟ ଲାଇନ ବନ୍ଦ ହୋଇଯାଇଛି । ଏହା ପରେ ଦିଲ୍ଲୀରୁ ଲଖନଉ ପର୍ଯ୍ୟନ୍ତ ରେଳ ଅଧିକାରୀଙ୍କ ମଧ୍ୟରେ ଆତଙ୍କ ଖେଳିଯାଇଥିଲା । ଆମରୋହା ରେଳ ଷ୍ଟେସନର ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ ଓ ଲଖନଉରୁ ଦିଲ୍ଲୀ ଯାଉଥିବା ସମସ୍ତ ଟ୍ରେନର ମାର୍ଗ ପରିବର୍ତ୍ତନ କରାଯାଇଥିଲା ।
କୁହାଯାଉଛି କି ଏହି ଲାଇନରେ ଚାଲୁଥିବା ଟ୍ରେନ୍ ଗୁଡିକ ମଧ୍ୟ ଅଟକା ଯାଇଛି । ଏହି ଦୁର୍ଘଟଣା ପରେ ସ୍ଥାନୀୟ ଲୋକଙ୍କ ଭିଡ଼ ଜମିଛି । ଏହି ଦୁର୍ଘଟଣା ଆମରୋହା ରେଳ ଷ୍ଟେସନ ନିକଟରେ ଘଟିଛି । ଏହି ଦୁର୍ଘଟଣା ସମ୍ପର୍କରେ ଏଡିଏମ୍ ଆମରୋହା ସୁରେନ୍ଦ୍ର ସିଂ କହିଛନ୍ତି ଯେ ଆମରୋହାରେ ଏକ ମାଲଗାଡ଼ି ଟ୍ରେନ୍ ଓଲଟି ପଡିଛି ଏବଂ ଏହାର ୧୦ ଟି କୋଚ୍ ଟ୍ରାକରୁ ଖସିପଡିଛି । ଦୁଇଟି କୋଚ୍ କେମିକାଲରେ ପରିପୂର୍ଣ୍ଣ ଏବଂ ଅନେକ ଟ୍ରେନ୍ ପ୍ରଭାବିତ ହୋଇଛି ।
ସନ୍ଧ୍ୟା ପ୍ରାୟ ୭ ଟା ସମୟରେ ଦିଲ୍ଲୀ-ଲଖନଉ ରେଳ ଲାଇନରେ ଏକ ଜୋରରେ ଧମାକା ହେବା ସହିତ ଦୁର୍ଘଟଣା ଘଟିଥିଲା, ଯାହାକୁ ଦେଖି ସ୍ଥାନୀୟ ଲୋକ ଆଶ୍ଚର୍ଯ୍ୟ ହୋଇଯାଇଥିଲେ । ଦିଲ୍ଲୀ ଏବଂ ମୁରାଦାବାଦରୁ ଆସୁଥିବା ଟ୍ରେନ୍ ପ୍ରଭାବିତ ହୋଇଥିବାବେଳେ ରେଳ ଟ୍ରାକ୍ ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି ।
