Fact Check; ସତରେ କ’ଣ ଭାରତୀୟ ରେଲଓ୍ୱେ ଟ୍ରାକ୍ ଉପରେ ଲାଗିବ ସୌର ପ୍ୟାନେଲ୍?
Fact Checkରୁ ଜଣାପଡ଼ିଲା ସତ।
ନୂଆଦିଲ୍ଲୀ: ଆଜିକାଲି ସୋସିଆଲ ମିଡିଆରେ କିଛି ବି ଫେକ୍ ନ୍ୟୁଜ ପକେଇବା ସହଜ। ହେଲେ ଏମିତି ଯଦି କରୁଛନ୍ତି ତାହାଲେ ସାବଧାନ ହୋଇଯାଆନ୍ତୁ। କାରଣ ଏହା ବହୁତ କ୍ଷତିକାରକ ଏବଂ ବିପଦପୂର୍ଣ୍ଣ।
ଯଦି ଦେଖିବା ସୋସିଆଲ ମିଡ଼ିଆରେ ଫେକ୍ ନ୍ୟୁଜ୍ ଖୁବ୍ ଶୂଘ୍ର ଭାଇରାଲ ହୋଇଯାଏ। ଏହିପରି ଏକ ଖବର ସୋସିଆଲ ମିଡିଆରେ ବେଶ ଭାଇରାଲ ହେଉଛି।
ଯେଉଁଥିରେ ଦାବି କରାଯାଉଛି ଯେ ‘ଭାରତୀୟ ରେଳବାଇ ରେଳପଥ ମଧ୍ୟରେ ଖାଲି ସ୍ଥାନରେ ସୌର ପ୍ୟାନେଲ ସ୍ଥାପନ କରିବାକୁ ଯାଉଛି।’ ଯାହାର ଫ୍ୟାକ୍ଟ ଚେକ୍ ଏବେ ସାମ୍ନାକୁ ଆସିଛି।
କ’ଣ ଭାଇରାଲ ହେଉଛି: ସୋସିଆଲ ମିଡିଆରେ ଭାଇରାଲ ହେଉଥିବା ଏକ ପୋଷ୍ଟରେ ଦାବି କରାଯାଇଛି ଯେ ଭାରତୀୟ ରେଳବାଇ ରେଳ ଟ୍ରାକ ଉପରେ ଖାଲି ସ୍ଥାନରେ ସୌର ପ୍ୟାନେଲ ଲଗାଇବାକୁ ଯାଉଛି।
ଜଣେ ଉପଭୋକ୍ତା ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ପୋଷ୍ଟରେ ଏହି ଦାବି କରିଛନ୍ତି। ୟୁଜର୍ସ ଜଣଙ୍କ ତାଙ୍କ ପୋଷ୍ଟରେ ଲେଖିଛନ୍ତି, “ଭାରତ ରେଳ ଟ୍ରାକକୁ ବିଦ୍ୟୁତ୍ ପ୍ଲାଣ୍ଟରେ ପରିଣତ କରୁଛି।
ସ୍ଥାୟୀ ଭିତ୍ତିଭୂମି ଦିଗରେ ଏକ ବୈପ୍ଳବିକ ପଦକ୍ଷେପ ସ୍ୱରୂପ, ଭାରତୀୟ ଷ୍ଟାର୍ଟଅପ୍ ସନ-ୱେଜ୍ ସିଧାସଳଖ ରେଳ ଟ୍ରାକ ମଧ୍ୟରେ ଅପସାରଣୀୟ ସୌର ପ୍ୟାନେଲ ସ୍ଥାପନ କରୁଛି।
ଏଥିପାଇଁ କୌଣସି ଅତିରିକ୍ତ ଜମି, ରେଳ ସେବାରେ କୌଣସି ବାଧା ଦେଖାଦେଇପାରେ। ଏହି ପଦ୍ଧତି ପ୍ରତିବର୍ଷ ପ୍ରତି ଘଣ୍ଟାରେ ୧ ଟେରାୱାଟ୍ ରୁ ଅଧିକ ବିଦ୍ୟୁତ୍ ଉତ୍ପାଦନ କରିପାରିବ. ଯାହା ୨,୦୦,୦୦୦ ରୁ ଅଧିକ ଘରକୁ ବିଦ୍ୟୁତ୍ ପ୍ରଦାନ କରିପାରିବ।”
