ଟି-୨୦ ବିଶ୍ୱକପରେ ଖେଳିବେ ଋଷଭ ପନ୍ତ? ଏହି ଦିନ ଘୋଷଣା ହେବ ‘ଟିମ ଇଣ୍ଡିଆ’
ନୂଆଦିଲ୍ଲୀ: ୧୪ ମାସ ପରେ ଆଇପିଏଲ-୨୦୨୪ରେ କ୍ରିକେଟ ଦୁନିଆକୁ ଫେରିଛନ୍ତି ଷ୍ଟାର କ୍ରିକେଟର ଋଷଭ ପନ୍ତ । ଦିଲକଲୀ କ୍ୟାପିଟାଲ୍ସର ନେତୃତ୍ୱ ସହ କ୍ରିକେଟ ଜଗତକୁ ଦମଦାର କମବ୍ୟାକ କରିଛନ୍ତି ରିଷଭ । ବର୍ତ୍ତମାନ ଆଇପିଏଲରେ ଦମଦାର ବ୍ୟାଟିଂ ସହ ୱିକେଟ କିପିଙ୍ଗରେ ମଧ୍ୟ ସେ କମାଲ କରି ଦେଖାଇଛନ୍ତି । ତେଣୁ ଆସନ୍ତା ଟି-୨୦ ବିଶ୍ୱକପରେ ତାଙ୍କୁ ସୁଯୋଗ ମିଳିବା ଏକପ୍ରକାର ସୁନିଶ୍ଚିତ ବୋଲି ମଧ୍ୟ ଆଲୋଚନା ହେଉଛି । ଆଇପିଏଲରେ ଦମଦାର ପ୍ରଦର୍ଶନ ପରେ ଟି-୨୦ ବିଶ୍ୱକପରେ ଋଷଭ ପନ୍ତଙ୍କୁ ସୁଯୋଗ ମିଳିବା ନେଇ ସମ୍ଭାବନା ମଧ୍ୟ ବଢିଯାଇଛି । ଜୁନ୍ ମାସରେ ଆରମ୍ଭ ହେବାକୁ ଥିବା ଟି-୨୦ ବିଶ୍ୱକପରେ ପନ୍ତ ଭାରତ ପାଇଁ ଖେଳିପାରିବେ କି ନାହିଁ, ସେ ନେଇ ଖୁବଶୀଘ୍ର ଦଳ ଘୋଷଣା କରିବ ଭାରତୀୟ କ୍ରିକେଟ ବୋର୍ଡ ।
ପ୍ରାୟ ୧୪ ମାସ ପରେ କ୍ରିକେଟକୁ ଫେରିଛନ୍ତି ଟିମ ଇଣ୍ଡିଆର ୱିକେଟ କିପର ବ୍ୟାଟ୍ସମ୍ୟାନ୍ ରିଷଭ ପନ୍ତ । ତେବେ ଆଇପିଏଲ ପରେ ଖୁବଶୀଘ୍ର ରିଷଭ ଭାରତର ଟି-୨୦ ବିଶ୍ୱକପ ଜର୍ସିରେ ନଜର ଆସିପାରନ୍ତି । ଚଳିତ ଆଇପିଏଲର ପ୍ରଥମ ଦୁଇଟି ମ୍ୟାଚରେ ରିଷଭ ବଡ଼ ସ୍କୋର କରିବାରେ ବିଫଳ ହୋଇଥିଲେ । କିନ୍ତୁ ତୃତୀୟ ଏବଂ ଚତୁର୍ଥ ମ୍ୟାଚରେ ନିଜ ପୁରୁଣା ଫର୍ମକୁ ଫେରିଛନ୍ତି ରିଷଭ । କୋଲକାତା ନାଇଟ ରାଇଡର୍ସ ସିଜନର ପ୍ରଥମ ଅର୍ଦ୍ଧଶତକ ହାସଲ କରିଥିବା ବେଳେ ଏହାପରେ ଚେନ୍ନାଇ ସୁପର କିଙ୍ଗସ ବିପକ୍ଷରେ ମଧ୍ୟ ଦମଦାର ବ୍ୟାଟିଂ କରି ଟି-୨୦ ବିଶ୍ୱକପ ପାଇଁ ନିଜକୁ ଫିଟ୍ ବୋଲି ଦର୍ଶାଇଛନ୍ତି । ଋଷଭ ଟିମ ଇଣ୍ଡିଆ ପାଇଁ ୨୦୨୨ ନଭେମ୍ବରରେ ଶେଷ ମ୍ୟାଚ କେଳିଥିଲେ । ଏହାପରେ କାର୍ ଦୁର୍ଘଟଣାରେ ଗୁରୁତର ଆହତ ହୋଇ ଦୀର୍ଘ ଦିନ ପର୍ଯ୍ୟନ୍ତ ଚିକିତ୍ସିତ ରହିବାରୁ କ୍ରିକେଟରୁ ଦୂରେଇ ରହିଥିଲେ ।
View this post on Instagram
ଟି -୨୦ ବିଶ୍ୱକପକୁ ଧ୍ୟାନରେ ରଖି ଚୟନକର୍ତ୍ତା ଅନେକ ଖେଳାଳିଙ୍କ ଉପରେ ନଜର ରଖିଛି । ଏହି ଖେଳାଳିମାନଙ୍କ ତାଲିକାରେ ରିଷଭ ପନ୍ତଙ୍କ ନାମ ମଧ୍ୟ ସାମିଲ ରହିଛି । ତେଣୁ ଆଗାମୀ ଭବିଷ୍ୟତରେ ରିଷଭ ପନ୍ତଙ୍କ ଫିଟନେସ ଆଧାରରେ ତାଙ୍କୁ ବିଶ୍ୱକପରେ ସୁଯୋଗ ଦେବା ନେଇ ନିଷ୍ପତ୍ତି ନିଆଯିବ ବୋଲି ବିସିସିଆଇ ତରଫରୁ ସୂଚନା ମିଳିଛି । ତେବେ ବର୍ତ୍ତମାନ ସମୟରେ ସେ ଭଲ ପ୍ରଦର୍ଶନ ଜାରି ରଖିଛନ୍ତି । ଚଳିତ ମାସ ଶେଷରେ ଟି-୨୦ ବିଶ୍ୱକପ ପାଇଁ ଦଳ ଘୋଷଣା କରିବ ଟିମ ଇଣ୍ଡିଆ। ଚୟନକର୍ତ୍ତାଙ୍କ ବୈଠକ ପରେ ୩୦ ଏପ୍ରିଲ୍ କିମ୍ବା ମେ ପ୍ରଥମ ଦିନରେ ବିଶ୍ୱକପ ପାଇଁ ଦଳ ଘୋଷଣା କରାଯିବ।
