ରିଲ୍ସ ହେଲା କାଳ, ଗଙ୍ଗା ନଦୀରେ ଭାସିଗଲେ ଯୁବତୀ, ଉପରେ ଛିଡ଼ା ହୋଇ ଦେଖୁଥିଲେ ଝିଅର ମା’

ନୂଆଦିଲ୍ଲୀ: ରିଲ୍ସ ନିଶା ଯୁବତୀଙ୍କୁ କଲା ବାଇଆ। ନଦୀ ପାଣିର ପ୍ରଥର ସ୍ରୋତରେ ଛିଡ଼ା ହୋଇ କରୁଥିଲେ ରିଲ୍ସ। ଆଉ ଉପରେ ଛିଡ଼ା ହୋଇ ଝିଅର ରିଲ୍ସ ଦେଖୁଥିଲେ ମା’। ହେଲେ ମାଆର ଆଖି ଆଗରେ ଗଙ୍ଗା ନଦୀର ପ୍ରଖର ସ୍ରୋତରେ ଭାସିଗଲା ଝିଅ।

ଆଉ ପାଣିରେ ଭାସିଯିବା ସମୟରେ ଝିଅଟି ମାଆକୁ ବିକଳ ହୋଇ ଡାକ ଛାଡୁଥିଲା। ମା’ ବଞ୍ଚାଅ ମା’ ବଞ୍ଚାଅ। ହେଲେ ଅସହାୟ ମାଆ କିଛି ବି କରିପାରିଲାନି। ଆଉ ଗଙ୍ଗା ନଦୀର ପ୍ରଖର ସୁଅରେ ଭାସି ନିଖୋଜ ହୋଇଗଲା ଛିଅ।

ରିଲ୍ସ ନିଶା:  ଆପଣମାନେ ଅନେକ ସମୟରେ ଏମିତି ଅନେକ ଘଟଣା ଦୁର୍ଘଟଣା ସମ୍ପର୍କରେ ଅବଗତ ଥିବେ। ଯାହାକି ରିଲ୍ସ କରୁଥିବା ସମୟରେ ଘଟିଥିବ। ଦେଖିବାକୁ ଗଲେ ବର୍ତ୍ତମାନ ରିଲ୍ସ ନିଶା ଏମିତି ବାଇଆ କରିଛି ଯେ, ଛୁଆ ଠାରୁ ବୁଢ଼ା ସମୟେ ରିଲ୍ସ କରିବା ପାଇଁ ସମୟ, କାଳ ସବୁ ଭୁଲି ଯାଉଛନ୍ତି।

ଏପରିକି ଲୋକମାନେ ରିଲ୍ସ ପାଇଁ  ନିଜ ଜୀବନକୁ ବିପଦରେ ପକାଇବା ସହ ଅନ୍ୟମାନଙ୍କ ସମସ୍ୟାର କାରଣ ମଧ୍ୟ ହେଉଛନ୍ତି। ଏପରି ଅନେକ ରିଲ୍ ମଧ୍ୟ ଭାଇରାଲ ହୋଇଛି, ଯେଉଁଠାରେ ଲୋକମାନେ ରେଳ ଟ୍ରାକରେ ଶୋଇ ଚଳନ୍ତା ଟ୍ରେନ୍ ତଳୁ ଭିଡିଓ ତିଆରି କରନ୍ତି।

 ନଦୀରେ ଭାସିଗଲେ ମହିଳା: ଆଉ ଏବେ ଏପରି ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଜଣେ ମହିଳା ରିଲ୍ ତିଆରି କରିବା କିମ୍ବା ଫଟୋ ଉଠାଇବା ସମୟରେ ଗଙ୍ଗା ନଦୀର ପ୍ରବଳ ସ୍ରୋତରେ ବୁଡ଼ି ମୃତ୍ୟୁବରଣ କରିଛନ୍ତି।

