ଅଚାନକ ସର୍ଭର ଡାଉନ ଯୋଗୁଁ ଜୁକରବର୍ଗ ସହିଲେ ୫୨ ହଜାର କୋଟି ଟଙ୍କାର କ୍ଷତି
ନୂଆଦିଲ୍ଲୀ: ଦୀର୍ଘ ୬ ଘଣ୍ଟା ଧରି ତିନିଟି ସୋସିଆଲ ମିଡ଼ିଆ ପ୍ଲାଟଫର୍ମ ଫେସବୁକ୍, ଇନଷ୍ଟାଗ୍ରାମ ଓ ହ୍ୱାଟସଆପର ସର୍ଭର ହଠାତ୍ ଡାଉନ ହୋଇଯିବାରୁ ସାରା ବିଶ୍ୱରେ ହଇଚଇ ସୃଷ୍ଟି ହୋଇଥିଲା। ଲୋକମାନେ ଏହି ୩ ସୋସିଆଲ ମିଡିଆ ଆପ୍ ବ୍ୟବହାର କରି ପାରି ନଥିଲେ ତେଣୁ ସେମାନଙ୍କୁ ନାନା ସମସ୍ୟାର ସମ୍ମୁଖୀନ ହେବାକୁ ପଡିଥିଲା । କିନ୍ତୁ ବର୍ତମାନ ସ୍ଥିତି ଧୀରେଧୀରେ ସ୍ୱାଭାବିକ ହେବା ଆରମ୍ଭ ହୋଇଛି । ଇଣ୍ଟରନେଟ ସ୍ୱାଭାବିକ ସ୍ଥିତିକୁ ଫେରିଛି ସତ ହେଲେ ଏହି ୬ ଘଣ୍ଟାର ଅଚଳାବସ୍ଥା ଯୋଗୁ ଫେସବୁକର ଶେୟାର ପ୍ରାୟ ୫%(୪.୯%) ହ୍ରାସ ପାଇଛି । ଏଥିପାଇଁ କମ୍ପାନୀକୁ ୭ ବିଲିୟନ ଡଲାର ବା ୫୨,୧୦୦ କୋଟି ଟଙ୍କାର କ୍ଷତି ସହିବାକୁ ପଡିଛି । ଶେୟାର ହ୍ରାସ ପାଇବାରୁ କମ୍ପାନୀ ଏପରି କ୍ଷତି ସହିଛି ବୋଲି ବିଶେଜ୍ଞମାନେ କହିଛନ୍ତି । ଏଥିସହ ତ୍ରୁଟିର କାରଣ ଖୋଜିବାକୁ ଫେସବୁକ ଯାଞ୍ଚ ମଧ୍ୟ ଆରମ୍ଭ କରିଛି ।
ଏହି ପରିପ୍ରେକ୍ଷୀରେ ଫେସବୁକର କୋ-ଫାଉଣ୍ଡର ତଥା ସିଇଓ ମାର୍କ ଜୁକରବର୍ଗଙ୍କୁ ଏହି ବଡ ଧରଣର କ୍ଷତି ସହିବାକୁ ପଡିଛି । ସେ ନିଜେ ବ୍ୟକ୍ତିଗତ ଭାବରେ କ୍ଷତିର ସାମନା କରିଛନ୍ତି । କାରଣ ୨୦୦୮ ପରଠାରୁ ଫେସବୁକ ଏପରି ବଡ଼ ଧରଣର ଟେକ୍ନିକାଲ ସମସ୍ୟାର ସମ୍ମୁଖୀନ ହୋଇ ନଥିଲା। ୨୦୦୮ରେ ଫେସବୁକ୍ ସର୍ଭରେ ଅଜଣା ଭାଇରସ ପ୍ରବେଶ କରିଥିଲା। ଏଥିପାଇଁ ଲୋକମାନେ ଏହାକୁ ୨୪ ଘଣ୍ଟା ଧରି ବ୍ୟବହାର କରିପାରି ନଥିଲେ।