ବିପଦ ହେଉଛି ନଦୀ ଗାଧୁଆ: ଗୁପ୍ତେଶ୍ୱରରେ ଗାଧୋଇବା ବେଳେ ପାଣି ସୁଅରେ ଭାସିଗଲେ ଦୁଇ ଭାଇ

ରାଜ୍ୟରେ ଦାଉ ସାଧୁଛି ବିଭିନ୍ନ ନଦୀର ପ୍ରଖର ପାଣି । ଗୋଟିଏ ପରେ ଗୋଟିଏ ନଈରେ ଭାସିଯାଉଛି ଜୀବନ । ୩ ଦିନରୁ ପାଣିରେ ବୁଡି ମୃତ୍ୟୁ ଘଟଣା ଥମିବାର ନାଁ ନେଉନି । ଆଜି ପୁଣି ସମାନ ଘଟରା ଘଟିଯାଇଛି କୋରାପୁଟ ଗୁପ୍ତେଶ୍ୱର ସାବେରୀ ନଦୀରେ । ଗାଧୋଇବାକୁ ଯାଇଥିବା ବେଳେ ୨ ଜଣ ନିଖୋଜ ହୋଇଥିବା ଘଟଣା ସାମନାକୁ ଆସିଛି । ଉଭୟ ସମ୍ପର୍କରେ ଭାଇ ଭାଇ ବୋଲି ଜଣାପଡିଛି ।

ସୂଚନା ଅନୁସାରେ, ପରିବାର ସହ ଗୁପ୍ତେଶ୍ୱର ବୁଲିବାକୁ ଯାଇଥିଲେ ଏହି ୨ ନିଖୋଜ ଯୁବକ । ତେବେ ନଦୀରେ ଗାଧୋଇବା ସମୟରେ ପାଣି ସୁଅରେ ନିଖୋଜ ହୋଇଥିବା ଜାଣିବାକୁ ମିଳିଛି । ଖବର ପାଇଁ ଘଟଣାସ୍ଥଳରେ ଉଦ୍ଧାରକାରୀ ଦଳ ପହଞ୍ଚିବା ସହ ଖୋଜାଖୋଜି କାର୍ଯ୍ୟ ଆରମ୍ଭ କରିଛନ୍ତି । ତେବେ ଏପର୍ଯ୍ୟନ୍ତ ଉଭୟଙ୍କ ମଧ୍ୟରୁ କାହାକୁ ବି ଉଦ୍ଧାର କରିବାରେ ସଫଳ ହୋଇ ପାରିନି ଓଡ୍ରାଫ ଟିମ । ସେପଟେ ଯାଜପୁର ଖରସ୍ରୋତା ନଦୀରୁ ଷଷ୍ଠ ଯୁବକଙ୍କ ମୃତଦେହ ଆଜି ଉଦ୍ଧାର କରାଯାଇଛି । ଗାଧୋଇବା ବେଳେ ବୁଡିଯାଇଥିବା ୭ ଯୁବକଙ୍କ ମଧ୍ୟରୁ ୬ ଜଣଙ୍କ ମୃତଦେହ ଉଦ୍ଦାର କରାଯାଇଥିବା ବେଳେ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି ।