(Video) : ରିପବ୍ଲିକାନ୍ ପ୍ରାଇମେରୀ ନିର୍ବାଚନରେ ଜିତିଲେ ନିକ୍କି ହେଲି, ଡୋନାଲ୍ଡ ଟ୍ରମ୍ପଙ୍କୁ ହରାଇ ରଚିଲେ ଇତିହାସ
ନୂଆଦିଲ୍ଲୀ: ଆମେରିକାର ରାଷ୍ଟ୍ରପତି ପଦର ପ୍ରତିଦ୍ୱନ୍ଦ୍ୱୀ ନିକ୍କି ହେଲି କଲମ୍ବିଆରେ ରିପବ୍ଲିକାନ୍ ପ୍ରାଇମେରୀ ନିର୍ବାଚନରେ ଜିତିଛନ୍ତି । ରିପବ୍ଲିକାନ୍ ରାଷ୍ଟ୍ରପତି ପ୍ରାର୍ଥୀ ସହ ଜଡିତ ୨୦୨୪ ନିର୍ବାଚନ ପ୍ରଚାରରେ ଏହା ତାଙ୍କର ପ୍ରଥମ ବଡ଼ ବିଜୟ ଏବଂ ଏହାରି ମଧ୍ୟରେ ସେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ପରାସ୍ତ କରିଛନ୍ତି ।
ସିବିଏସଇର ରିପୋର୍ଟ ଅନୁଯାୟୀ, ବ୍ରିଟିଶ ପବ୍ଲିକ୍ ବ୍ରଡକାଷ୍ଟର ‘ବିବିସି’ର ଆମେରିକୀୟ ସହଯୋଗୀ, ମିଳିତ ଜାତିସଂଘ (ୟୁଏନ୍) ର ପୂର୍ବତନ ରାଷ୍ଟ୍ରଦୂତ ନିକ୍କି ହେଲିଙ୍କୁ ୬୨.୯ ପ୍ରତିଶତ ଭୋଟ୍ ମିଳିଥିବାବେଳେ ଡୋନାଲ୍ଡ ଟ୍ରମ୍ପଙ୍କୁ ମାତ୍ର ୩୩.୨ ପ୍ରତିଶତ ଭୋଟରେ ସନ୍ତୁଷ୍ଟ ହେବାକୁ ପଡିଛି । ସବୁଠାରୁ କୌତୁହଳର ବିଷୟ ହେଉଛି ଆମେରିକାର ଇତିହାସରେ ସେ ରିପବ୍ଲିକାନ୍ ପ୍ରାଇମେରୀ ନିର୍ବାଚନରେ ଜିତିଥିବା ପ୍ରଥମ ମହିଳା ହୋଇଛନ୍ତି ।
ନିକ୍କି ହେଲିଙ୍କ ବିଜୟ କଲମ୍ବିଆରେ ଡୋନାଲ୍ଡ ଟ୍ରମ୍ପଙ୍କୁ ଏକ ଝଟକା ଦେଇଥାଇପାରେ, କିନ୍ତୁ ଏହି ଦୌଡ଼ରେ ଆମେରିକାର ପୂର୍ବତନ ରାଷ୍ଟ୍ରପତିଙ୍କ ଦାବି ଏବେ ମଧ୍ୟ ଦୃଢ଼ ରହିଛି । ଏପର୍ଯ୍ୟନ୍ତ ଡୋନାଲ୍ଡ ଟ୍ରମ୍ପ ପ୍ରାଇମେରୀ ନିର୍ବାଚନରେ ଏକପାଖିଆ ଭାବେ ବିଜୟୀ ହୋଇଥିବାବେଳେ ନିକ୍କି ହେଲିଙ୍କୁ ହୋମ ଷ୍ଟେଟ୍ ଦକ୍ଷିଣ କାରୋଲିନାରେ ପରାଜୟର ସମ୍ମୁଖୀନ ହେବାକୁ ପଡ଼ିଥିଲା । ନଭେମ୍ବର ୨୦୨୪ ରେ ହେବାକୁ ଥିବା ଆମେରିକାର ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପ ଜୋ ବାଇଡେନଙ୍କୁ ସାମ୍ନା କରିପାରନ୍ତି ।
Happening now: @NikkiHaley rallies supporters in Portland pic.twitter.com/ot4uFqSfIR
— Phil Hirschkorn (@PHirschkorn) March 4, 2024
