ଶାହରୁଖଙ୍କ Dunki ରେ ବିକି କୌଶଳଙ୍କ ମୃତ୍ୟୁ ! ଏହାପରେ ଆସିଛି ବଡ ଟ୍ୱିଷ୍ଟ
ମୁମ୍ବାଇ:ଶାହରୁଖ ଖାନ୍,ତାପସୀ ପନ୍ନୁ ଅଭିନୀତ ଓ ରାଜକୁମାର ହିରାନୀଙ୍କ ନିର୍ଦ୍ଦେଶିତ ଫିଲ୍ମ ଡଙ୍କିକୁ ନେଇ ଏବେ ଦର୍ଶକଙ୍କ ମଧ୍ୟରେ ବେଶ୍ ଉତ୍ସାହ ଖେଳିଯାଇଛି । ନିଜ ଜନ୍ମଦିନରେ ଶାହରୁଖ କହିଥିଲେ କିପରି ମୁନ୍ନା ଭାଇ ଓ ଥ୍ରି ଇଡିଅଟସ୍ ଫିଲ୍ମରେ ସେ ରାଜକୁମାର ହିରାନୀଙ୍କ ସହ କାମ କରିପାରି ନ ଥିଲେ କିନ୍ତୁ ଏଥର ସେ ‘ଡଙ୍କି’କୁ ନିଜ ହାତରୁ ଯିବାକୁ ଦେଇ ନାହାନ୍ତି । ପ୍ରମୋଶନ ସମୟରେ ବି ଶାହରୁଖ ଡଙ୍କିକୁ ବେଶ୍ ପ୍ରଶଂସା କରିଛନ୍ତି ।
ଫିଲ୍ମ ଡଙ୍କିରେ ଶାହରୁଖଙ୍କ ସହିତ ତାପସୀ ପନ୍ନୁ, ବିକି କୌଶଳ ଓ ବୋମନ ଇରାନୀ ମଧ୍ୟ ନଜର ଆସିବେ । ତେବେ ଏହାରି ମଧ୍ୟରେ ଏପରି ଶୁଣିବାକୁ ମିଳୁଛି କି ଫିଲ୍ମରେ ବିକି କୌଶଳ ଚରିତ୍ରର ମୃତ୍ୟୁ ହୋଇଯିବ ।
ପ୍ରକୃତ ଘଟଣା ହେଉଛି ସୋସିଆଲ ମିଡିଆ ପ୍ଲାଟଫର୍ମ ରେଡିଟ୍ରେ ଏକ ପୋଷ୍ଟ ଦେଖିବାକୁ ମିଳୁଛି । ଏହି ପୋଷ୍ଟ ସେତେବେଳେ କରାଯାଇଥିଲା ଯେତେବେଳେ ଶାହରୁଖ ଖାନ୍ ଫିଲ୍ମ ଡଙ୍କିର ୨ଟି ନୂଆ ପୋଷ୍ଟର ସେୟାର କରିଥିଲେ । ଏହି ଦୁଇ ପୋଷ୍ଟରରେ ଶାହରୁଖ ଖାନ୍ଙ୍କ ସହିତ ଅନ୍ୟ ଷ୍ଟାରମାନଙ୍କର ଲୁକ୍ରେ ଫରକ ନଜର ଆସୁଛି । ଏହି ଦୁଇ ପୋଷ୍ଟରରୁ ଲାଗୁଛି କି ଏହା ମଧ୍ୟରେ କିଛି ବର୍ଷର ଫରକ ରହିଛି ଓ ଏହାରି ମଧ୍ୟରେ ବିକି କୌଶଳଙ୍କର ମୃତ୍ୟୁ ହୋଇଯାଇଛି । କାରଣ ପରବର୍ତ୍ତୀ ପୋଷ୍ଟରରେ ବିକି ନଜର ଆସୁନାହାନ୍ତି ।
ଏହା ତ ସ୍ପଷ୍ଟ ଯେ, ଡଙ୍କି ଯବାନ ଓ ପଠାନ ପରି ଆକ୍ସନ ଫିଲ୍ମ ନୁହେଁ ବରଂ ଏହା ଏକ ଇମୋସନାଲ ଡ୍ରାମା ଫିଲ୍ମ । ଫିଲ୍ମର ନିର୍ଦ୍ଦେଶକ ମଧ୍ୟ କହି ସାରିଛନ୍ତି କି ଏହା ଦର୍ଶକଙ୍କୁ ଭାବୁକ କରିଦେବ । ତେଣୁ ଏହା ଅନୁମାନ କରାଯାଉଛି କି ଫିଲ୍ମରେ ବିକିଙ୍କ ମୃତ୍ୟୁ ପରେ ଏକ ବଡ ଟ୍ୱିଷ୍ଟ ଆସିଛି ।
ଏଠାରେ ସୂଚାଇ ଦିଆଯାଇପାରେ କି ଶାହରୁଖଙ୍କ ଜନ୍ମଦିନରେ ‘ଡଙ୍କି’ର ଡ୍ରପ୍ ୱାନ୍ ଭିଡିଓ ସେୟାର କରାଯାଇଥିଲା ଓ କୁହାଯାଇଥିଲା କି ଏହିପରି ୬ ଗୋଟି ଭିଡିଓ ସେୟାର କରାଯିବ । ୨୨ ଡିସେମ୍ବର ୨୦୨୩ରେ ଡଙ୍କି ସିନେମାଘରେ ରିଲିଜ୍ ହେବ ।
