(Video) କେଉଁଭଳି ପୁଅଙ୍କୁ ସବୁ ଝିଅ ମାନେ ବାହା ହେବା ପାଇଁ ବେଶୀ ପସନ୍ଦ କରିଥାନ୍ତି, ଭିଡିଓ ଦେଖି ଜାଣନ୍ତୁ
ନୂଆଦିଲ୍ଲୀ: ବିବାହ କେବଳ ଦୁଇ ଜଣଙ୍କର ନୁହେଁ ବରଂ ଦୁଇଟି ପରିବାରର ଏକ ମହା ମିଳନ। ବିବାହ ଦ୍ୱାରା ଉଭୟ ବର ଏବଂ କନ୍ୟାର ପରିବାର ମଧ୍ୟରେ ଏକ ନୂଆ ସମ୍ପର୍କ ଯୋଡି ହୋଇଥାଏ । ଗୋଟିଏ ପରିବାର ବଦଳରେ ଉଭୟ ଦୁଇଟି ପରିବାର ପାଇଥାନ୍ତି। ଯାହା ସବୁଦିନ ପାଇଁ ଯୋଡି ହୋଇଯାଇଥାଏ। ମାତ୍ର ଭାରତରେ ବିବାହ ସହ ଜଡିତ କିଛି ଏପରି ଖରାପ ଅଭ୍ୟାସ ଅଛି, ଯାହାକୁ ଶତାବ୍ଦୀ ଧରି କେହି ବି ଲିଭାଇ ପାରିବେ ନାହିଁ । ମିଥ୍ୟା ସମ୍ମାନ ପାଇଁ ବିବାହରେ ବିପୁଳ ଅର୍ଥ ଖର୍ଚ୍ଚ ହୋଇଥାଏ, ଯାହା ସମସ୍ତଙ୍କୁ ଜଣା। ହେଲେ ଆହୁରି ବିପଜ୍ଜନକ ହେଉଛି ଯୌତୁକ ଦେବା ଏବଂ ଗ୍ରହଣ କରିବାର ଅଭ୍ୟାସ। ସମ୍ପ୍ରତି, ଏପରି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯାହା ଦେଖିବା ପରେ ଆପଣ ମଧ୍ୟ ବରକୁ ହୃଦୟରୁ ସମ୍ମାନ କରିବେ। ଆଉ ସବୁ ଝିଅ ବାହା ହେବା ପାଇଁ ଏପରି ପୁଅଙ୍କୁ ହିଁ ପସନ୍ଦ କରିଥାନ୍ତି।
ବାସ୍ତବରେ, ବିବାହ ସମାରୋହରେ ସବୁ ରୀତିନୀତି ଅନୁସାରେ ଆୟୋଜନ କରାଯାଇଥିଲା । କନ୍ୟାର ବାପା ଏବଂ ପଣ୍ଡିତ ବର ସହିତ ବସିଥିଲେ। ତା’ପରେ ବାପା ଉପହାର ସହିତ ଯୌତୁକ ବାବଦକୁ ବରକୁ କିଛି ନୋଟ୍ ବିଡା ଦେଇଥିଲେ। କିନ୍ତୁ ବର ଏହାକୁ ଆଦୌ ପସନ୍ଦ କରୁନଥିଲେ। ସେ ଟଙ୍କା ନେବାକୁ ସମ୍ପୂର୍ଣ୍ଣ ଭାବେ ମନା କରିଦେଇଥିଲେ। ବରକୁ ବାରମ୍ବାର ବରର ପିତା ଏବଂ ତାଙ୍କ ସମ୍ପର୍କୀୟମାନେ ଏହି ରାଶି ନେବାକୁ ବାଧ୍ୟ କରିଥିଲେ, କିନ୍ତୁ ବର ରାଜି ହୋଇନଥିଲେ।
ଶେଷରେ ବର କନ୍ୟାର ବାପାଙ୍କୁ ସମ୍ମାନ ଦେବାକୁ ଯାଇ ନିଜ ସହିତ ନୋଟ୍ ବଣ୍ଡଲରୁ ଗୋଟିଏ ନୋଟ୍ ରଖିଥିଲେ। ଏହା ସହ ଅବଶିଷ୍ଟ ସମସ୍ତ ନୋଟ୍ କନ୍ୟାର ବାପାଙ୍କ ନିକଟକୁ ଫେରାଇ ଦେଇଥିଲେ। ଏହା କରି ସେ ପୁରାତନ ରୀତିନୀତି ଅନୁସରଣ କଲେ ଏବଂ ଯୌତୁକ ପରି ସାମାଜିକ ଅସୁସ୍ଥତାକୁ ମଧ୍ୟ ଏଡାଇବାରେ ସଫଳ ହେଲେ। ସମ୍ପ୍ରତି ଏହି ଘଟଣାର ଭିଡିଓ ଇନଷ୍ଟାଗ୍ରାମରେ ଭାଇରାଲ ହେବାରେ ଲାଗିଛି, ଯାହାକୁ ଲୋକମାନେ ବହୁତ ପସନ୍ଦ କରୁଛନ୍ତି। ତେବେ ଏଭଳି ପୁଅଙ୍କୁ ଝିଅ ମାନେ ବାହା ହେବା ପାଇଁ ବେଶୀ ପସନ୍ଦ କରିଥାନ୍ତି।
View this post on Instagram
