ଶୀତ ଦିନେ ଯୌନ ଆଗ୍ରହ କାହିଁକି ବୃଦ୍ଧି ପାଇଥାଏ? ଜାଣନ୍ତୁ, ବୈଜ୍ଞାନିକ କାରଣ

ଶୀତ ଦିନେ ଯୌନ ଆଗ୍ରହ ବୃଦ୍ଧି ପାଇବା ପଛରେ କିଛି ବୈଜ୍ଞାନିକ କାରଣ ସବୁ ରହିଛି। ଏହି ଶୀତ ଦିନେ କେବଳ ପୁରୁଷଙ୍କର ନୁହେଁ, ବରଂ ଉଭୟେ ପୁରୁଷ ଓ ମହିଳାଙ୍କ ଆଗ୍ରହତା ବଢିଥାଏ। ତେଣୁ ଏହି ଦିନମାନଙ୍କରେ ଦମ୍ପତିମାନେ ପରସ୍ପର ସହ ଅଧିକ ସମୟ ବିତାଇବାକୁ ଇଚ୍ଛା କରନ୍ତି। ଆମ ସମସ୍ତଙ୍କୁ ଏକଥା ଜଣା ଯେ, ଶୀତ ଋତୁରେ ଦିନ ଛୋଟ ଏବଂ ରାତି ଲମ୍ବା ହୋଇଥାଏ। ଏହି କାରଣରୁ ଅଧିକ ମେଲାଟୋନିନ୍ ହରମୋନ୍ ଆମ ଶରୀରରେ ନିର୍ଗତ ହୁଏ। ଯାହା ନିଦକୁ ପ୍ରୋତ୍ସାହିତ କରିଥାଏ। ଅନ୍ୟପଟେ ଥଣ୍ଡା ହେତୁ ଆମେ ଦୀର୍ଘ ସମୟ ପର୍ୟ୍ୟନ୍ତ ମୋଟା ଘୋଡେ଼ଇବାରେ ଘୋଡ଼ି ହୋଇ ଶୋଇ ରହିଥାଉ। ଏହି କାରଣରୁ ଟେଷ୍ଟୋଷ୍ଟେରନ୍ ହରମୋନ୍, ଯାହା ଯୌନ ଇଚ୍ଛା ସୃଷ୍ଟି କରେ, ତାହାର ସ୍ତର ଉଚ୍ଚ ହୋଇଯାଏ। ତେବେ ସାଧାରଣତଃ ଏହି ହରମୋନର ବୃଦ୍ଧି ହିଁ ଆପଣଙ୍କ ଯୌନ ଇଚ୍ଛା ଶକ୍ତିକୁ ବୃଦ୍ଧି କରିଥାଏ। ସେହିପରି ଶୀତଦିନେ ନିର୍ଗତ ହୋଇଥିବା ଅକ୍ସିଟୋସିନ୍ ହରମୋନ୍ ପ୍ରେମର ଭାବନାକୁ ଉତ୍ସାହିତ କରିଥାଏ। ଯାହା ପାର୍ଟନରଙ୍କ ମଧ୍ୟରେ ଆପଣଙ୍କ ଘନିଷ୍ଠତା ବଢାଇଥାଏ। ଶୀତଦିନେ ପୁରୁଷମାନଙ୍କରେ ଡୋପାମାଇନ୍ ନିର୍ଗତ ହେଉଥିବା ବେଳେ ମହିଳାମାନଙ୍କଠାରେ ଇଷ୍ଟ୍ରୋଜେନ୍ ନିର୍ଗତ ହୁଏ।