କେଉଁଠି ତିଆରି ହୁଏ ଭାରତର ତ୍ରିରଙ୍ଗା ପତାକା? ଆସନ୍ତୁ ଜାଣିବା ଏହାକୁ ବନାଇବାର ନିୟମ
ନୂଆଦିଲ୍ଲୀ : ଅଗଷ୍ଟ ୧୫ ୨୦୨୩ରେ ଭାରତ ୭୭ତମ ସ୍ୱାଧୀନତା ଦିବସ ପାଳନ କରିବ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦିଲ୍ଲୀର ଲାଲକିଲାରେ ପତାକା ଉତ୍ତୋଳନ କରିବେ, ଏହା ସହ ଦେଶକୁ ସମ୍ବୋଧିତ ମଧ୍ୟ କରିବେ । ତେବେ ଆପଣ ଜାଣିଛନ୍ତି ଆମ ଜାତୀୟ ପତାକା କେଉଁଠାରେ ତିଆରି ହୁଏ ଏବଂ ଏହାକୁ ତିଆରି କରିବାର କ’ଣ ନିୟମ ରହିଛି ।
କର୍ଣ୍ଣାଟକର ଖାଦୀ ଗ୍ରାମଦ୍ୟୋଗ ସଂଯୁକ୍ତ ସଂଗଠନ ତ୍ରିରଙ୍ଗା ପ୍ରସ୍ତୁତ କରେ । ଏହା ଖାଦୀ ଗ୍ରାମର ଶିଳ୍ପ କର୍ଣ୍ଣାଟକର ହୁବଳି ସହରର ବେଙ୍ଗାରୀ ଅଞ୍ଚଳରେ ଅବସ୍ଥିତ । ଏହାକୁ ଖାଦୀ ଗ୍ରାମଦ୍ୟୋଗ ଇଣ୍ଡଷ୍ଟ୍ରିଦ୍ୱାରା ପ୍ରମାଣିତ ହୋଇଛି । ଏହା ଦେଶର ଏକ ମାତ୍ର ତ୍ରିରଙ୍ଗା ତିଆରି କରିବାର ୟୁନିଟ । ଭାରତର ଷ୍ଟାଣ୍ଡାଡ ବ୍ୟୁରରୁ ସେ ୨୦୦୫-୬ ବର୍ଷରେ ସାର୍ଟିଫିକେଟ ପାଇଛି । ଏହାପରେ ହିଁ ତ୍ରିରଙ୍ଗା ତିଆରି ହେବା ଆରମ୍ଭ ହୋଇଥିଲା । ଦେଶରେ ଆନୁଷ୍ଠାନିକ ଭାବରେ ତ୍ରିରଙ୍ଗା ଦରକାର ହେଲେ, ଏହି ୟୁନିଟ ଭାରତୀୟ ତ୍ରିରଙ୍ଗା ଯୋଗାଇଥାଏ ।
କ୍ୱାଲିଟି ଯାଞ୍ଚ କରାଯାଏ : ତ୍ରିରଙ୍ଗା ତିଆରି ହେବା ପରେ ବ୍ୟୁରୋ ଅଫ ଇଣ୍ଡିଆନ ଷ୍ଟାଣ୍ଡାର୍ଡ ଏହାକୁ ଯାଞ୍ଚ କରେ । ଯଦି ତିଆରିରେ କିଛି ତ୍ରୁଟି ମିଳୁଛି ତେବେ ତାହାକୁ ପ୍ରତ୍ୟାଖାନ କରାଯାଏ । ନିୟମ ଅନୁଯାୟୀ, ତ୍ରିରଙ୍ଗା ତିଆରି କରିବା ସମୟରେ ରଙ୍ଗ, ସୂତା ଏବଂ ଆକାର ହ୍ରାସ କରିବା ଏକ ଅପରାଧ ବୋଲି ବିବେଚା କରାଯାଏ । ଏହାକୁ ତିଆରି କରିବା ପାଇଁ ୨୦୨୨ ଫ୍ଲାଗ କୋଡ ଅଫ ଇଣ୍ଡିଆରେ ବ୍ୟବସ୍ଥା ଏବଂ ନିୟମ ଦିଆଯାଇଛି ।
ଡାକ ବିଭାଗ ବିକ୍ରି କରେ ତ୍ରରଙ୍ଗା : ହର ଘର ତ୍ରରଙ୍ଗା ଅନୁସାରେ ଏହି ବର୍ଷ ତ୍ରିରଙ୍ଗା ବିକ୍ରି କରିବାର ଦାୟୀତ୍ୱ ଡାକ ବିଭାଗକୁ ଦିଆଯାଇଛି । ସାରା ଦେଶରେ ୧.୬୦ ଲକ୍ଷ ଡାକ ବିଭାଗରେ ତ୍ରିରଙ୍ଗା ପତାକା ବିକ୍ରି କରାଯାଏ । ଏହା ସମସ୍ତେ ଜାତୀୟ ପତାକାକୁ କିଣି ପାରିବେ ।
