ରାତିରେ ଶୋଇଥିବା ବେଳେ ଘରୁ ଟାଣିନେଲା ଦନ୍ତା, 2 ଶିଶୁଙ୍କୁ ଦଳି ମାରିଦେଲା

ଭୁବନେଶ୍ବର: ରାତିରେ ଶାଇଥିବା ବେଳେ ଘଟିଲା ବଡ ଅଘଟଣ । ଅକାଳରେ ଚାଲିଗଲା ଦୁଇ ନିଷ୍ପାପ ଛୁଆର ଜୀବନ । ସକାଳୁ ସକାଳୁ ଏକ ଦୁଃଖଦ ଘଟଣା ସାମ୍ନାକୁ ଆସିଛି । ଦୁଇ ଶିଶୁଙ୍କୁ ଦଳିଦେଲା ଦନ୍ତା । ଘରୁ ଟାଣିଟାଣି ଆଣି ଦନ୍ତା 2 ଶିଶୁଙ୍କୁ ଦଳି ଦେଇଥିବା ଜଣାପଡିଛି । ସୁନ୍ଦରଗଡ ଜିଲ୍ଲା ତାମଡା ରେଞ୍ଜ କଣ୍ଟାପାଲି ଗାଁ ମୁଣ୍ଡା ସହିରେ ଏଭଳି ଅଘଟଣ ଦେଖିବାକୁ ମିଳିଛି । ପରିବାରରେ ଲମଲ୍ତେ ଏକାଠି ଶୋଇଥିବା ବେଳେ ଘରେ ପଶି ଦନ୍ତା ଟାଣି ନେଇଥିବା ଜଣାପଡିଛି । ହାତୀକୁ ଦେଖି ଦୌଡି ପଳାଇଲେ ପରିବାରର ଅନ୍ୟ ସଦସ୍ୟ । ମୃତକମାନଙ୍କ ମଧ୍ୟରେ ଜଣଙ୍କର ବୟସ 12 ବର୍ଷ ହୋଇଥିବା ବେଳେ ଅନ୍ୟ ଜଣଙ୍କର ବୟସ 3 ବର୍ଷ ହୋଇଥିବା ସୂଚନା ରହିଛି ।

ତେବେ 2 ନିଷ୍ପାପ ଶିଶୁଙ୍କୁ ହାତୀ ଦଳିଦେବାକୁ ନେଇ ଶୋକାକୂଳ ପରିସ୍ଥିତି ଦେଖାଯାଇଥିବା ବେଳେ ଗ୍ରାମବାସୀ ଉତ୍ତେଜନା ପ୍ରକାଶ କରିଛି । ବନବିଭାଗକୁ ଦୋଷ ଦେଉଛନ୍ତି । ହାତୀକୁ ଆୟତ୍ତ କରିବାରେ ବନ ବିଭାଗ ବିଫଳ ହୋଇଥିବା ନେଇ ଗ୍ରାମବାସୀ ଅସନ୍ତୁଷ୍ଟ ପ୍ରକାଶ କରିଛନ୍ତି । ପ୍ରତିଦିନ ଏଭଳି ଖବର ସାମ୍ନାକୁ ଆସୁଥିବା ବେଳେ ବନବିଭାଗ କଣ ପଦକ୍ଷେପ ନେଉଛି ତାହା ଦେଖିବାକୁ ବାକି ରହିଲା ।