ଗ୍ୟାସ ସିଲିଣ୍ଡର ଫାଟି ଦୁର୍ଘଟଣା ହେଲେ ମିଳିବ ୫୦ ଲକ୍ଷ ଟଙ୍କା, ଜାଣନ୍ତୁ କିପରି କରିବେ ଆବେଦନ

ନୂଆଦିଲ୍ଲୀ: ଆଜିକା ସମୟରେ ଗ୍ୟାସ ସିଲିଣ୍ଡର ପ୍ରାୟତଃ ସମସ୍ତଙ୍କ ଘରେ ରହିଛି । ଏହାର ଉପଯୋଗ ଖୁବ୍ ସାବଧାନତାର ସହିତ କରିବା ନିହାତି ଦରକାର । ନଚେତ୍ ଯଦି କୌଣସି କାରଣରୁ ଗ୍ୟାସି ସିଲିଣ୍ଡର ଫାଟି ଯାଉଛି ତେବେ ଅନେକ କ୍ଷତି ସହିବାକୁ ପଡ଼ୁଛି । ଖାଲି ସେତିକି ନୁହେଁ ଅନେକ କ୍ଷେତ୍ରରେ ଲୋକଙ୍କ ଜୀବନ ମଧ୍ୟ ଚାଲିଯାଉଛି । ତେଣୁ ଏସବୁ ଦିଗ ପ୍ରତି ଦେଇ କାମ କରିବା ଆବଶ୍ୟକ ଓ ଯଦି କୌଣସି କାରଣରୁ ଏହିଭଳି ଦୁର୍ଘଟଣା ହେଉଛି ସେତେବେଳେ କଣ କରାଯିବ ତା ମଧ୍ୟ ଜାଣିବାକୁ ପଡ଼ିବ । ତେବେ ଚାଲନ୍ତୁ ଜାଣିବା ଏଲପିଜି ଗ୍ୟାସ୍ ସିଲିଣ୍ଡର ଫାଟିବା ଦ୍ୱାରା ଜଣେ ଗ୍ରାହକ ହିସାବରେ କଣ ଅଧିକାର ରହିଛି?

ଏଲପିଜି ଗ୍ୟାସ୍ କନେକ୍ସନ୍ ନେବା ସମୟରେ ପେଟ୍ରୋଲିୟମ କମ୍ପାନୀଗୁଡିକ ଗ୍ରାହକଙ୍କୁ ବ୍ୟକ୍ତିଗତ ଦୁର୍ଘଟଣା କଭର ପ୍ରଦାନ କରିଥାନ୍ତି । ଏଥିରେ ୫୦ ଲକ୍ଷ ଟଙ୍କା ପର୍ୟ୍ୟନ୍ତର ଏହି ବୀମା, ଏଲପିଜି ସିଲିଣ୍ଡରରୁ ଗ୍ୟାସ୍ ଲିକ୍ କିମ୍ବା ବିସ୍ଫୋରଣ ହେତୁ ଦୁର୍ଭାଗ୍ୟଜନକ ଦୁର୍ଘଟଣାରେ ଆର୍ଥିକ ସହାୟତା ଆକାରରେ ରହିଛି । ଏହି ବୀମା ପାଇଁ ପେଟ୍ରୋଲିୟମ କମ୍ପାନୀଗୁଡିକ ବୀମା କମ୍ପାନୀ ସହିତ ସହଭାଗିତା କରିଥାନ୍ତି ।

ସେହିପରି ଡିଲର୍ ଡେଲୀଭେରୀ ସମୟରେ ଯାଞ୍ଚ କରିଥାଏ ଯେ, ଗ୍ୟାସ ସିଲିଣ୍ଡର ଠିକ୍ ଅଛି କି ନାହିଁ କିମ୍ବା ସେଥିରୋ କୌଣସି ଲିକେଜ୍ ହେବାର ସମ୍ଭାବନା ଅଛି କି ନାହିଁ । ଗ୍ରାହକଙ୍କ ଘରେ ଏଲପିଜି ସିଲିଣ୍ଡର କାରଣରୁ ଦୁର୍ଘଟଣା ଘଟିବା ଦ୍ୱାରା ପର୍ସନାଲ୍ ଆକ୍ସିଡେଣ୍ଟ୍ କଭର୍ ଦେୟ ରହିଛି । ଦୁର୍ଘଟଣାରେ ଯଦି ଗ୍ରାହକଙ୍କ ଧନସମ୍ପତ୍ତି କିମ୍ବା ଘରର କୌଣସି ହାନି ଘଟୁଛି ତେବେ ପ୍ରତି ଦୁର୍ଘଟଣା ପିଛା ୨ ଲକ୍ଷ ଟଙ୍କା ପର୍ଯ୍ୟନ୍ତ ବୀମା କ୍ଲେମ୍ ମିଳିଥାଏ ।

ଜାଣନ୍ତୁ କିପରି ପାଇବେ ୫୦ ଲକ୍ଷ ଟଙ୍କାର ବୀମା:

