ଅଦାନୀ ପୁଣି ଅମ୍ବାନୀଙ୍କ ଠାରୁ ଛଡ଼ାଇନେଲେ ଏସିଆର ସବୁଠୁ ଧନୀର ମୁକୁଟ

ନୂଆଦିଲ୍ଲୀ: ଗୋଟିଏ ଦିନ ପୂର୍ବରୁ ରିଲାଏନ୍ସ ଗ୍ରୁପ୍ ର ଚେୟାର୍ ମେନ୍ ମୁକେଶ ଅମ୍ବାନୀ ଏସିୟାର ସବୁଠୁ ଧନୀ ହେବାର ଗୌରବ ଦ୍ୱିତୀୟ ଥର ପାଇଁ ହାସଲ କରିଥିଲେ । କିନ୍ତୁ ପୁଣିଥରେ ଅଦାନୀ ଗ୍ରୁପ୍ ଚେୟାର୍ ମେନ୍ ଗୌତମ୍ ଅଦାନୀ ତାଙ୍କୁ ପଛରେ ପକାଇ ଦେଇଛନ୍ତି । ଏବେ ସେ କେବଳ ଭାରତର ନୁହେଁ ବରଂ ଏସିଆର୍ ସବୁଠୁ ଧନୀ ବ୍ୟକ୍ତି ହୋଇଯାଇଛନ୍ତି । ଅମ୍ବାନୀ-ଅଦାନୀଙ୍କ ମଧ୍ୟରେ ଭାରତର ନମ୍ବର-୧ ଅରବପତି ହେବାର ରେସ୍ ଗତ ସପ୍ତାହରୁ ଜାରି ରହିଛି ।

ଦୁନିଆର ଅରବପତି ତାଲିକାରେ କିଛି ଦିନ ପୂର୍ବରୁ ଏସିଆ ଓ ଭାରତ ସବୁଠୁ ବଡ଼ ଅରବପତି ମୁକେଶ ଅମ୍ବାନୀଙ୍କୁ ପଛରେ ପକାଇ ଅଦାନୀ ରେସ୍ ରେ ଆଗୁଆ ଥିଲେ । ହେଲେ ପରେ ଅମ୍ବାନୀ ପୁଣି ନିଜ ସ୍ଥାନ ଫେରିପାଇଥିଲେ । କିନ୍ତୁ ସେ ଖୁସି ଅଳ୍ପ ସମୟ ପାଇଁ ଥିଲା । କାରଣ ପୁଣି ଏବେ ଅଦାନୀ, ଅମ୍ବାନୀଙ୍କ ଠାରୁ ସବୁଠୁ ଧନୀର ମୁକୁଟ ଛଡ଼ାଇ ନେଇଛନ୍ତି । ଫୋର୍ବସ୍ ରିୟଲ୍ ଟାଇମ୍ ବିଲେନିୟର୍ ଇଣ୍ଡେକ୍ସ ତାଲିକା ମୁତାବକ, ଗୁରୁବାର ଦିନ ଅଦାନୀଙ୍କ ସମ୍ପତ୍ତି ୨.୧ ଅରବ ଡଲାର୍ ବଢ଼ିଛି ।