କଟକରେ ରହିଛନ୍ତି ସର୍ବାଧିକ ଭିକାରୀ, ରାଜ୍ୟରେ 5 ହଜାର ଟପିଲା ସଂଖ୍ୟା

ଭୁବନେଶ୍ବର: ରାଜ୍ୟର ଭିକାରୀ ତାଲିକା ଦେଲେ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ନିତ୍ୟାନନ୍ଦ ଗଣ୍ଡ । ଓଡିଶାରେ ମୋଟ 5284 ଜଣ ଭିକାରୀ ରହିଛନ୍ତି ।

ବିଧାୟକ ଲକ୍ଷ୍ମଣ ବାଗଙ୍କ ପ୍ରଶ୍ନରେ ଲିଖିତ ଉତ୍ତର ରଖିଛନ୍ତି ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ନିତ୍ୟାନନ୍ଦ ଗଣ୍ଡ ।

କେଉଁଠି କେତେ ଭିକାରୀ-   ମନ୍ତ୍ରୀଙ୍କ କହିବା ଅନୁସାରେ, ବର୍ତ୍ତମାନ ସୁଦ୍ଧା ରାଜ୍ୟରେ 5284ଜଣ ଭିକାରୀ ରହିଥିବା ବେଳେ ସବୁଠାରୁ ଅଧିକ କଟକରେ ରହିଛନ୍ତି ।  କଟକରେ ସର୍ବାଧିକ ୧୦୬୦ ଭିକାରୀ ଅଛନ୍ତି ।

ସେହିପରି ବରଗଡ଼ରେ ୫୯୫, ଗଞ୍ଜାମରେ ୫୪୫, ବଲାଙ୍ଗୀରରେ ୪୮୨, ସୁନ୍ଦରଗଡ ରେ ୪୧୭ ଓ  ପୁରୀରେ ୩୫୦ ଭିକାରୀ ରହିଥିବା ନେଇ ଗୃହରେ ଲିଖିତ ଉତ୍ତର ରଖିଛନ୍ତି ମନ୍ତ୍ରୀ । ସେହିପରି ରାଜ୍ୟକୁ ଭିକରୀ ମୁକ୍ତ କରିବା ପାଇଁ ଯୋଜନା ଚାଲିଥିବା କଥା ମଧ୍ୟ କହିଛନ୍ତି ।

ଓଡିଶାକୁ ଭିକାରୀ ମୁକ୍ତ ଲକ୍ଷ୍ୟ:    ରାଜ୍ୟରେ ଦିନକୁ ଦିନ ଭିକାରୀଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ମୁକ୍ତ କରିବା ଲକ୍ଷ୍ୟ ରଖିଛନ୍ତି ସରକାର । ପ୍ରଥମ ପର୍ୟ୍ୟାୟରେ ପୁରୀଠାରେ ନୀଳାଦ୍ରି ନିଳୟ , ଭୁବନେଶ୍ୱରରେ ଏକାମ୍ର ନିଳୟ ଅଭିଯାନ ଜାରି ରହିଛି ।