“We beg an Apology…” ଷ୍ଟ୍ରାଇକରେ ପୋଲିସ ଆସୋସିଏସନ୍: ଭୟଙ୍କର ହେଉଛି ବାଂଲାଦେଶ ହିଂସା
ନୂଆଦିଲ୍ଲୀ: ବାଂଲାଦେଶରେ ଧିରେ ଧିରେ ପରିସ୍ଥିତି ଜଟିଳ ଆଡ଼କୁ ଗତି କରୁଛି । ବାଦ-ପ୍ରତିବାଦ ହିଂସା ଭିତରେ ଚୁପ୍ ହୋଇଯାଇଛି ପୋଲିସ ଆସୋସିଏସନ୍ । ଦେଶର ସୁରକ୍ଷା ଆଜି ବିପଦରେ, ସେ ବି ପ୍ରଧାନମନ୍ତ୍ରୀଙ୍କ ପାଇଁ । ବାଂଲାଦେଶ ପ୍ରଧାନମନ୍ତ୍ରୀ ଶେଖ୍ ହସୀନାଙ୍କ ବିରୋଧରେ ଦେଶବ୍ୟାପୀ ବିରୋଧ ହେଉଥିବା ବେଳେ ପୋଲିସ ମଧ୍ୟ ହତିଆର ତ୍ୟାଗ କରିଛି । ବାଂଲାଦେଶର ଏକ ଘଡ଼ିସନ୍ଧି ମୁହୂର୍ତ୍ତରେ ପୋଲିସ ଷ୍ଟ୍ରାଇକ କରିବା ପାଇଁ ଘୋଷଣା କରିଛି । ପୋଲିସ ଅଫିସରମାନଙ୍କୁ ସୁରକ୍ଷା ଦାବି କରି ଏହି ଷ୍ଟ୍ରାଇକ କରିଛି ବାଂଲାଦେଶ ପୋଲିସ ଆସୋସିଏସନ୍ ।
ସାରା ଦେଶରେ ବିରୋଧର ନିଆଁ ଜଳୁଥିବା ବେଳେ ବାଂଲାଦେଶ ପୋଲିସ ଆସୋସିଏସନ୍ ମଧ୍ୟ ନିଜ ସୁରକ୍ଷା ପାଇଁ ଦାବି କରିଛି । ପ୍ରଧାନମନ୍ତ୍ରୀ ଶେଖ୍ ହସୀନା ଦେଶତ୍ୟାଗ କରିବା ପରେ ଦେଶର ପ୍ରମୁଖ ପୋଲିସ ସଂଗଠନ ଦର୍ମଘଟ କରିବା ପାଇଁ ଘୋଷଣା କରିଛି । ହଜାର ହଜାର ପୋଲିସଙ୍କ ପ୍ରତିନିଧିତ୍ୱ କରୁଥିବା ପୋଲିସ ଆସୋସିଏସନ୍ ଏକ ବିବୃତ୍ତି ଜାରି କରି ଏ ସମ୍ପର୍କରେ ସୂଚନା ଦେଇଛି । ଆସୋସିଏସନ୍ ପକ୍ଷରୁ କୁହାଯାଇଛି ଯେ, ପୋଲିସର ପ୍ରତ୍ୟେକ ସଦସ୍ୟଙ୍କୁ ସୁରକ୍ଷା ନେଇ ନିଷ୍ପତ୍ତି ନ ହେବା ପର୍ଯ୍ୟନ୍ତ ଏହି ଷ୍ଟ୍ରାଇକ୍ ଜାରି ରହିବ । ଏହାସହିତ ବିକ୍ଷୋଭକାରୀଙ୍କ ବିରୋଧରେ ନିଆ ଯାଇଥିବା କାର୍ଯ୍ୟନୁଷ୍ଠାନ ପାଇଁ କ୍ଷମା ପ୍ରାର୍ଥନା କରିବାକୁ ମଧ୍ୟ ଦାବି ହୋଇଛି ।
ପ୍ରଧାନମନ୍ତ୍ରୀ ପଦରୁ ଶେଖ୍ ହସୀନାଙ୍କ ଇସ୍ତଫା ଏବଂ ସେନାର ମଧ୍ୟବର୍ତ୍ତୀକାଳୀନ ସରକାର ଗଠନ ନେଇ ଘୋଷଣା ହେବା ପରେ ବାଂଲାଦେଶରେ ବିରୋଧର ଜୋର ଧରିଛି । ସିକ୍ୟୁରିଟି ଫୋର୍ସର କଠୋର କୌଶଳ ପରେ ମଧ୍ୟ ଶହ ଶହ ଲୋକଙ୍କ ମୃତ୍ୟୁ କେବଳ ବିରୋଧକୁ ମଜବୁତ କରିଛି । ତେବେ ସୋମବାର ସେନାବାହିନୀ ମଧ୍ୟ ହସୀନାଙ୍କ ବିରୋଧରେ ସ୍ୱର ଉଠାଇବାରୁ ସେ ଦେଶ ଛାଡ଼ିଥିବା କୁହାଯାଇଛି । ତେବେ ଦେଶରେ ଅସ୍ଥିର ପରିସ୍ଥିତିରେ ମଧ୍ୟ ପୋଲିସ ଫୋର୍ସ ପ୍ରଧାନମନ୍ତ୍ରୀଙ୍କ ବିଶ୍ୱସ୍ତ ରହିଥିଲା । ମାସ ମାସ ଧରି ଚାଲିଥିବା ହିଂସାରେ ପୋଲିସ କର୍ମୀଙ୍କ ସମେତ ୪୧୩ ଜଣଙ୍କ ମୃତ୍ୟୁ ହୋଇଛି । କିନ୍ତୁ ବର୍ତ୍ତମାନ ପୋଲିସ କର୍ମୀମାନେ ବିକ୍ଷୋଭକାରୀଙ୍କ ଦ୍ୱାରା ପ୍ରତିଶୋଧର ଶିକାର ହେଉଥିବା ଦାବି କରିଛନ୍ତି ।
ଯେ ବାଂଲାଦେଶ ପୋଲିସ ଆସୋସିଏସନର ବିବୃତ୍ତିରେ ଅଧିକାରୀଙ୍କ ଅଭିଯୋଗ ପ୍ରତିଫଳିତ ହୋଇଛି । ନିରୀହ ଛାତ୍ରମାନଙ୍କ ପାଇଁ ପୋଲିସ ଫୋର୍ସ ଯାହା କରିଛି, ସେଥିପାଇଁ ଆମେ କ୍ଷମା ପ୍ରାର୍ଥନା କରୁଛୁ। ଏହି ବିବୃତ୍ତିରେ ଯୁକ୍ତି ଦର୍ଶାଯାଇଛି ଯେ ଅଧିକାରୀମାନେ ନିଆଁ ଲଗାଇବାକୁ ବାଧ୍ୟ ହୋଇଥିଲେ ଏବଂ ଏହି ବିବାଦରେ ତାଙ୍କୁ “ଭିଲେନ୍” ଭାବରେ ବ୍ୟବହାର କରାଯାଇଥିଲା ବୋଲି ସେମାନେ ପ୍ରକାଶ କରିଛନ୍ତି ।