(Video) ପୁଣି ଏକ ବଡ଼ ଅଘଟଣ: ପାସେଞ୍ଜର ଟ୍ରେନରୁ ବିଚ୍ୟୁତ ହେଲା ଦୁଇଟି ବଗି
ନୂଆଦିଲ୍ଲୀ: ନିକଟରେ ଦେଶର ବିଭିନ୍ନ ସ୍ଥାନରେ ଏକାଧିକ ଛୋଟ ଟ୍ରେନ୍ ଦୁର୍ଘଟଣା ଦେଖିବାକୁ ମିଳିଛି । ଗତ ମାସରେ ଉତ୍ତରପ୍ରଦେଶର ଆମରୋହା ଓ ରାଜସ୍ଥାନର ଅଲୱାରରେ ଦୁଇଟି ଟ୍ରେନ୍ ଦୁର୍ଘଟଣା ଘଟିଥିଲା । ଗତ ମାସ ୨୦ ତାରିଖରେ ୟୁପିରେ ଗୋଟିଏ ମାଲଗାଡ଼ିରୁ ଅନେକ କୋଚ ଟ୍ରାକ ତଳକୁ ଖସିଯାଇଥିଲା । ସେହିପରି ୨୧ ତାରିଖରେ ଅଲୱୋର ରେଲୱେ ଜଙ୍କସନ ଠାରୁ ୩ କିମି ଦୂରରେ ରାତି ଅଧରେ ଏକ ମାଲଗାଡ଼ିରୁ ୩ଟି ଡବା ଟ୍ରେନ ଲାଇନରୁ ବିଚ୍ୟୁତ ହୋଇଯାଇଥିଲା । ଫଳରେ ଅଲୱାର-ମଥୁରା ଟ୍ରେନ ମାର୍ଗରେ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଥିଲା ।
ତେବେ ଏହା ମଧ୍ୟରେ ପୁଣି ଘଟିଛି ଏକ ବଡ଼ ଅଘଟଣ । ମଧ୍ୟପ୍ରଦେଶର ଇଟାରସୀ ରେଲୱେ ଜଙ୍କସନରେ ଏକ ପାସେଞ୍ଜର ଟ୍ରେନ ଲାଇନରୁ ୨ଟି କୋଚ ବିଚ୍ୟୁତ ହୋଇଯାଇଥିଲା । ସବୁଠାରୁ ବଡ଼ କଥା ହେଉଛି ଏକ ବଡ଼ ଦୁର୍ଘଟଣାକୁ ସହଜରେ ଏଡ଼ାଇ ଦିଆଯାଇଥିଲା । ଏହି ଦୁର୍ଘଟଣାରେ କାହାର କିଛି କ୍ଷତି ଘଟିନଥିଲା । ମାତ୍ର ଯାତ୍ରୀଙ୍କ ମଧ୍ୟରେ ଏକ ଭୟର ବାତାବରଣ ଖେଳିଯାଇଥିଲା । ଖବର ପାଇ ସ୍ଥାନୀୟ ରେଲୱେ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଟ୍ରେନର ଦୁଇଟି ଏସି କୋଚ ବି୧ ଓ ବୁ୨ ଟ୍ରାକରୁ ବାହାରି ଯାଇଥିବା ଜଣାପଡ଼ିଥିଲା ।
#Narmadapuram :- रानी कमलावती समर स्पेशन ट्रेन के दो कोच पटरी से उतरे
इटारसी रेलवे जंक्शन पर सोमवार को रानी कमलावती समर स्पेशन ट्रेन के दो कोच पटरी से उतर गए। इस हादसे के बाद ट्रेन में सवार यात्रियों में डर के मारे दहशत फैल गई। फिलहाल किसी के हताहत होने की कोई सूचना नहीं है।… pic.twitter.com/dOSkImpSju
— MP First (@MPfirstofficial) August 12, 2024