ସୀମାରେ ଯେକୌଣସି ପରିସ୍ଥିତିର ମୁକାବିଲା କରିବାକୁ ଆମେ ସକ୍ଷମ; ସେନାମୁଖ୍ୟ
ନୂଆଦିଲ୍ଲୀ: ଏଲ୍ଏସିରେ ସ୍ଥିତି ସ୍ଥିର କିନ୍ତୁ ସମ୍ବେଦନଶୀଳ ବୋଲି ଭାରତୀୟ ସେନା ମୁଖ୍ୟ ଜେନେରାଲ ମନୋଜ ପାଣ୍ଡେ କହିଛନ୍ତି। ଏଲଏସିରେ ଭାରତୀୟ ସୈନ୍ୟ ଓ ଅନ୍ୟାନ୍ୟ ସାମରିକ ପ୍ରତିଷ୍ଠାନ ମୁତୟନ ବଢ଼ାଇ ଆମେ ବହୁତ ଦୃଢ଼ ସ୍ଥିତିରେ ଅଛୁ ବୋଲି ସେ ଗୁରୁତ୍ୱାରୋପ କରିଥିଲେ। ଏହାକୁ ଆମେ ସନ୍ତୁଳିତ କହିପାରିବା। ସୀମାରେ ଯେକୌଣସି ପରିସ୍ଥିତିର ମୁକାବିଲା କରିବାକୁ ଆମେ ସକ୍ଷମ।
‘ଭାରତ ଏବଂ ଭାରତ-ପ୍ରଶାନ୍ତ ମହାସାଗର: ବିପଦ ଏବଂ ଚ୍ୟାଲେଞ୍ଜ’ ଶୀର୍ଷକ ଏକ କାର୍ଯ୍ୟକ୍ରମକୁ ସମ୍ବୋଧିତ କରି ଜେନେରାଲ ମନୋଜ ପାଣ୍ଡେ କହିଛନ୍ତି ଯେ ଏଲ୍ଏସି ଉପରେ ତୀକ୍ଷ୍ଣ ନଜର ରଖିବା ସହିତ ଭିତ୍ତିଭୂମି ଏବଂ ସୈନ୍ୟଙ୍କ ଗତିବିଧି ଦୃଷ୍ଟିରୁ ଆଉ କ’ଣ ବିକାଶ ହେଉଛି ତାହା ମଧ୍ୟ ଦେଖିବାକୁ ପଡ଼ିବ। ଏଲ୍ଏସିରେ ଚୀନ୍ର ବଢ଼ୁଥିବା ପ୍ରଭାବ ଏବଂ ଏହାର ଭବିଷ୍ୟତ ପ୍ରସ୍ତୁତି କାରଣରୁ ଏଲ୍ଏସିରେ ଉତ୍ତେଜନା ବଢ଼ୁଥିବା ପ୍ରଶ୍ନର ଉତ୍ତରରେ ସେନାମୁଖ୍ୟ ଏହା କହିଛନ୍ତି।
୨୦୦୫ ମେ ୫ ତାରିଖରେ ପୂର୍ବ ଲଦାଖ ସୀମାରେ ପାଙ୍ଗୋଙ୍ଗ ହ୍ରଦ ଅଞ୍ଚଳରେ ହୋଇଥିବା ହିଂସାତ୍ମକ ସଂଘର୍ଷ ଏବଂ ଜୁନ୍ ୨୦୨୦ରେ ଗଲୱାନରେ ହୋଇଥିବା ସାମରିକ ସଂଘର୍ଷ ପରେ ଦୁଇ ସେନା ମୁହାଁମୁହିଁ ହୋଇଥିଲେ । ବର୍ତ୍ତମାନ ଏଲ୍ଏସିରେ ସ୍ଥିତି କ’ଣ? ଜେନେରାଲ ମନୋଜ ପାଣ୍ଡେ କହିଛନ୍ତି ଯେ ଯଦି ମୁଁ ଏଲଏସିର ସ୍ଥିତି ବିଷୟରେ ସଂକ୍ଷିପ୍ତ ରେ କହିବି, ତେବେ ଏହା ସ୍ଥିର ଏବଂ ସମ୍ବେଦନଶୀଳ ।
ସେ କହିଛନ୍ତି ଯେ ଫ୍ରଣ୍ଟ ଲାଇନରେ ମୁତୟନ ସୈନିକ ବହୁତ ଶକ୍ତିଶାଳୀ । ଆମର ସାମରିକ ପ୍ରସ୍ତୁତି ବିଷୟରେ କହିବାକୁ ଗଲେ ଆମର ଦୃଢ଼ ପଦାତିକ ଗଠନ ଏବଂ ପର୍ଯ୍ୟାପ୍ତ ଆର୍ଟିଲାରି ଏବଂ ଅନ୍ୟାନ୍ୟ ଉପାଦାନ ଏଲଏସିରେ ଯେକୌଣସି ପରିସ୍ଥିତିର ମୁକାବିଲା କରିବାକୁ ସକ୍ଷମ।
ସୀମା ବିବାଦର ସମାଧାନ ଏବଂ ଶାନ୍ତି ବଜାୟ ରଖିବା ପାଇଁ ନିକଟରେ ଭାରତ ଏବଂ ଚୀନ୍ ମଧ୍ୟରେ ସଦ୍ୟତମ ଉଚ୍ଚସ୍ତରୀୟ ସାମରିକ ଆଲୋଚନା ହୋଇଥିଲା। ହେଲେ କୌଣସି ସମାଧାନର ବାଟ ବାହାରି ପାରିନଥିଲା। ସୀମାରେ ଘଟିଥିବା ସଂଘର୍ଷରୁ କ’ଣ ଶିକ୍ଷା ଗ୍ରହଣ କରାଯାଇଛି ବୋଲି ସେନାମୁଖ୍ୟଙ୍କୁ ପ୍ରଶ୍ନ କରିବାକୁ କୁହାଯାଇଥିଲା, କିନ୍ତୁ ସାରା ବିଶ୍ୱରେ ଯାହା ଘଟୁଛି ସେଥିରୁ ମତେ ଆହୁରି ଶିକ୍ଷା ନେବାକୁ ପଡ଼ିବ।
