ଧର୍ମକଣ୍ଟା ନିକଟରେ ଟ୍ରକ୍ରେ ପିଟିହେଲା ଟାଟା ଏସିଇ; ଡ୍ରାଇଭର ଗୁରୁତର, ମହିଳା ଆହତ
ଭୁବନେଶ୍ୱର (ଭାସ୍କର ନ୍ୟୁଜ୍): ମଞ୍ଚେଶ୍ୱର ଶିଳ୍ପାଞ୍ଚଳରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି । ଏହି ଦୁର୍ଘଟଣା ଶିଳ୍ପାଞ୍ଚଳର ଧର୍ମକଣ୍ଟା ନିକଟରେ ଘଟିଥିବାବେଳେ ଏକ ଟ୍ରକ୍ ପଛରେ ପିଟି ହୋଇଛି ଏକ ଟାଟା ଏସିଇ । ଫଳରେ ଟାଟା ଏସିଇର ଚାଳକ ଗୁରୁତର ଆହତ ହୋଇଛନ୍ତି । ଏଥିସହ ଜଣେ ମହିଳା ଆହତ ହୋଇଛନ୍ତି । ଆହତ ମହିଳା ଜଣକ ହେଲେ କେନ୍ଦ୍ରାପଡା ଜିଲ୍ଲା ରାଜନଗରର ଅଙ୍କିତା ଶେଣ । ଟାଟା ଏସିଇ ଡ୍ରାଇଭର ଅତ୍ୟଧିକ ମଦ୍ୟପାନ କରି ଏଭଳି ଦୁର୍ଘଟଣା ଘଟାଇଥିବା ସ୍ଥାନୀୟ ଲୋକେ କହିଛନ୍ତି ।
ସୂଚନା ମୁତାବିକ, ଗୁରୁବାର ସଂନ୍ଧ୍ୟାରେ ସମୟରେ ମଞ୍ଚେଶ୍ବର ଥାନା ଅନ୍ତର୍ଗତ ଧର୍ମକଣ୍ଟା ନିକଟରେ ଟ୍ରକ୍ ଛିଡା ହୋଇଥିଲା । ଏହି ସମୟରେ ରସୁଲଗଡ଼ ପଟୁ (ଓଆର୍ ୦୫ ଏଇ ୮୫୬୮)ନମ୍ବର ଟାଟା ଏସିଇ ଗାଡ଼ି ଆସି ଟ୍ରାକ୍ ପଛପଟକୁ ଧକ୍କା ଦେଇଥିଲା । ଫଳରେ ଟାଟା ଏସିଇର ଅଗ୍ର ଭାଗ ସମ୍ପର୍ଣ୍ଣ ଭାଙ୍ଗି ରୁଜି ଯାଇଛ। ଏହି ଦୁର୍ଘଟଣା ଟାଟା ଏସିଇ ଚାଳକ ଗୁରୁତର ହୋଇଥିବା ଜଣାପଡିଛି। ଏଥି ସହିତ ଗାଡ଼ିରେ ବସିଥିବା ଜଣେ ମହିଳା ଯାତ୍ରୀ ମଧ୍ୟ ଆହତ ହୋଇଛନ୍ତି। ସମସ୍ତ ଆହତଙ୍କୁ ଉଦ୍ଧାର କରାଯାଇ କ୍ୟାପିଟାଲ ହସ୍ପିଟାଲକୁ ପଠାଯାଇଥିବା ସୂଚନା ମିଳିଛି। ଘଟଣାସ୍ଥଳରେ ମଞ୍ଚେଶ୍ବର ପୋଲିସ ପହଞ୍ଚି ଗାଡ଼ି ଜବତ କରିବା ସହ ତଦନ୍ତ ଆରମ୍ଭ କରିଥିବା ଜଣାପଡ଼ିଛ।
