ରାଜ୍ୟରେ ଗତକାଲିର ବଜ୍ରପାତରେ ୧୨ ଜଣଙ୍କର ମୃତ୍ୟୁ; ନିକଟ ସମ୍ପର୍କିୟଙ୍କୁ ମିଳିବ ୪ ଲକ୍ଷ ଟଙ୍କା ଲେଖାଏଁ ଅନୁକମ୍ପା ରାଶି; ଏସଆରସି
ଭୁବନେଶ୍ୱର: ରାଜ୍ୟରେ ଗତକାଲି ବଜ୍ରପାତରେ ମୃତ୍ୟୁ ହୋଇଥିବା ଲୋକଙ୍କ ନିକଟ ସମ୍ପର୍କୀୟଙ୍କୁ ୪ ଲକ୍ଷ ଟଙ୍କା ଲେଖାଏଁ ଅନୁକମ୍ପାମୂଳକ ସହାୟତା ପ୍ରଦାନ କରାଯିବ । ସ୍ୱତନ୍ତ୍ର ରିଲିଫ କମିଶନରଙ୍କ କାର୍ଯ୍ୟାଳୟ ପକ୍ଷରୁ ମିଳିଥିବା ସୂଚନା ଅନୁଯାୟୀ, ରାଜ୍ୟର ବିଭିନ୍ନ ଜିଲ୍ଲାରେ ଗତକାଲି ବଜ୍ରପାତ ଯୋଗୁଁ ୧୨ ଜଣଙ୍କର ମୃତ୍ୟୁ ହୋଇଛି । ଅନ୍ୟ ୧୪ ଜଣ ଆହତ ହୋଇଛନ୍ତି ।
ଟୁଇଟ୍ କରି କାର୍ଯ୍ୟାଳୟ କହିଛି, ଖୋର୍ଦ୍ଧା ଜିଲ୍ଲାରେ ୪ ଜଣଙ୍କର ମୃତ୍ୟୁ ହୋଇଥିବାବେଳେ, ବଲାଙ୍ଗିର ଜିଲ୍ଲାରେ ୨, ଅନୁଗୁଳ, ଢେଙ୍କାନାଳ, ବୌଦ୍ଧ, ଗଜପତି, ପୁରୀ ଏବଂ ଜଗତ୍ସିଂହପୁର ଜିଲ୍ଲାରେ ଜଣେ ଲେଖାଏଁ ବ୍ୟକ୍ତିଙ୍କର ମୃତ୍ୟୁ ହୋଇଛି । ଆହତଙ୍କ ମଧ୍ୟରେ ଖୋର୍ଦ୍ଧା ଜିଲ୍ଲାରୁ ୨ ଜଣ ବଲାଙ୍ଗିରରୁ ୮ ଜଣ, ଅନୁଗୁଳ, କଟକ ଏବଂ ଗଞ୍ଜାମ ଜିଲ୍ଲାରୁ ଜଣେ ଲେଖାଏଁ ଅଛନ୍ତି । ସେହିପରି, ବଜ୍ରପାତ ଯୋଗୁଁ ୮ଟି ଗୃହପାଳିତ ପଶୁଙ୍କର ମୃତ୍ୟୁ ହୋଇଛି ବୋଲି କାର୍ଯ୍ୟାଳୟ ସୂଚନା ଦେଇଛି ।
Extreme thunderstorm/ #LIGHTNING activities accross Odisha on 2nd September.
12 persons died.
14 persons injured.
08 cattle casualties.Ex-gratia of ₹4.00 lakhs will be paid to each of the bereaved families. In case of cattle death, assistance would be extended as admissible. pic.twitter.com/KAMoTTThFP
— SRC, Govt of Odisha (@SRC_Odisha) September 3, 2023
