ଭିନେଶ କେବେ ହାର ମାନିବେନି…, ସାରା ଦେଶ ତୁମ ସାଥିରେ ଅଛି, ସୋସିଆଲ ମିଡିଆରେ ଭାବୁକ ପୋଷ୍ଟ ଲେଖିଲେ ରହୁଲ ଗାନ୍ଧୀ
ନୂଆଦିଲ୍ଲୀ: ଭାରତୀୟ ମହିଳା କୁସ୍ତିଯୋଦ୍ଧା ଭିନେଶ ଫୋଗାଟଙ୍କୁ ପ୍ୟାରିସ୍ ଅଲିମ୍ପିକ୍ସର ଫାଇନାଲ ମ୍ୟାଚରେ ଅଯୋଗ୍ୟ ଘୋଷିତ ହୋଇଛନ୍ତି । ଏହା ଭାରତ ସହ ତାଙ୍କ ପ୍ରଶଂସକଙ୍କୁ ଶକ୍ତ ଝଟକା ଦେଇଛି । ସ୍ୱର୍ଣ୍ଣ ପଦକ ଜିତିବା ଆଶା କ୍ଷଣିକରେ ଭାଙ୍ଗିଯାଇଛି । ଏନେଇ ଲୋକସଭା ବିରୋଧି ଦଳ ନେତା ରାହୁଲ ଗାନ୍ଧୀ ଦୁଃଖ ପ୍ରକାଶ କରିବା ସହ ଏହି ଘଟଣାକୁ ଦୁର୍ଭାଗ୍ୟପୂର୍ଣ୍ଣ କହିଛନ୍ତି । ଭାରତୀୟ ଅଲିମ୍ପିକ ସଂଘ ଏହି ନିଷ୍ପତ୍ତିକୁ ଦୃଢ଼ ଭାବରେ ଚ୍ୟାଲେଞ୍ଜ କରିବା ସହ ଦେଶର ଝିଅକୁ ନ୍ୟାୟ ପ୍ରଦାନ କରିବ ବୋଲି ରାହୁଲ ବୁଧବାର ଆଶା ବ୍ୟକ୍ତ କରିଛନ୍ତି ।
ଫ୍ୟାରିସ୍ ଅଲିମ୍ପିକ୍ସର ଫାଇନାଲ ମ୍ୟାଚରେ ଭିନେଶଙ୍କ ଅଧିକ ଓଜନ ପାଇଁ ତାଙ୍କୁ ଅଯୋଗ୍ୟ ଘୋଷଣା କରାଯାଇଥିଲା । ଏନେଇ ରାହୁଲ ଗାନ୍ଧି ‘ଏକ୍ସ’ରେ ଏକ ଭାବୁକ ପୋଷ୍ଟ ଶେୟାର କରି ଲେଖିଛନ୍ତି, ‘ବିଶ୍ୱବିଜେତା କୁସ୍ତଯୋଦ୍ଧାଙ୍କୁ ହରାଇ ଭାରତର ଶାନ୍ ଭିନେଶ ଫୋଗାଟ ଫାଇନାଲରେ ପହଂଚିଥିଲେ କିନ୍ତୁ ତାଙ୍କୁ ଅଯୋଗ୍ୟ ଘୋଷଣା କରାଯିବା ଦୁର୍ଭାଗ୍ୟପୂର୍ଣ୍ଣ । ଭାରତୀୟ ଅଲିମ୍ପିକ ସଂଘ ଏହି ନିଷ୍ପତ୍ତିକୁ ଦୃଢ଼ତାର ସହ ଚ୍ୟାଲେଞ୍ଜ କରିବ ବୋଲି ମୁୃଁ ଆଶା କରୁଛି । ଭିନେଶ ସହଜରେ ହାର ମାନିବା ବ୍ୟକ୍ତି ନୁହଁନ୍ତି । ସେ ପୁଣି ଥରେ ଆଖଡ଼ାକୁ ଫେରିବେ ବୋଲି ମୋର ବିଶ୍ୱାସ ।’
विश्वविजेता पहलवानों को हरा कर फाइनल में पहुंची भारत की शान विनेश फोगाट का तकनीकी आधार पर अयोग्य घोषित किया जाना दुर्भाग्यपूर्ण है।
हमें पूरी उम्मीद है कि भारतीय ओलंपिक संघ इस निर्णय को मजबूती से चैलेंज कर देश की बेटी को न्याय दिलाएगा।
विनेश हिम्मत हारने वालों में से नहीं हैं,…
— Rahul Gandhi (@RahulGandhi) August 7, 2024
