NEWSODISHAPOLITICSTOP STORIES

ଧର୍ମେନ୍ଦ୍ରଙ୍କ ମୁହଁରେ ନବୀନଙ୍କ ବାଃ ବାଃ

ଭୁବନେଶ୍ୱର,୨୧/୫,(ଓଡିଶାଭାସ୍କର) : କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ମୁହଁରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରଶଂସା । ଏହା ଶୁଣି ଆପଣ ଭାବୁଥିବେ ଯେ, ଆଜି ସୂର୍ଯ୍ୟ କେଉଁପଟେ ଉଦୟ ହେଲେ କି ? ହେଲେ ଏମିତି ହିଁ କିଛି ଘଟିଛି । ଯାହାକୁ ନେଇ ଏବେ ଚର୍ଚ୍ଚା । ପ୍ରଥମ କଥା ହେଲା ଯେ, ବାତ୍ୟା ଫୋନି ପ୍ରଭାବରେ ନବୀନ ନିଜ ରାଜ୍ୟକୁ ଯେଉଁଭଳି ସାମ୍ନା କଲେ ଏବଂ ୧୨ ଲକ୍ଷ ଲୋକଙ୍କୁ ସୁରକ୍ଷିତ ଭାବେ ସ୍ଥାନାନ୍ତର କରିବାରେ ସଫଳ ହେଲେ ତାକୁ ନେଇ ସବୁ ନେତାଙ୍କ ମୁହଁରେ ନବୀନଙ୍କ ପ୍ରଶଂସା ଦେଖିବାକୁ ମିଳିଥିଲା । ଓଡିଶାରେ ଏଭଳି ବିପର୍ଯ୍ୟୟ ପରେ ନବୀନ କେନ୍ଦ୍ରର ସହାୟତା ଲୋଡି ଥିଲେ । ଆଉ କେନ୍ଦ୍ର ମଧ୍ୟ ଓଡିଶା ଆଡକୁ ସହାୟତାର ହାତ ବଢାଇଥିଲା । ପରବର୍ତ୍ତୀ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନବୀନଙ୍କ ବାତ୍ୟା ମୁକାବିଲାକୁ ବେଶ୍ ପ୍ରଶଂସା କରିଥିଲେ । ହେଲେ ଏବେ ଏକ୍ସିଟ ପୋଲ ପରେ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ବାତ୍ୟା ମୁକାବିଲା ନେଇ ମଧ୍ୟ ପ୍ରଶଂସା କରିଛନ୍ତି । ଯାହା ସାଧାରଣ ଲୋକଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଛି । ଅନ୍ୟପଟେ ଧର୍ମେନ୍ଦ୍ରଙ୍କ ପ୍ରଶଂସା ବିଜେପି ଓ ବିଜେଡି ରାଜନୀତିି ପାଣିପାଗରେ ପରିବର୍ତ୍ତନ ଆଡକୁ ଏକପ୍ରକାର ଇସାରା କରୁଛି ବୋଲି ସାଧାରଣରେ ଚର୍ଚ୍ଚା ଚାଲିଛି ।

Show More

Leave a Reply

Your email address will not be published. Required fields are marked *

Related Articles