ଭାରତରେ ମଧ୍ୟ ପ୍ରାର୍ଥନା ସମୟରେ କେବେ ଭକ୍ତଙ୍କୁ ଏପରି ହତ୍ୟା କରାଯାଇ ନାହିଁ: ପେଶୱାର ମସଜିଦ ଆକ୍ରମଣ ଉପରେ ପାକ୍ ମନ୍ତ୍ରୀଙ୍କ ବୟାନ

ନୂଆଦିଲ୍ଲୀ :ପାକିସ୍ତାନର ପେଶୱାରର ଏକ ମସଜିଦରେ ପ୍ରାର୍ଥନା ବେଳେ ଆତ୍ମଘାତୀ ବିସ୍ଫୋରଣରେ ମୃତ୍ୟୁସଂଖ୍ୟା ୧୦୦ ଅତିକ୍ରମ କରିଛି। ଏହି ବିସ୍ଫୋରଣରେ ଆହତଙ୍କ ସଂଖ୍ୟା ୨୦୦ ରୁ ଅଧିକ। ମୃତ୍ୟୁ ସଂଖ୍ୟା ଆହୁରି ବଢିପାରେ ବୋଲି ବିଶ୍ୱାସ କରାଯାଉଛି । ବିସ୍ଫୋରଣ ପରେ ମସଜିଦ ଭିତରେ ଥିବା ଦୃଶ୍ୟ ଅତ୍ୟନ୍ତ ଭୟଭୀତ କରିଛି ।

ଏହି ବିସ୍ଫୋରଣ ଅର୍ଥନୈତିକ ସଙ୍କଟ ଦେଇ ଗତି କରୁଥିବା ପାକିସ୍ତାନକୁ ଥରାଇ ଦେଇଛି। ଏହି ଆତ୍ମଘାତୀ ଆକ୍ରମଣରେ ନିହତ ହୋଇଥିବା ଲୋକଙ୍କ ମଧ୍ୟରେ ଅନେକ ପୋଲିସ ଏବଂ ସେନା ଅଧିକାରୀ ମଧ୍ୟ ଥିବା ସୂଚନା ମିଳିଛି । ମୃତକଙ୍କ ମଧ୍ୟରୁ ଅଧିକାଂଶ ପୋଲିସ ବୋଲି କୁହାଯାଉଛି। ତେବେ ଏହି ଘଟଣା ପରେ ଆତଙ୍କବାଦୀଙ୍କୁ ଆଶ୍ରୟ ଦେଉଥିବା ପାକିସ୍ତାନ ନିଜର ଭୁଲ ବୁଝି ପାରିଛି। ପରେୱର ବିସ୍ଫୋରଣ ପରେ ଦୁଃଖ ପ୍ରକାଶ କରି ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖାୱାଜା ଆସିଫ କହିଛନ୍ତି ଯେ ପୂଜାପାଠ ବେଳେ ଭାରତରେ ମଧ୍ୟ ଭକ୍ତଙ୍କୁ ହତ୍ୟା କରାଯାଇ ନାହିଁ।

ସୂଚାନମୂତାବକ ରାଷ୍ଟ୍ରୀୟ ସଭାରେ ହୋଇଥିବା ଆକ୍ରମଣ ସମ୍ପର୍କରେ ଆସିଫ କହିଛନ୍ତି ଯେ ଆମ ଦେଶ (ପାକିସ୍ତାନ) ରେ ପ୍ରତିଦିନ ପୂଜକଙ୍କ ଉପରେ ଆତଙ୍କବାଦୀ ଆକ୍ରମଣ ହେଉଛି। ଭକ୍ତଙ୍କ ଉପରେ ଏପରି ଆକ୍ରମଣ ଭାରତ କିମ୍ବା ଇସ୍ରାଏଲରେ କେବେ ହୁଏ ନାହିଁ।ଏହି ଦୁଃଖରେ ପାକିସ୍ତାନବାସୀଙ୍କୁ ଏକାଠି ହେବାକୁ ନିବେଦନ କରି ପ୍ରତିରକ୍ଷା ମନ୍ତ୍ରୀ କହିଛନ୍ତି ଯେ ଆତଙ୍କବାଦ ବିରୋଧରେ ଲଢ଼ିବାର ସମୟ ଆସିଛି। ସେ କହିଛନ୍ତି ଯେ ଆମ ଘର (ପାକିସ୍ତାନ) ରେ ଏବେ ସଂସ୍କାର ଆଣିବା ଆବଶ୍ୟକ। ଯଦିଓ ଏହା ପୂର୍ବରୁ ଅନେକ ଥର ସର୍ବସାଧାରଣ ଫୋରମରେ ଆତଙ୍କବାଦ ଉପରେ ପାକିସ୍ତାନର ମିଥ୍ୟା ଶୁଣିଛି, କିନ୍ତୁ ପାକିସ୍ତାନ ସର୍ବଦା ଆତଙ୍କବାଦୀଙ୍କୁ ସମର୍ଥନ କରିଆସୁଛି। ବର୍ତ୍ତମାନ ପେଶୱାରରେ ଏକ ଭୟଙ୍କର ବିସ୍ଫୋରଣ ଘଟିଥିବାରୁ ପଡୋଶୀ ଦେଶ ଆତଙ୍କବାଦ ବିରୋଧରେ ଲଢ଼ିବା ଉପରେ ଚାପ ପକାଉଛି।