ପରକୀୟା କେଳେଙ୍କାରୀ: ୬ ଛୁଆଙ୍କୁ ଛାଡ଼ି ଭିକାରି ସହ ପଳାଇଲେ ମହିଳା, ଥାନାରେ ସ୍ୱାମୀ
ଏ କେମିତିକା ପ୍ରେମ: ୩୬ ବର୍ଷରେ ପରକୀୟା ପ୍ରୀତି। ୬ ଛୁଆ ଓ ସ୍ୱାମୀଙ୍କୁ ପର କରି ଭିକାରି ସହ ଫେରାର ହେଲେ ମହିଳା।
ଲକ୍ଷ୍ନୌ: ୟୁପିର ହରଦୋଇର ହରପାଳପୁର ଥାନା ଅଞ୍ଚଳରେ ଘଟିଛି ଏକ ଅଭବନୀୟ ଘଟଣା। ଭିକ ମାଗିବାକୁ ଗାଁକୁ ଆସିଥିବା ଜଣେ ବ୍ୟକ୍ତିଙ୍କୁ ନେଇ ଫେରାର୍ ହେଲେ ୬ଟି ଛୁଆଙ୍କ ମା’।
ସେପଟେ ମହିଳାଙ୍କ ସ୍ୱାମୀଙ୍କ ଅଭିଯୋଗ କ୍ରମେ ପୁଲିସ ଏକ ମାମଲା ରୁଜୁ କରି ତାଙ୍କ ପତ୍ନୀ ଓ ଅଭିଯୁକ୍ତ ଭିକାରୀଙ୍କୁ ଖୋଜିବା ଆରମ୍ଭ କରିଛି।
କ’ଣ ରହିଛି ପୂରା ଘଟଣା: ହରପାଳପୁର ଥାନା ଅଞ୍ଚଳର ଏକ ଗାଁରେ ସାଣ୍ଡି ଥାନା ଅନ୍ତର୍ଗତ ଖୀରକିଆଁ ମୋହଲ୍ଲାରେ ରହୁଥିବା ଯୁବ ପଣ୍ଡିତଙ୍କ ପୁଅ ପ୍ୟାରେଲାଲ ହରପାଳପୁର ଥାନା ଅଞ୍ଚଳର ଏକ ଗାଁକୁ ଭିକ ମାଗିବାକୁ ଆସୁଥିଲେ।
ଏହି ସମୟରେ ସେ ମହିଳାଙ୍କ ସହ ପରିଚିତ ହେବା ପରେ ଦୁହେଁ ଫୋନରେ କଥା ବାର୍ତ୍ତା ଆରମ୍ଭ କରିଥିଲେ। ପରେ ସେମାନେ ଘରୁ ଲୁଚି ପଳାଇଥିବା ଅଭିୟୋଗ ହୋଇଛି।
ଥାନାରେ ମାମଲା: ମହିଳାଙ୍କ ସ୍ୱାମୀ ପୁଲିସକୁ କହିଛନ୍ତି ଯେ, ଜାନୁଆରି ୩ ତାରିଖ ଅପରାହ୍ନ ୨ଟାରେ ତାଙ୍କ ପତ୍ନୀ ତାଙ୍କ ଝିଅ ପାଇଁ ଡ୍ରେସ୍ କିଣିବାକୁ ସାଣ୍ଡି ବଜାରରୁ ଯାଇଥିଲେ।
ପୋଷାକ ଓ ପନିପରିବା କିଣିବାକୁ କହି ଘରୁ ବାହାରି ଯାଇଥିଲେ, ଏବଂ ସାଙ୍ଗରେ ମଇଁଷି ବିକ୍ରି ଟଙ୍କା ମଧ୍ୟ ନେଇ ଚାଲିଯାଇଥିଲେ ଏବଂ ଆଉ ଫେରିନଥିଲେ।
ସ୍ୱାମୀ ଛୋଟ ପଣ୍ଡିତଙ୍କ ବିରୋଧରେ ସନ୍ଦେହ ପ୍ରକାଶ କରି ଥାନାରେ ଅଭିଯୋଗ କରିଛନ୍ତି। ଅଭିଯୁକ୍ତକୁ ଧରିବା ପାଇଁ ପୁଲିସ ଛାନଭିନ୍ ଆରମ୍ଭ କରିଛି।
କ’ଣ କହୁଛି ପୋଲିସ: ଏ ସଂକ୍ରାନ୍ତରେ ସିଓ ହରପାଲପୁର ଶିଳ୍ପା କୁମାରୀ କହିଛନ୍ତି ଯେ ଲମକାନରେ ରହୁଥିବା ପୀଡ଼ିତା ରାଜୁ ତାଙ୍କ ପତ୍ନୀଙ୍କୁ ନେଇ ଯାଇଥିବା ନେଇ ଅଭିଯୋଗ କରିଛନ୍ତି।
ମାମଲାର ଗମ୍ଭୀରତାକୁ ଦୃଷ୍ଟିରେ ରଖି ପୋଲିସ ଏକ ମାମଲା ରୁଜୁ କରିଛି। ମହିଳାଙ୍କୁ ଉଦ୍ଧାର କରିବା ପାଇଁ ପଦକ୍ଷେପ ନିଆଯାଉଛି।