ୟଶ ଦୟାଲ ଭୋଗି ପାରନ୍ତି ୧୦ ବର୍ଷର ଜେଲଦଣ୍ଡ, ପୀଡ଼ିତା ଦାଖଲ କଲେ ଏହି ପ୍ରମାଣ

ନୂଆଦିଲ୍ଲୀ: ଭାରତୀୟ କ୍ରିକେଟର ୟଶ ଦୟାଲ ବଡ଼ ସମସ୍ୟା ଘେରରେ ଅଛନ୍ତି। ତାଙ୍କ ବିରୋଧରେ ଭାରତୀୟ ଦଣ୍ଡ ସଂହିତାର ଧାରା 69 ଅନୁଯାୟୀ ଏକ ଏଫଆଇଆର ରୁଜୁ କରାଯାଇଛି। ଆଇପିସିର ଏହି ଧାରା ଜାମିନ ଅଯୋଗ୍ୟ। ଏହା ଅନୁଯାୟୀ ୟଶ ଦୟାଲଙ୍କୁ 10 ବର୍ଷ ଜେଲ ମଧ୍ୟ ହୋଇପାରେ।

ପୋଲିସ ସୂତ୍ର ଅନୁଯାୟୀ, ପୀଡିତା ଯୁବତୀ ବିବାହର ପ୍ରଲୋଭନ ଦେଖାଇ ୟଶ ଦୟାଲ ତାଙ୍କୁ ଆର୍ଥିକ, ମାନସିକ ଏବଂ ଶାରୀରିକ ଶୋଷଣ କରୁଥିବା ଅଭିଯୋଗ କରିଛନ୍ତି। ପୀଡିତା ପୋଲିସକୁ ଏହା ମଧ୍ୟ କହିଛନ୍ତି ଯେ, ବିବାହ ନାଁରେ ୟଶ ଦୟାଲ ତାଙ୍କ ସହିତ ଶାରୀରିକ ସମ୍ପର୍କ ମଧ୍ୟ ରଖିଥିଲେ।

ସୂତ୍ର ଅନୁଯାୟୀ, ପୀଡିତା ଯୁବତୀ ତାଙ୍କ ଅଭିଯୋଗ ସମ୍ପର୍କରେ ହ୍ୱାଟସଆପ୍ ଚାଟ୍, ଭିଡିଓ କଲ୍ ଏବଂ ଫଟୋର ସ୍କ୍ରିନସଟ୍ ଭଳି ପ୍ରମାଣ ମଧ୍ୟ ଉପସ୍ଥାପନ କରିଛନ୍ତି, ଯାହା ପୋଲିସ ତଦନ୍ତ କରୁଛି।

ପୀଡିତାଙ୍କ ଦ୍ୱାରା ୟଶ ଦୟାଲଙ୍କ ବିରୁଦ୍ଧରେ ଲଗାଯାଇଥିବା ଅଭିଯୋଗର ତଦନ୍ତ ପୋଲିସ ଏପର୍ଯ୍ୟନ୍ତ ଆରମ୍ଭ କରିନାହିଁ। ପୀଡିତାଙ୍କ ଡାକ୍ତରୀ ପରୀକ୍ଷା କରାଯିବା ଏବଂ ମାଜିଷ୍ଟ୍ରେଟଙ୍କ ସମ୍ମୁଖରେ ଆଇନଗତ ଭାବରେ ତାଙ୍କ ବୟାନ ରେକର୍ଡ କରାଯିବା ପରେ ହିଁ ପୋଲିସ କାର୍ଯ୍ୟାନୁଷ୍ଠାନ ଆରମ୍ଭ ହେବ।

ପୋଲିସ କାର୍ଯ୍ୟାନୁଷ୍ଠାନର ଏକ ଅଂଶ ଭାବରେ ୟଶ ଦୟାଲଙ୍କୁ ମଧ୍ୟ ଗିରଫ କରାଯାଇପାରିବ। ଯଦି ତଦନ୍ତରେ ୟଶ ଦୟାଲଙ୍କ ବିରୁଦ୍ଧରେ ଲଗାଯାଇଥିବା ଅଭିଯୋଗ ସଠିକ୍ ପ୍ରମାଣିତ ହୁଏ ଏବଂ ସେ ଦୋଷୀ ସାବ୍ୟସ୍ତ ହୁଅନ୍ତି, ତେବେ ତାଙ୍କୁ 10 ବର୍ଷ ପର୍ଯ୍ୟନ୍ତ ଜେଲ୍ ହୋଇପାରେ।