ତଥ୍ୟ ଯାଞ୍ଚ: ଯେହେତୁ ଏହି ପୋଷ୍ଟଟି ସୋସିଆଲ ମିଡିଆରେ ବହୁତ ଶୀଘ୍ର ଭାଇରାଲ ହେଉଥିଲା ତେଣୁ ଏହି ଦାବିର ତଦନ୍ତ କରିବାକୁ ନିଷ୍ପତ୍ତି ହୋଇଥିଲା।
ଭାଇରାଲ ଦାବିର ସତ୍ୟତା ଜାଣିବା ପାଇଁ, ଗୁଗୁଲ୍ ରିଭର୍ସ ଇମେଜ୍ ସର୍ଚ୍ଚ ମାଧ୍ୟମରେ ଫଟୋର ତଦନ୍ତ ହୋଇଥିଲା। ଏହା ପରେ ଗୁଗୁଲ୍ରେ ଏକ କଷ୍ଟମାଇଜ୍ କୀୱାର୍ଡ ସର୍ଚ୍ଚ କରାଯାଇଥିଲା।
ସର୍ଚ୍ଚ ସମୟରେ ଏପ୍ରିଲ୍ ୨୯, ୨୦୨୫ ରେ ସ୍ୱିସ୍ ନ୍ୟୁଜ୍ ପୋର୍ଟାଲ୍ swissinfo.ch ରେ ପ୍ରକାଶିତ ଏକ ରିପୋର୍ଟ ସାମ୍ନାକୁ ଆସିଲା। ରିପୋର୍ଟରେ ଦିଆଯାଇଥିବା ଫଟୋ ଭାଇରାଲ୍ ଫଟୋ ସହିତ ମେଳ ଖାଉଥିଲା।
ତଥାପି ରିପୋର୍ଟରେ ସ୍ପଷ୍ଟ ଭାବରେ କୁହାଯାଇଥିଲା ଯେ ଏହି ପ୍ରକଳ୍ପ ଭାରତରେ ନୁହେଁ, ସ୍ୱିଜରଲ୍ୟାଣ୍ଡରେ କାର୍ଯ୍ୟକାରୀ ହେଉଛି। ରିପୋର୍ଟରେ ଏହା ମଧ୍ୟ ସ୍ପଷ୍ଟ କରାଯାଇଛି ଯେ ସୌର ପ୍ୟାନେଲ୍ ସଂସ୍ଥାପନ କରୁଥିବା ଷ୍ଟାର୍ଟଅପ୍ କମ୍ପାନୀ ସନ୍-ୱେଜେସ୍ ସ୍ୱିଜରଲ୍ୟାଣ୍ଡରେ ଅବସ୍ଥିତ।
ରିପୋର୍ଟ ଅନୁଯାୟୀ, ପଶ୍ଚିମ ସ୍ୱିଜରଲ୍ୟାଣ୍ଡର ଏକ ସହର ବଟ୍ସ ନିକଟରେ ରେଳ ଟ୍ରାକ୍ ମଧ୍ୟରେ ସୌର ପ୍ୟାନେଲ୍ ସ୍ଥାପନ କରାଯାଉଛି।
ଫ୍ୟାକ୍ଟ ଚେକରୁ କ’ଣ ମିଳିଲା: ଏକ ଜାତୀୟ ଗଣମାଧ୍ୟମ ସଂସ୍ଥା ଦ୍ୱାରା କରାଯାଇଥିବା ସତ୍ୟ ଯାଞ୍ଚରୁ ଜଣାପଡିଛି ଯେ ସୋସିଆଲ ମିଡିଆରେ ଭାଇରାଲ ହେଉଥିବା ପୋଷ୍ଟ ସହିତ କରାଯାଉଥିବା ଦାବି ମିଥ୍ୟା।
ସୋସିଆଲ ମିଡିଆରେ ଭାଇରାଲ ହେଉଥିବା ପୋଷ୍ଟକୁ ରେଳ ଟ୍ରାକ ମଧ୍ୟରେ ସୌର ପ୍ୟାନେଲ ସ୍ଥାପନ ସହିତ ଯୋଡି ଭାଇରାଲ କରାଯାଉଥିଲା। ସତ୍ୟ ଯାଞ୍ଚରେ ଏହି ଦାବି ମିଥ୍ୟା ବୋଲି ଜଣାପଡିଛି।
ଏହି ପୋଷ୍ଟକୁ ମିଥ୍ୟା ଦାବି ସହିତ ସୋସିଆଲ ମିଡିଆରେ ଭାଇରାଲ କରାଯାଉଥିଲା। ତେଣୁ ଲୋକଙ୍କୁ ଏପରି ଯେକୌଣସି ପୋଷ୍ଟ ପ୍ରତି ସତର୍କ ରହିବାକୁ ପରାମର୍ଶ ଦିଆଯାଉଛି।