Waqf Amendment Bill : ଲୋକସଭାରେ ଉପସ୍ଥାପିତ ହେଲା ୱାକଫ୍ ସଂଶୋଧନ ବିଲ୍, ବିରୋଧୀଙ୍କ ହଟ୍ଟଗୋଳ
ସଂଶୋଧିତ ୱାକଫ୍ ବିଲ୍ ଆଗତ କଲେ ସଂସଦୀୟ ଓ ସଂଖ୍ୟାଲଘୁ ବ୍ୟାପାର ମନ୍ତ୍ରୀ ।
ନୂଆଦିଲ୍ଲୀ: ସଂସଦର ବଜେଟ ଅଧିବେଶନର ଦ୍ୱିତୀୟ ପର୍ଯ୍ୟାୟରେ, ସଂସଦର ଉଭୟ ଗୃହ ଲୋକସଭା ଏବଂ ରାଜ୍ୟସଭାର କାର୍ଯ୍ୟ ଆଜି ବୁଧବାର ସକାଳ 11ଟାରେ ଆରମ୍ଭ ହୋଇଥିଲା। ତେବେ ଗୃହରେ ଆଗତ ହେଲା ଓ୍ବାକଫ୍ ବିଲ୍।
କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ ଲୋକସଭାରେ ୱାକଫ ସଂଶୋଧନ ବିଲ୍ 2025 ପ୍ରଣୟନ କରିଛନ୍ତି । ଏହାର ଉଦ୍ଦେଶ୍ୟ ହେଉଛି ୧୯୯୫ ମସିହାର ୱାକଫ୍ ଆଇନରେ ସଂଶୋଧନ କରିବା। ୮ ଘଣ୍ଟା ଧରି ସଂଶୋଧିତ ବିଲ୍ ଉପରେ ଚର୍ଚ୍ଚା ଆଲୋଚନା ପରେ ବିଲ୍ ଉପରେ ହେବ ଭୋଟିଂ ହେବ । ବିଲ୍ ଆଗତ ପରେ ପ୍ରଥମେ ଆପତ୍ତି ଉଠାଇଲା କଂଗ୍ରେସ ।
ଲୋକସଭାରେ ବିଲ୍ ଉପସ୍ଥାପନ ହେବା ମାତ୍ରେ ବିରୋଧୀ ଦଳ ଆପତ୍ତି ଉଠାଇବା ଆରମ୍ଭ କରିଦେଲେ । ଏହା ଉପରେ ଗୃହମନ୍ତ୍ରୀ ଅମିତ ଶାହ କହିଥିଲେ, କଂଗ୍ରେସ କମିଟିଗୁଡ଼ିକ କେବଳ ବିଲ୍ ଉପରେ ମୋହର ମାରୁଥିଲେ । ବର୍ତ୍ତମାନ ବିଲ୍ ଉପରେ ଗୃହରେ ଆଲୋଚନା ହେଉଛି ।
ୱାକଫ୍ ବିଲ୍ ଉପସ୍ଥାପନ ହେବା ସହିତ, NDA ଏବଂ ଇଣ୍ଡିଆ ଆଲାଏନ୍ସ ମଧ୍ୟରେ ଏକାଧିକ ବୈଠକ ଅନୁଷ୍ଠିତ ହୋଇଥିଲା। ଗୋଟିଏ ପଟେ, ଭାରତ ମେଣ୍ଟର ଅଂଶୀଦାରମାନଙ୍କର ଏକ ବୈଠକ ଅନୁଷ୍ଠିତ ହୋଇଥିବା ବେଳେ ଅନ୍ୟ ପଟେ, NDAର ଏକ ବୈଠକ ମଧ୍ୟ ଅନୁଷ୍ଠିତ ହୋଇଥିଲା। ଏହି ସମୟରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସଂସଦ ଭବନରେ ପହଞ୍ଚିଥିଲେ ।
ବିଲକୁ ବିରୋଧ ପାଇଁ ଇଣ୍ଡି ମେଣ୍ଟ ନିଷ୍ପତ୍ତି ନେଇଛି । ଆଜି ବିଳମ୍ବିତ ରାତି ପର୍ଯ୍ୟନ୍ତ ଚାଲିପାରେ ଲୋକସଭା । ଆଇନରେ କେତେକ ସଂଶୋଧନକୁ ମୁସଲିମ୍ ସଂଗଠନ ବିରୋଧ କରୁଛନ୍ତି ।