ଅନୁଭବଙ୍କ ସହ ଦାଦାଗିରି କରିବେ ବେଙ୍ଗଲ ଟାଇଗର ସୌରଭ ଗାଙ୍ଗୁଲି

ଭୁବନେଶ୍ୱର: ଜୀ ସାର୍ଥକର ମେଗା ରିୟଲିଟି ଗେମ ଶୋ’ ଦାଦାଗିରିକୁ ଆସୁଛନ୍ତି କ୍ରିକେଟ ଜଗତର ଦାଦା । ଭାରତୀୟ କ୍ରିକେଟର ପୂର୍ବତନ ଅଧିନାୟକ ସୌରଭ ଗାଙ୍ଗୁଲି କରିବେ ଓଡିଆଙ୍କ ମନୋରଞ୍ଜନ । ଜୀ ସାର୍ଥକର ଓଡିଆରେ ପ୍ରସାରିତ ସବୁଠାରୁ ବ୍ୟୟ ବହୁଳ ମେଗା ରିୟଲିଟି ଗେମ ସୋ ଦାଦାଗିରିକୁ ଆସିବେ ସୌରଭ ଗାଙ୍ଗୁଲି । ବିଗତ ୯ ବର୍ଷରୁ ବଙ୍ଗଳାରେ ପ୍ରସାରିତ ଦାଦାଗିରିର ପରିଚାଳନା କରୁଛନ୍ତି ସୌରଭ । ତେବେ ଓଡିଆର ଏହି ଦାଦାଗିରି ମଞ୍ଚକୁ ସପ୍ତମ ଏବଂ ସ୍ୱତନ୍ତ୍ର ଅଧ୍ୟାୟରେ ଆସୁଛନ୍ତି ରିୟଲ ଦାଦା ସୌରଭ ଗାଙ୍ଗୁଲି । ଏହି ଏପିସୋଡ ଆସନ୍ତା ଫେବୃୟାରୀ ୫ ତାରିଖ ଶନିବାର ଟେଲିଭିଜନରେ ପ୍ରସାରିତ ହେବ ।

ଓଲିଉଡ ସୁପରଷ୍ଟାର ଅନୁଭବଙ୍କ ସହ ମିଶି ଦାଦାଗିରି ମଞ୍ଚରେ ଦାଦାଗିରି କରିବେ ବେଙ୍ଗଲ ଟାଇଗର ସୌରଭ ଗାଙ୍ଗୁଲି । ଏହି ସୋ’କୁ ନେଇ ଦର୍ଶକଭ୍କ ମନରେ ଦେଖାଦେଇଛି ଅନେକ ଉତ୍କଣ୍ଠା । ସୁପର ଷ୍ଟାର ଅନୁଭବ ମହାନ୍ତିଙ୍କ ସଞ୍ଚାଳନା ସହିତ ବିଭିନ୍ନ ସ୍ୱତନ୍ତ୍ର ଅଧ୍ୟାୟକୁ ନେଇ ପ୍ରଶଂସା ସାଉଁଟିଛି ଏହି ରିୟଲିଟି ସୋ’ । ତେବେ ଏମିତି ଏକ ସ୍ୱତନ୍ତ୍ର ଅଧ୍ୟାୟରେ ଓଡିଆ ଦାଦାଗିରିକୁ ଆସୁଛନ୍ତି ସୌରଭ ଗାଙ୍ଗୁଲି ।