ହ୍ୱାଟ୍ସଆପ ସହ ମିଶି ସରକାର ଧରିବେ ଡିଜିଟାଲ ଚୋର, ଜାଣନ୍ତୁ କେମିତି

ନୂଆଦିଲ୍ଲୀ: ଟେଲିକମ ବିଭାଗ ଏବଂ ହ୍ୱାଟ୍ସଆପ ଅନଲାଇନ ଠକେଇ ଏବଂ ସ୍ପାମ୍ ବିରୋଧରେ ସୁରକ୍ଷା ଅଭିଯାନ ଚଳାଇବା ଲାଗି ହାତ ମିଶାଇଛି । ଏହି ପାର୍ଟନରସିପ ଅନୁଯାୟୀ, ଟେଲିକମ ବିଭାଗ ଏବଂ ହ୍ୱାଟ୍ସଆପ ସନ୍ଦିଗ୍ଧଙ୍କୁ ଚିହ୍ନିବା ଲାଗି ନାଗରିକଙ୍କୁ ଶିକ୍ଷିତ କରିବା ପାଇଁ ମିଶିକି କାମ କରିବେ ।

ଅଫିସିଆଲ ବିବୃତ୍ତି ମୁତାବକ, ଟେଲିକମ ବିଭାଗ ଅନଲାଇନ ଠକେଇ ଏବଂ ସ୍ପାମ ବିରୋଧରେ ମେଟାର ସୁରକ୍ଷା ଅଭିଯାନ ‘ଘୋଟାଲେ ସେ ବଚାଓ’ର ବିସ୍ତାର କରିବା ଲାଗି ହ୍ୱାଟ୍ସଆପ ସହ ସହ ସାମିଲ ହୋଇଛି ।

ହ୍ୱାଟ୍ସଆପର ପ୍ୟାରେଣ୍ଟ କମ୍ପାନୀ ମେଟାର ବିଶ୍ୱ ମାମଲାର ମୁଖ୍ୟ ଅଧିକାରୀ ଜୋଏଲ କାପ୍ଳାନ ଏବଂ ଟେଲିକମ ମନ୍ତ୍ରୀ ଜ୍ୟେତିରାଦିତ୍ୟ ସିଂଘିଆ ଟେଲିକମ ବିଭାଗ ଏବଂ ମେଟା ମଧ୍ୟରେ ଚାଲୁଥିବା ସହଯୋଗର ପ୍ରଭାବ ଉପରେ ଚର୍ଚ୍ଚା କରିଛନ୍ତି ।

ଡିଜିଟାଲ ଅପରାଧିଙ୍କ ବିରୋଧରେ କାର୍ଯ୍ୟାନୁଷ୍ଠାନ: ବିବୃତ୍ତି ମୁତାବକ, ହ୍ୱାଟ୍ସଆପ ଟେଲିକମ ସଂଶୋଧନର ଅପବ୍ୟବହାର ଉପରେ ସକ୍ରିୟ କାର୍ଯ୍ୟାନୁଷ୍ଠାନ ପାଇଁ ଡିଆଇପିରୁ ମିଳିଥିବା ସୂଚନାର ବ୍ୟବହାର କରୁଛି ।

ଟେଲିକମ ବିଭାଗର ଡିଆଇପି ଟେଲିକମ ସଂଶୋଧନର ଅପବ୍ୟବହାର ବିଷୟରେ ବ୍ୟାଙ୍କଗୁଡ଼ିକୁ, ଆଇନ ପ୍ରବର୍ତନ ଏଜେନ୍ସିମାନଙ୍କ ଭଳି ୫୫୦ ହିତଧାରକଙ୍କ ସହ ଦ୍ୱିପାକ୍ଷିକ ଡିଜିଟାଲ ସିକ୍ରେଟ୍ ଡାଟା ବିନିମୟ କରିଥାଏ ।

ଗତ କିଛି ବର୍ଷ ମଧ୍ୟରେ ଦେଶରେ ସାଇବର ଅପରାଧ ଏବଂ ଅନଲାଇନ୍ ସ୍କାମ ମାମଲା ଦ୍ରୁତ ଗତିରେ ବୃଦ୍ଧି ପାଇଛି। ଲକ୍ଷ ଲକ୍ଷ ଲୋକ ସ୍କାମରଙ୍କ ଜାଲରେ ପଡ଼ି କୋଟି କୋଟି ଟଙ୍କା ହରାଉଛନ୍ତି।

ବିଶେଷକରି, ଆଜିକାଲି ଡିଜିଟାଲ ଆରେଷ୍ଟ ହେବାର ଅନେକ ମାମଲା ସାମ୍ନାକୁ ଆସୁଛି। ହ୍ୱାଟ୍ସଆପ୍ ମାଧ୍ୟମରେ ଅନେକ ସାଇବର ଅପରାଧୀ ଭିଡିଓ, ଭଏସ୍ କଲ୍ ଏବଂ ଚାଟ୍ ମାଧ୍ୟମରେ ଉପଭୋକ୍ତାଙ୍କୁ ଶିକାର କରୁଛନ୍ତି।

ଏଭଳି ପରିସ୍ଥିତିରେ ହ୍ୱାଟ୍ସଆପ୍ ସହ ଟେଲିକମ୍ ବିଭାଗର ଏହି ସହଭାଗିତା ବହୁ ପରିମାଣରେ ଡିଜିଟାଲ୍ ଅପରାଧକୁ ରୋକିପାରେ।