୧. ଦୁର୍ଘଟଣା ପରେ କ୍ଲେମ୍ କରିବାର ଉପାୟ ମାଇଏଲପିଜି.ଇନ୍ ୱେବସାଇଟ୍ ରେ ଦିଆଯାଇଛି । ଏଥିରେ ଯଦି କୌଣସି ବ୍ୟକ୍ତିଙ୍କ ଘରେ ଏଲପିଜି ସିଲିଣ୍ଡର ଯୋଗୁଁ ଦୁର୍ଘଟଣା ଘଟୁଛି ତେବେ ଉକ୍ତ ବ୍ୟକ୍ତିଙ୍କୁ ୫୦ ଲକ୍ଷ ଟଙ୍କାର ବୀମା ଯୋଗାଇ ଦିଆଯିବ । ଗୋଟିଏ ଦୁର୍ଘଟଣା ପାଇଁ ୫୦ ଲକ୍ଷ ଟଙ୍କାର ଇନ୍ସ୍ୟୁରାନ୍ସ ମିଳିବ । ଦୁର୍ଘଟଣାରେ ପୀଡ଼ିତ ବ୍ୟକ୍ତିଙ୍କ ସର୍ବାଧିକ ୧୦ ଲକ୍ଷ ଟଙ୍କାର କ୍ଷତିପୂରଣ ଦିଆଯାଇଥାଏ ।

୨. ଏଲପିଜି ସିଲିଣ୍ଡରର ବୀମା କଭର ପାଇବାକୁ ଗ୍ରାହକଙ୍କୁ ଦୁର୍ଘଟଣା ସମ୍ପର୍କରେ ତୁରନ୍ତ ନିକଟସ୍ଥ ପୋଲିସ ଷ୍ଟେସନ ଏବଂ ତାଙ୍କ ଏଲପିଜି ବିତରକଙ୍କୁ ଜଣାଇବାକୁ ପଡିବ ।

୩. ଇଣ୍ଡିଆନ୍ ଅଏଲ୍, ଏଚପିସି ଏବଂ ବିପିସି ପରି PSU ତୈଳ ମାର୍କେଟିଂ କମ୍ପାନୀଗୁଡିକର ବିତରକମାନଙ୍କୁ ବ୍ୟକ୍ତି ଏବଂ ସମ୍ପତ୍ତି ପାଇଁ ତୃତୀୟ ପକ୍ଷ ବୀମା କଭର ସହିତ ଦୁର୍ଘଟଣା ପାଇଁ ବୀମା ପଲିସି ନେବାକୁ ପଡିବ ।

୪. ଏଗୁଡିକ କୌଣସି ବ୍ୟକ୍ତିଗତ ଗ୍ରାହକଙ୍କ ନାମରେ ନାହିଁ, କିନ୍ତୁ ପ୍ରତ୍ୟେକ ଗ୍ରାହକ ଏହି ନୀତିରେ ଅନ୍ତର୍ଭୁକ୍ତ । ଏଥିପାଇଁ ତାଙ୍କୁ କୌଣସି ପ୍ରିମିୟମ ଦେବାକୁ ପଡିବ ନାହିଁ ।

୫. ଏଫଆଇଆର୍ କପି, ମେଡିକାଲ୍ ବିଲ୍ ଏବଂ ଆହତଙ୍କ ଚିକିତ୍ସା ବିଲ୍ ଏବଂ ପୋଷ୍ଟମର୍ଟମ ରିପୋର୍ଟ, ମୃତ୍ୟୁ ସମୟରେ ମୃତ୍ୟୁ ପ୍ରମାଣପତ୍ର ରଖନ୍ତୁ ।

ଗ୍ୟାସ ସିଲିଣ୍ଡର ଦୁର୍ଘଟଣା ଘଟିଲେ, ପ୍ରଥମେ ପୋଲିସ ରିପୋର୍ଟ ଦାଖଲ କରିବାକୁ ପଡ଼ିଥାଏ । ଏହା ପରେ ଦୁର୍ଘଟଣାର କାରଣ କ’ଣ ବୋଲି ସମ୍ପୃକ୍ତ କ୍ଷେତ୍ର କାର୍ୟ୍ୟାଳୟ ଅନୁସନ୍ଧାନ କରିଥାଏ। ଯଦି ଏହା ଏଲପିଜି ଦୁର୍ଘଟଣା, ହୋଇଥାଏ ତାହେଲେ ତେବେ ଏଲପିଜି ବିତରକ ଏଜେନ୍ସି / କ୍ଷେତ୍ର କାର୍ୟ୍ୟାଳୟ ବୀମା କମ୍ପାନୀର ସ୍ଥାନୀୟ କାର୍ୟ୍ୟାଳୟକୁ ସମାନ ବିଷୟରେ ଜଣାଇଥାଏ । ଏହା ପରେ ସମ୍ପୃକ୍ତ ବୀମା କମ୍ପାନୀକୁ କ୍ଲେମ୍ ଫାଇଲ୍ କରାଯାଇଥାଏ । ଗ୍ରାହକଙ୍କୁ ବୀମା କମ୍ପାନୀ ସହିତ ସିଧାସଳଖ କ୍ଲେମ୍ କରିବା ପାଇଁ ଆବେଦନ କରିବାକୁ ପଡ଼ିଥାଏ କିମ୍ବା ଯୋଗାଯୋଗ କରିବାକୁ ପଡ଼ିଥାଏ ।