ଜାମ୍ମୁ କାଶ୍ମୀରେ ୩ ଆତଙ୍କବାଦୀ ନିପାତ, ଟ୍ରକରେ ଭିତରେ ଲୁଚି ରହିଥିଲେ, ଶେଷରେ ଏମିତି ପଡ଼ିଲେ ଧରା..

ଶ୍ରୀନଗର: ଜାମ୍ମୁ ଏବଂ କାଶ୍ମୀରରେ ପୁଣିଥରେ ଆତଙ୍କବାଦୀଙ୍କ ନିଷ୍ଠୁର ସୁରକ୍ଷାବାହିନୀକୁ ଦମନ କରାଯାଇଛି । ଜାମ୍ମୁର ସିଦ୍ଧରା ଅଂଚଳରେ ସୁରକ୍ଷାକର୍ମୀଙ୍କ ଦ୍ୱାରା ୩ଜଣ ଆତଙ୍କବାଦୀଙ୍କୁ ନିପାତ କରାଯାଇଛି । ଏମାନେ ଏକ ଟ୍ରକରେ ଆସୁଥିଲେ, ପୋଲିସ ଯାଞ୍ଚ ସମୟରେ ଏମାନେ ଧରାପଡ଼ିଥିଲେ ଏବଂ ସେହି ସମୟରେ ତାଙ୍କୁ ଗୁଳି ଦ୍ୱାରା ଏନକାଉଣ୍ଟର କରାଯାଇଥିଲା ।

ସୁଚନା ଅନୁଯାୟୀ, ବୁଧବାରଦିନ ସକାଳ ୭ଟାରେ ସିଦ୍ଦ୍ରା ଅଞ୍ଚଳରେ ସୁରକ୍ଷାକର୍ମୀ ଏବଂ ଆତଙ୍କବାଦୀଙ୍କ ମଧ୍ୟରେ ସାମ୍ନାସାମ୍ନି ପରିସ୍ଥିତି ଦେଖାଦେଇଥିଲା । ଏକ ଟ୍ରକ ଜାମ୍ମୁ ଆଡ଼ୁ ଆସୁଥିଲା, ଯାହାକୁ ପୁଲ ପାଖେ ଅଟକା ଯାଇଥିଲା । ସେଠାରେ ଏଡିଜେପି ମୁକେଶ ସିଂହ ଯେତେବେଳେ ଟ୍ରକକୁ ଯାଂଚ କରିଥିଲେ ସେତେବେଳେ ଦେଖିଥିଲେ ୩ ଆତଙ୍କବାଦୀ ତା ଭିତରେ ଅଛନ୍ତି । ସେମାନେ ସୁରକ୍ଷା କର୍ମୀଙ୍କୁ ଦେଖିବା ମାତ୍ରେ ଗୁଳି ଚଳାଇବା ଆରମ୍ଭ କରିଥିଲେ । ସେହି ଟ୍ରକରେ ଆହୁରି ଅନେକ ମରଣାସ୍ତ୍ର ରହିଛି । ଉପସ୍ଥିତ ଡ୍ରାଇଭର ଖସି ପଳାଇବାରେ ସଫଳ ହୋଇଛି ।

ଘଟଣାସ୍ଥଳରେ ଟ୍ରକକୁ ଜେସିପି ସାହାଯ୍ୟରେ ଭଙ୍ଗା ଚାଲିଛି । ଏହାପରେ ସର୍ଚ୍ଚ ଅପରେସନ ଚାଲିବ ଏବଂ ପରେ ଜଣାପଡ଼ିବ ସେହି ଟ୍ରକରେ ଆଉ କଣ ଅଛି । ଏହାପୂର୍ବରୁ ୨୦ ଡ଼ିସେମ୍ବରରେ ଜାମ୍ମୁ କାଶ୍ମୀରର ସୋଫିଆ ଜିଲ୍ଲାରେ ତିନିଜଣ ଆତଙ୍କବାଦୀଙ୍କୁ ଗୁଳି କରି ମରାଯାଇଛି । କାଶ୍ମୀର କ୍ଷେତ୍ରର ଅତିରିକ୍ତ ପୋଲିସ ମହାନିବେଶକ ବିଜୟ କୁମାର କହିଛନ୍ତି ଯେ, ସେହି ୩ଜଣ ଆତଙ୍କବାଦୀଙ୍କ ପତ୍ତା ମିଳିସାରିଛି ଏବଂ ଏମାନେ ସାଧାରଣ ମଣିଷ ମାନଙ୍କୁ ହତ୍ୟା କରୁଥିଲେ ।