ପ୍ରକୃତରେ, ଉତ୍ତରପ୍ରଦେଶର ଉତ୍ତରକାଶୀର ଗଙ୍ଗା ନଦୀର ମଣିକର୍ଣ୍ଣିକା ଘାଟରୁ ଏକ ଯନ୍ତ୍ରଣାଦାୟକ ଘଟଣା ସାମ୍ନାକୁ ଆସିଛି। ଯାହାର ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହେଉଛି। ଏହି ଭିଡିଓଟି ଏପ୍ରିଲ ୧୪ ତାରିଖର ବୋଲି ଜଣାପଡିଛି।

ଯେଉଁଠାରେ ପ୍ରଥମେ ଜଣେ ମହିଳା ଫଟୋ କିମ୍ବା ରିଲ୍ ତିଆରି କରିବା ପାଇଁ ଗଙ୍ଗା ନଦୀରେ ପ୍ରବେଶ କରନ୍ତି, କିନ୍ତୁ ତା’ପରେ ତାଙ୍କ ସହିତ ଏକ ବଡ଼ ଦୁର୍ଘଟଣା ଘଟେ।

ଗଙ୍ଗା ନଦୀରେ ଅଘଟଣ: ଏହି ଭାଇରାଲ ଭିଡିଓରେ, ମହିଳା ଜଣକ ରିଲ୍ ତିଆରି କରିବା ପାଇଁ କିମ୍ବା ଫଟୋ ଉଠାଇବା ପାଇଁ ଗଙ୍ଗା ନଦୀରେ ପ୍ରବେଶ କରୁଥିବାର ଦେଖିବାକୁ ମିଳୁଛି।

ଯାହା ପରେ ତାଙ୍କ ପାଦ ଖସିଯାଏ ଏବଂ ସେ ଗଙ୍ଗାର ପ୍ରବଳ ସ୍ରୋତରେ ଭାସି ଯାଆନ୍ତି। ସେ ନିଜ ଜୀବନ ବଞ୍ଚାଇବାକୁ ଯଥାସମ୍ଭବ ଚେଷ୍ଟା କଲେ, କିନ୍ତୁ ସେ ପ୍ରବଳ ସ୍ରୋତରେ ଭାସିଗଲେ।

मौत का ये खतरनाक वीडियो उत्तरकाशी में गंगा नदी का है..
आग और पानी से खिलवाड़ नहीं करना चाहिए.. बावजूद इसके रील बनाने के लिए लोग अपनी जिंदगी तक दांव पर लगा दे रहे हैं.. देखिए कैसे ये युवती तेज बहाव वाली नदी में उतरकर रील बना रही थी. पानी बहुत ठंडा था.. लहरों ने बैलेंस बिगाड़ा..… pic.twitter.com/2UnO47etOC

— Vivek K. Tripathi (@meevkt) April 16, 2025

ନିଖୋଜ ହୋଇଗଲେ ମହିଳା: ଆଉ ଦେଖୁ ଦେଖୁ ଆଖି ପିଛୁଳାକେ ପାଣିରେ ବୁଡ଼ିଗଲେ ଯୁବତୀ ଜଣକ। ନଦୀ କୂଳରେ ଛିଡ଼ା ହୋଇଥିବା ଲୋକ ବି ଚାହିଁକି ବି କିଛି କରିପାରିଲେନି।

ଏହି ଦୁଃଖଦ ଘଟଣାର ସୂଚନା ମିଳିବା ମାତ୍ରେ SDRF ଏବଂ ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚିଥିଲେ। ଏହା ପରେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। କିନ୍ତୁ ଏପର୍ଯ୍ୟନ୍ତ ମହିଳାଙ୍କ କୌଣସି ସନ୍ଧାନ ମିଳିନାହିଁ।

ଏହି ଭିଡିଓ ଭାଇରାଲ ହେବା ପରଠାରୁ ଲୋକମାନେ କହିବା ଆରମ୍ଭ କରିଛନ୍ତି ଯେ ଲୋକମାନେ ରିଲ୍ ତିଆରି କରିବା କିମ୍ବା ସେଲଫି ନେବା ପାଇଁ ନିଜ ଜୀବନକୁ ବିପଦରେ ପକାଉଛନ୍ତି।