Video: ୪୦ ଥର ଛୁରୀ ଭୁଷି ଓ ପରେ ପଥରରେ ଛେଚି ହତ୍ୟା, ପୋଲିସ କହୁଛି ଉଭୟଙ୍କ ମଧ୍ୟରେ ଥିଲା ପ୍ରେମ ସଂପର୍କ

ନୂଆଦିଲ୍ଲୀ:ରାଜଧାନୀ ନୂଆଦିଲ୍ଲୀରେ ଦିନ ଦ୍ୱିପ୍ରହରରେ ବିଚ୍ ରାସ୍ତାରେ ଜଣେ ନାବଳାଳିକାଙ୍କୁ ହତ୍ୟା କରାଯାଇଛି । ଏହି ନୃଶଂସ ହତ୍ୟାକାଣ୍ଡର ସିସିଟିଭି ଫୁଟେଜ୍ ଏବେ ସାମ୍ନାକୁ ଆସିଛି । ହତ୍ୟାକାରୀ ନାବାଳିକାଙ୍କୁ ଥରେ ନୁହେଁ ୪୦ ଥର ଛୁରୀରେ ଭୁଷି ହତ୍ୟା କରିଛି । କେବଳ ଏତିକି ନୁହେଁ ନାବାଳିକା ଲହୁଲୁହାଣ ହୋଇ ରାସ୍ତାରେ ପଡି ଯିବା ପରେ ନୃଶଂସ ବ୍ୟକ୍ତି ଜଣକ ଏକ ବଡ ପଥର ଉଠାଇ ତା ଉପରେ ରଖି ଦେଇଥିଲା ।

ରାଜଧାନୀର ଶାହବାଦ ଡାୟରୀ ଅଞ୍ଚଳରେ ସାହିଲ ନାମକ ଏହି ବ୍ୟକ୍ତି ୧୬ ବର୍ଷୀୟା ସାକ୍ଷୀଙ୍କୁ ଛୁରୀ ଭୁଷି ଓ ପରେ ପଥରରେ ଛେଚି ହତ୍ୟା କରିଛି । ଅଭିଯୁକ୍ତ ଜଣକ ସାକ୍ଷୀଙ୍କୁ ରାସ୍ତାରେ ଅଟକାଇ ତାଙ୍କ ଉପରେ ଅତର୍କିତ ଛୁରୀରେ ହାମଲା କରୁଥିବାର ସିସିଟିଭି ଫୁଟେଜ୍େରେ ଦେଖିବାକୁ ମିଳୁଛି । ଏହି ଭିଡିଓଟି ଏତେମାତ୍ରାରେ ବୀଭତ୍ସ ରହିଛି ଯେ ତାକୁ ଦେଖିବା କଷ୍ଟକର ।

ଦିଲ୍ଲୀର ଉତ୍ତର ଜିଲ୍ଲା ଶାହବାଦ ଡାୟରୀ ପୋଲିସ ଥାନା ଅଞ୍ଚଳରେ ଏହି ବୀଭତ୍ସ ହତ୍ୟାକାଣ୍ଡ ଘଟିଛି । ଜଣେ ପଥଚାରୀ ପୋଲିସକୁ ଏହି ଘଟଣା ବିଷୟରେ ସୂଚନା ଦେଇ ତୁରନ୍ତ ସେଠାକୁ ଆସିବାକୁ କହିଥିଲା । ପୋଲିସ ଟିମ୍ ସେଠାରେ ପହଞ୍ôଚ ଘଟଣାର ଛାନଭିନ୍ କରିବା ପରେ ଜଣାପଡିଥିଲା ନାବାଳିକା ଜଣକ ଗଳି ଦେଇ ଯାଉଥିବା ସମୟରେ ଅଚାନକ ଜଣେ ଯୁବକ ତାଙ୍କୁ ଅଟକାଇଥିଲା ଓ ଛୁରୀରେ ଆକ୍ରମଣ କରିଥିଲା । ଏଥିରେ ତାର ମନ ଭରି ନ ଥିଲା ଯେ, ଅଭିଯୁକ୍ତ ଏକ ବଡ ପଥର ଉଠାଇ ନାବାଳିକା ଉପରେ ରଖି ଦେଇଥିଲା । ପୋଲିସ ଉଭୟଙ୍କ ପରିଚୟ ପାଇଥିବା ବେଳେ ନାବାଳିକା ଜଣକ ଇ-୩୬ ଜେଜେ କଲୋନୀରେ ରହୁଥିବା ଜନକ ରାଜଙ୍କ ଝିଅ ବୋଲି ଜଣାପଡିଛି ।

दिल्ली के शाहबाद डेरी में एक नाबालिग मासूम गुड़िया को चाकू गोद-गोदकर मारा गया और उसके बाद पत्थर से उसे कुचल दिया गया। दिल्ली में दरिंदों के हौसले बुलंद हैं। पुलिस को नोटिस जारी कर रहे हैं। सब हदें पार हो गई हैं। मैंने अपने इतने सालों के करियर में इससे ज़्यादा भयानक कुछ नहीं देखा। pic.twitter.com/0kC4ht4q1f

— Swati Maliwal (@SwatiJaiHind) May 29, 2023

ପୋଲିସ କହିଛି ସାହିଲ ଓ ସାକ୍ଷୀଙ୍କ ମଧ୍ୟରେ ପ୍ରେମ ସଂପର୍କ ଥିଲା । କିନ୍ତୁ ଗତ ରବିବାର ଏମାନଙ୍କ ମଧ୍ୟରେ ଝଗଡା ହୋଇଯାଇଥିଲା । ଏହାରି ମଧ୍ୟରେ ସାକ୍ଷୀ ନିଜ ସାଙ୍ଗର ଜନ୍ମଦିନରେ ସାମିଲ ହେବାକୁ ଯାଉଥିବା ବେଳେ ସାହିଲ ତାକୁ ଗଳିରେ ଅଟକାଇ ତା ଉପରେ ଛୁରୀରେ ଆକ୍ରମଣ କରିବା ସହ ପଥରରେ ଛେଚି ହତ୍ୟା କରିଥିଲା । ଏହି ଘଟଣା ସମୟରେ ଗଳିରେ ଲୋକମାନେ ଯାଆସ କରୁଥିଲେ ମଧ୍ୟ କେହି ବି ରକ୍ଷା କରିବାକୁ ଆସି ନ ଥିଲେ । ସାହିଲ ଆକ୍ରମଣ କରି ସେଠାରୁ ଫେରାର ହୋଇଯାଇଥିଲା । ପୋଲିସ ନାବାଳିକାକୁ ଉଦ୍ଧାର କରି ହସ୍ପିଟାଲ ପଠାଇଥିଲେ ମଧ୍ୟ ସେଠାରେ ତାଙ୍କର ମୃତ୍ୟୁ ହୋଇଥିଲା । ମୃତକଙ୍କ ପିତାଙ୍କ ଅଭିଯୋଗ ଆଧାରରେ ଶାହବାଦ ଡାୟରୀ ଥାନାରେ ହତ୍ୟା ମାମଲା ରୁଜୁ କରାଯାଇଛି । ଏବେ ପୋଲିସ ସାହିଲକୁ ଖୋଜିବାରେ ଲାଗିଛି ।