Video; ଜୁସ୍ରେ ପରିସ୍ରା ଫେଣ୍ଟି ବିକ୍ରି କରୁଥିଲେ ଦୋକାନୀ, ଦେଖିବା ପରେ ପ୍ରବଳ ଛେଚିଲେ ସ୍ଥାନୀୟ ଲୋକେ
ଗାଜିଆବାଦ: ଗାଜିଆବାଦର ଲୋନି ଅଞ୍ଚଳରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ଇନ୍ଦିରାପୁରୀ ଅଞ୍ଚଳର ଏକ ଜୁସ୍ ଦୋକାନରେ ଲୋକଙ୍କୁ ପରିସ୍ରା ମିଶା ଜୁସ୍ ଦେବାର ଏକ ଘଟଣା ସାମ୍ନାକୁ ଆସିଛି । ରସରେ ଏକ ଅଜବ ସ୍ୱାଦ ଦେଖି ସ୍ଥାନୀୟ ଲୋକେ ପ୍ରତିବାଦ କରିବା ପରେ ଘଟଣା ପଦାକୁ ଆସିଥିଲା । ଘଟଣାସ୍ଥଳରେ ଦୋକାନ ମାଲିକଙ୍କୁ ଧରି ପ୍ରବଳ ମାଡ଼ ମାରିଥିଲେ ସ୍ଥାନୀୟ ଲୋକେ ।
ଜୁସ୍ ଦୋକାନରେ ରଖାଯାଇଥିବା ପରିସ୍ରା ବୋତଲ ମଧ୍ୟ ମିଳିଥିଲା । ସ୍ଥାନୀୟ ଲୋକେ ଏହାର ଭିଡିଓ ପ୍ରସ୍ତୁତ କରି ପୋଲିସକୁ ଖବର ଦେଇଥିଲେ । ଉତ୍ତ୍ୟକ୍ତ ଲୋକେ ଏହି ଯୁବକମାନଙ୍କୁ ପ୍ରବଳ ମାଡ଼ ମାରିଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଦୋକାନ ମାଲିକଙ୍କ ସମେତ ଦୁଇ ଅଭିଯୁକ୍ତଙ୍କୁ ଅଟକ ରଖିଛି । ଜୁସ୍ ନମୁନା ଏବଂ ଜବତ ପରିସ୍ରା ମଧ୍ୟ ପରୀକ୍ଷା ପାଇଁ ପଠାଯାଇଛି ।
ଗାଜିଆବାଦ ଜିଲ୍ଲାର ଲୋନି ବର୍ଡର ଅଞ୍ଚଳରେ ଫଳ ରସରେ ପରିସ୍ରା ମିଶାଇବା ଅଭିଯୋଗରେ ଜଣେ ୨୯ ବର୍ଷୀୟ ଜୁସ୍ ବିକ୍ରେତାଙ୍କୁ ଗିରଫ କରାଯାଇଛି ଏବଂ ତାଙ୍କ ୧୫ ବର୍ଷୀୟ ସହଯୋଗୀଙ୍କୁ ଅଟକ ରଖାଯାଇଛି । ଅଙ୍କୁର ବିହାର ଅଞ୍ଚଳର ସହକାରୀ ପୁଲିସ କମିସନର (ଏସିପି) ଭାସ୍କର ବର୍ମା କହିଛନ୍ତି ଯେ ଜନସାଧାରଣଙ୍କ ଅଭିଯୋଗ ଆଧାରରେ ଗିରଫ କରାଯାଇଛି । ତାଙ୍କ କହିବା ଅନୁଯାୟୀ, ଏହି ଜୁସରେ ପରିସ୍ରା ମିଶାଇ ଗ୍ରାହକଙ୍କୁ ଦିଆଯାଉଛି ବୋଲି ଲୋକେ ଅଭିଯୋଗ କରିଥିଲେ ।
यूपी : गाजियाबाद में जूस में पेशाब मिलाकर कस्टमर्स को पिलाया जा रहा था। दुकान संचालक आमिर और कैफ को पुलिस ने गिरफ्तार किया। दुकान से करीब एक लीटर पेशाब बरामद हुआ। पब्लिक ने दोनों आरोपियों की पिटाई की। pic.twitter.com/cePg6p2YzE
— Sachin Gupta (@SachinGuptaUP) September 13, 2024
