ମହାଶିବରାତ୍ରି ଅବସରରେ ଉଜୈନରେ ଦୀପୋତ୍ସବର ବିଶ୍ୱ ରେକର୍ଡ, ୧୦ ମିନିଟରେ ଜଳିଲା ୧୧ ଲକ୍ଷ ୭୧ ହଜାର ଦୀପ, ଦେଖନ୍ତୁ ଫଟୋ
ନୂଆଦିଲ୍ଲୀ: ମହାଶିବରାତ୍ରୀ ଅବସରରେ ମହାକାଳ ନଗରୀ ଉଜୈନରେ ଚତୁର୍ଦ୍ଦିଗ ଦୀପରେ ଝଲମଲ କରୁଥିବା ଦେଖିବାକୁ ମିଳିଥିଲା । ଏଠାରେ ଗତକାଲି ଦୀପୋତ୍ସବର ବିଶ୍ୱ ରେକର୍ଡ ହୋଇଥିଲା । ମଙ୍ଗଳବାର ଦିନ ସନ୍ଧ୍ୟାରେ ୧୦ ମିନିଟ୍ ରେ ୧୧ ଲକ୍ଷ ୭୧ ହଜାର ଦୀପ ଜଳାଯାଇଥିଲା । ଏହିସବୁ ଦୀପକୁ ୧୩ ହଜାରରୁ ଅଧିକ ଲୋକ ଜଳାଇଥିଲେ । ଏହି କ୍ରମରେ ଗିନିଜ୍ ବୁକ୍ ଅଫ୍ ୱର୍ଲ୍ଡ ରେକର୍ଡରେ ଏହି ଦୀପର ରେକର୍ଡକୁ ସ୍ଥାନିତ କରିବା ପାଇଁ ୫ ଜଣ ସଦସ୍ୟା ଉପସ୍ଥିତ ଥିଲେ । ଦୀପ ସବୁ ଜଳିବାରେ ଗଣନା କରାଯାଇଥିଲା । ଏହାପରେ ଏହି ରେକର୍ଡକୁ ଘୋଷଣା କରିଥିଲେ ଟିମ୍ । ମହାକାଳେଶ୍ୱର ମନ୍ଦିରରେ ମଧ୍ୟ ୫୧ ହଜାର ଦୀପ ପ୍ରଜ୍ୱଳନ କରାଯାଇଥିଲା ।
