‘ଆପଣ ବହୁଜନ ସମାଜ ପାଇଁ ଜଣେ ଆଦର୍ଶ…’, ସମସ୍ତ ପଦରୁ ହଟାଯିବା ପରେ ପ୍ରତିକ୍ରିୟାରେ ଏପରି କିଛି କହିଲେ ଆକାଶ ଆନନ୍ଦ
ଲକ୍ଷ୍ନୌ: ଲୋକସଭା ନିର୍ବାଚନ ପାଇଁ ବିଭିନ୍ନ ରାଜନୈତିକ ଦଳ ପକ୍ଷରୁ ଜୋରଦାର ପ୍ରସ୍ତୁତି ଜାରି ରହିଛି । ବିରୋଧୀଙ୍କ ସମସ୍ତ ଚାଲ ଉପରେ ନଜର ରଖି ରଣନୀତି ପ୍ରସ୍ତୁତ କରିବା ସହ ଅଧିକରୁ ଅଧିକ ଭୋଟରଙ୍କୁ ଆକୃଷ୍ଟ କରିବା ଉପରେ ରହିଛି ବିଭିନ୍ନ ରାଜନୈତିକ ଦଳର ଫୋକସ୍ । ଏଥିମଧ୍ୟରେ ବହୁଜନ ସମାଜବାଦୀ ପାର୍ଟିକୁ ନେଇ ଏବେ ବେଶ ଚର୍ଚ୍ଚା । ବହୁଜନ ସମାଜ ପାର୍ଟି(BSP)ର ରାଷ୍ଟ୍ରୀୟ ସଂଯୋଜକ ତଥା ଉତ୍ତରାଧିକାରୀ ପଦରୁ ଆକାଶ ଆନନ୍ଦଙ୍କୁ ହଟାଇବା ପରେ ତାଙ୍କ ପ୍ରତିକ୍ରିୟା ସାମ୍ନାକୁ ଆସିଛି । କହିରଖୁଛୁ ମେ ୭ ତାରିଖରେ BSP ସୁପ୍ରିମୋ ମାୟାବତୀ ତାଙ୍କୁ ଏହି ପଦରୁ ହଟାଇଥିଲେ ।
BSPର ରାଷ୍ଟ୍ରୀୟ ସଂଯୋଜକ ତଥା ମାୟାବତୀଙ୍କ ଭଣଜା ଆକାଶ ଆନନ୍ଦ ଦଳର ସମସ୍ତ ପଦରୁ ହଟାଯିବା ପରେ ‘ଏକ୍ସ’ରେ ଏକ ପୋଷ୍ଟ ଶେୟାର କରି ଲେଖିଛନ୍ତି, ‘ସମ୍ମାନନୀୟ ଭଉଣୀ ମାୟାବତୀ ଜୀ, ଆପଣ ବହୁଜନ ସମାଜ ପାଇଁ ଜଣେ ଆଦର୍ଶ । କୋଟି କୋଟି ଦେଶବାସୀ ଆପଣଙ୍କ ପୂଜାର୍ଚ୍ଚନା କରନ୍ତି । ଆପଣଙ୍କ ସଂଘର୍ଷ କାରଣରୁ ଆଜି ଆମ ସମାଜକୁ ଏପରି ଏକ ରାଜନୈତିକ ଶକ୍ତି ମିଳିଛି ଯାହା ଆଧାରରେ ଆଜି ସମ୍ମାନର ସହ ବଞ୍ଚିବା ଶିଖିଛି ପାରିଛି । ଆପଣ ଆମର ସର୍ବମାନ୍ୟ ନେତା । ଆପଣଙ୍କ ଆଦେଶକୁ ମୁଁ ସମ୍ମାନ ଜଣାଉଛି । ଭୀମ ମିଶନ ଏବଂ ନିଜ ସମାଜ ପାଇଁ ଶେଷ ନିଶ୍ୱାସ ପର୍ଯ୍ୟନ୍ତ ଲଢ଼ିବି ।’ BSP ପ୍ରମୁଖ ମାୟାବତୀ ମଙ୍ଗଳବାର ଏହି ନିଷ୍ପତ୍ତି ନେଇ ସମସ୍ତଙ୍କୁ ଚକିତ କରିଥିଲେ । ସେ କହିଥିଲେ, ‘ଦଳ ଏବଂ ଆନ୍ଦୋଳନର ହିତ ପାଇଁ ଆନନ୍ଦ ‘ପୂର୍ଣ୍ଣ ପରିପକ୍ୱତା’ ହାସଲ କରିବା ପର୍ଯ୍ୟନ୍ତ ସେ ଏହି ନିଷ୍ପତ୍ତି ନେଇଛନ୍ତି ।’
आदरणीय बहन @mayawati जी, आप पूरे बहुजन समाज के लिए एक आदर्श हैं, करोड़ों देशवासी आपको पूजते हैं। आपके संघर्षों की वजह से ही आज हमारे समाज को एक ऐसी राजनैतिक ताक़त मिली है जिसके बूते बहुजन समाज आज सम्मान से जीना सीख पाया है।
आप हमारी सर्वमान्य नेता हैं। आपका आदेश सिर माथे पे।…
— Akash Anand (@AnandAkash_BSP) May 9, 2024