ପାର୍ବଣ ଋତୁରେ ଅନଲାଇନ୍ ସପିଂ କରୁଥିବା ୪୦% ଭାରତୀୟ ଠକାମୀ ଶିକାର ହୁଅନ୍ତି: ରିସର୍ଚ୍ଚ
ନୂଆଦିଲ୍ଲୀ : ଆଜିକାଲି ଅନେକ ଲୋକ ଅନଲାଇନ୍ ଠକେଇର ଶିକାର ହେବାରେ ଲାଗିଛନ୍ତି । ଭୁଲ ମେସେଜ୍ ଓ ଓଟିପି ମାଧ୍ୟମରେ ଲୋକଙ୍କୁ ଲୁଟିବାରେ ଲାଗିଛନ୍ତି ଠକ । ସର୍ଭେ କରାଯାଇଥିବା ପ୍ରାୟ ୪୦ ପ୍ରତିଶତ ଭାରତୀୟ ଉତ୍ସବ ସମୟରେ ଅନଲାଇନ୍ ସପିଂ କରୁଥିବା ବେଳେ ଠକାମିର ଶିକାର ହୋଇଥିବା ଜଣାପଡିଛି । ଏକ ରିସର୍ଚ୍ଚରୁ ଏହି ସୂଚନା ସାମ୍ନାକୁ ଆସିଛି ।
ଏହି ରିସର୍ଚ୍ଚ ସାଇବର ସୁରକ୍ଷା କ୍ଷେତ୍ରରେ ବିଶ୍ୱସ୍ତରୀୟ ନେତା ନର୍ଟନଙ୍କ ତରଫରୁ ‘ଦି ହରିସ୍ ପୋଲ୍’ ଦ୍ୱାରା ଆୟୋଜିତ କରାଯାଇଥିଲା, ଯେଉଁଥିରେ ଭାରତୀୟ ଅନୁସନ୍ଧାନ ପ୍ରକାଶ ପାଇଥିଲା । ପାର୍ବଣ ଋତୁରେ ସାଇବର ସୁରକ୍ଷା ଏବଂ ଅନଲାଇନ୍ ସପିଂ ପ୍ରତି ମନୋଭାବ ଏହି ରିସର୍ଚ୍ଚରୁ ଜଣାପଡିଥିଲା ।
ଅନୁସନ୍ଧାନ ଅନୁଯାୟୀ, ସର୍ବେକ୍ଷଣ କରାଯାଇଥିବା ଭାରତୀୟ ବୟସ୍କମାନଙ୍କ ମଧ୍ୟରୁ ଦୁଇ ତୃତୀୟାଂଶ ସେମାନଙ୍କର ବ୍ୟକ୍ତିଗତ ବିବରଣୀ ସହ ଧୋକା(୭୮ ପ୍ରତିଶତ), ତୃତୀୟ ପକ୍ଷ ଖୁଚୁରା ବ୍ୟବସାୟୀ (୭୭ ପ୍ରତିଶତ) ଦ୍ୱାରା ପ୍ରତାରଣା , ଉପହାର ଭାବରେ ଉପକରଣ କିଣିବା କିମ୍ବା ଗ୍ରହଣ କରିବା (୭୨ ପ୍ରତିଶତ) ଏବଂ ଉପହାର ଭାବରେ ପ୍ରାପ୍ତ କରିଥିବା ଉପକରଣ (୬୯ ପ୍ରତିଶତ) ହ୍ୟାକ୍ କରାଯାଉଛି ।
ନର୍ଟନ୍ ଲାଇଫ୍ ଲକରେ ସାର୍କ ଦେଶ ନର୍ଟନ୍ ନିର୍ଦ୍ଦେଶକ ଭାରତର ନିର୍ଦ୍ଦେଶକ ରିତେଶ ଚୋପ୍ରା କହିଛନ୍ତି, “ନିକଟରେ ଅନଲାଇନ୍ କିଣୁଥିବା ଲୋକଙ୍କ ସଂଖ୍ୟା ବଢ଼ିବାରେ ଲାଗିଛିଓ ଏହା ସହିତ ଅନଲାଇନ୍ ସପିଂରେ ଠକେଇ, ଉପହାର କାର୍ଡରେ ଧୋକା, ଡାକ ବିତରଣରେ ଠକେଇ ବୃଦ୍ଧି ପାଇଛି ।’
ସର୍ଭେ କରାଯାଇଥିବା ପ୍ରାୟ ୭୮ ପ୍ରତିଶତ ଭାରତୀୟ ବୟସ୍କମାନେ ସହମତ ଅଟନ୍ତି ଯେ, ସେମାନଙ୍କ ସଂଯୁକ୍ତ ଉପକରଣଗୁଡ଼ିକ ମାଧ୍ୟମରେ ଅନଲାଇନରେ ସମୟ ଅତିବାହିତ କରିବା ସେମାନଙ୍କୁ ଉତ୍ସବର ଋତୁରେ ଅଧିକ ସଂଯୁକ୍ତ ଅନୁଭବ କରିବାରେ ସାହାଯ୍ୟ କରିଥାଏ ଏବଂ ୭୪ ପ୍ରତିଶତ ଲୋକ ଏହା କହିଛନ୍ତି ଯେ ଏହା ସେମାନଙ୍କର ମାନସିକ ସୁସ୍ଥତାକୁ ସାହାଯ୍ୟ କରିଥାଏ ।
ଏହି ରିପୋର୍ଟରେ ଦର୍ଶାଯାଇଛି ଯେ, ୬୫% ଭାରତୀୟ ବୟସ୍କ କହିଛନ୍ତି ଯେ ଯଦି ଉତ୍ସବ ଋତୁରେ ସେମାନେ ସଂଯୁକ୍ତ ଉପକରଣ ପର୍ଯ୍ୟନ୍ତ ପହଞ୍ଚିପାରିବେ ନାହିଁ, ତେବେ ସେମାନଙ୍କର ମାନସିକ ଅବସ୍ଥା ଆହୁରି ଖରାପ ହେବ । ସେ ଆହୁରି ମଧ୍ୟ କହିଛନ୍ତି ଯେ, ‘ଆମର ନର୍ଟନ୍ ରିପୋର୍ଟରେ ଦର୍ଶାଯାଇଛି ଯେ ଅନଲାଇନ୍ କ୍ରୟ କରିବା ସମୟରେ ଅନେକ ଭାରତୀୟ ବୟସ୍କଙ୍କୁ ଠକେଇ କରାଯାଇଛି, ସର୍ବେକ୍ଷଣକାରୀଙ୍କ ହାରାହାରି କ୍ଷତି ୬,୨୧୬ ଟଙ୍କା ରହିଛି ।’
