ଏନକାଉଣ୍ଟରରେ ଟଳିଲେ ୩ ଆତଙ୍କବାଦୀ
ଶ୍ରୀନଗର,୬ ।୫: ଜାମ୍ମୁ କାଶ୍ମୀରର ସୋପିଆନ୍ ସେକ୍ଟରରେ ଆଜି ସକାଳେ ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ହୋଇଥିବା ଏନକାଉଣ୍ଟରରେ ତିନିଜଣ ଆତଙ୍କବାଦୀ ନିହତ ହୋଇଛନ୍ତିି । ୩ ଆତଙ୍କବାଦୀଙ୍କ ମୃତ୍ୟୁ ହୋଇଥିବା ବେଳେ ଜଣେ ଆତଙ୍କବାଦୀ ଆତ୍ମସମର୍ପଣ କରିଛି । ଆତ୍ମସମର୍ପଣ କରିଥିବା ଆତଙ୍କବାଦୀଙ୍କ ନାମ ତୌସିଫ ଅହମ୍ମଦ । ଆତଙ୍କବାଦୀଙ୍କୁ ଧରିବା ପାଇଁ ଅଞ୍ଚଳରେ ଏବେ ବି ସର୍ଚ୍ଚ ଅପରେସନ ଜାରି ରହିଛି ।
ଖବର ମୁତାବକ, ଭାରତୀୟ ସୁରକ୍ଷା ବାହିନୀଙ୍କୁ ଗୁପ୍ତ ସୂଚନା ମିଳିଥିଲା ଯେ କିଛି ଆତଙ୍କବାଦୀ ସୋପିଆନ୍ ସେକ୍ଟରର କାନିଗାମରେ ଲୁଚି ରହିଛନ୍ତି ଓ ବଡ ଷଡଯନ୍ତ୍ର କରିବାକୁ ଯୋଜନା ପ୍ରସ୍ତୁତ କରୁଛନ୍ତି । ତଥ୍ୟ ଆଧାରରେ ସୁରକ୍ଷା ବାହିନୀ ସ୍ଥାନୀୟ ପୋଲିସ ସହିତ ଏକ ଟିମ୍ ଗଠନ କରିଥିଲା । ଭାରତୀୟ ସୁରକ୍ଷା ବାହିନୀ କନିଗାମରେ ବିଳମ୍ବିତ ରାତିରେ ସର୍ଚ୍ଚ ଅପରେସନ ଆରମ୍ଭ କରିଥିଲେ । ଏହି ସମୟରେ କାନିଗାମରେ ଲୁଚି ରହିଥିବା ଆତଙ୍କବାଦୀମାନେ ଧରାପଡିବା ଭୟରେ ଗୁଳି ଚଳାଇଥିଲେ, ଯାହାର ପାଲଟା ଜବାବ ଦେଇଥିଲା ସେନା ।
