ବୈଭବ ସୂର୍ଯ୍ୟବଂଶୀଙ୍କ ସୁନାମୀ ଦେଖି ଇଂଲଣ୍ଡ ବୋଲର ଆଶ୍ଚର୍ଯ୍ୟ, ରିଷଭ ପନ୍ତଙ୍କ କ୍ଲବରେ ହେଲେ ସାମିଲ

ନୂଆଦିଲ୍ଲୀ: ଭାରତୀୟ ଅଣ୍ଡର-୧୯ ଟିମ ଆୟୁଷ ମହାତ୍ରେଙ୍କ ଅଧିନାୟକତ୍ୱରେ ଇଂଲଣ୍ଡରେ ୫ ଟିକିଆ ମ୍ୟାଚର ୟୁଥ ୱାନଡେ ସିସରିଜ ଖେଳିବାକୁ ପହଞ୍ଚିଛି। ଏପର୍ଯ୍ୟନ୍ତ ଏହି ସିରିଜର ତିନୋଟି ମ୍ୟାଚ ଖେଳାଯାଇସାରିଛି।

ଏଥିରେ ୧୪ ବର୍ଷୀୟ ବୈଭବ ସୂର୍ଯ୍ୟବଂଶୀଙ୍କ ଧମଦାର ବ୍ୟାଟିଂ ଦେଖି ଇଂଲଣ୍ଡ ଅଣ୍ଡର-୧୯ର ବୋଲରମାନେ ଆଶ୍ଚର୍ଯ୍ୟ ହୋଇଯାଇଛନ୍ତି। Northampton ମଇଦାନରେ ଜୁଲାଇ ୨ରେ ଖେଳାଯାଇଥିବା ଏହି ସିରିଜର ତୃତୀୟ ମ୍ୟାଚରେ ଟିମ ଇଣ୍ଡିଆକୁ ୨୬୯ ରନର ଟାର୍ଗେଟ୍ ମିଳିଥିଲା।

ଏଥିରେ ବୈଭବ ୩୧ ବଲରେ ୮୬ ରନର ଧମାକାଦାର ଇଂନିସ ଖେଳିଛନ୍ତି। ଏଥିରେ ଭାରତୀୟ ଟିମ ୩୪.୩ ଓଭରରେ ଟାର୍ଗେଟକୁ ୬ ୱିକେଟର କ୍ଷତିରେ ଚେଞ୍ଜ କରିଦେଇଥିଲା। ବୈଭବ ନିଜର ଏହି ଇଂନିସରେ ଋଷଭ ପନ୍ତଙ୍କ ସହ ଏକ ଖାସ କ୍ଲବରେ ମଧ୍ୟ ସାମିଲ ହୋଇଛନ୍ତି।

ଇଂଲଣ୍ଡ ଅଣ୍ଡର-୧୯ ଟିମ ବର୍ଷା ଯୋଗୁଁ ୪୦ ଓଭରରେ ଏହି ୩ୟ ୟୁଥ ୱାନଡେ ମ୍ୟାଚରେ ପ୍ରଥମେ ଖେଳି ୬ ୱିକେଟର କ୍ଷତିରେ ୨୬୮ ରନ କରିଥିଲେ। ସେହିପରି ଏହି ଟାର୍ଗେଟକୁ ପିଛା କରି ଟିମ ଇଣ୍ଡିଆ ମଇଦାନକୁ ବାହାରିବା ପରେ ଧମାଲ ଦେଖିବାକୁ ମିଳିଥିଲା।

ବୈଭବ ଏହି ସମୟରେ ମାତ୍ର ୨୦ ବଲରେ ହିଁ ନିଜର ଅର୍ଦ୍ଧଶତକ ପୂରା କରିଥିଲେ। ଭାରତ ପକ୍ଷରୁ ୟୁଥ ୱାନଡେ ମ୍ୟାଚରେ ସବୁଠୁ ଦ୍ରୁତ ଅର୍ଦ୍ଧଶତକ ମାରିଥିବା ଦ୍ୱିତୀୟ ଖେଳାଳି ହୋଇଗଲେ ବୈଭବ।

ଏହି ତାଲିକାରେ ପ୍ରଥମ ନମ୍ବରରେ ରିଷଭ ପନ୍ତଙ୍କ ନାମ ରହିଛି, ସେ ୨୦୧୬ ମସିହାରେ ନେପାଳ ବିପକ୍ଷ ମୟାଚରେ ୧୮ ବଲରେ ଅର୍ଦ୍ଧଶତକ ହାସଲ କରିଥିଲେ। ବୈଭବ ଏହି ମ୍ୟାଚରେ ନିଜର ୮୬ ରନର ଇନିଂସରେ ୬ଟି ଚୌକା ଏବଂ ୯ଟି ଛକା ମାରିଛନ୍ତି। ଏଥିରେ ତାଙ୍କର ଷ୍ଟ୍ରାଇକ ରେଟ ୨୭୭.୪୧ର ଥିଲା।