ବଟଲର-ସଞ୍ଜୁ ମାଡରେ ଘାଇଲା ଦିଲ୍ଲୀ: ପନ୍ତଙ୍କ ଆଗରେ ପାହାଡ ଭଳି ରହିଛି ୨୨୩ ରନର ବିଜୟ ଲକ୍ଷ୍ୟ
ମୁମ୍ବାଇ: ଆଜି ଆଇପିଏଲର ୩୪ ତମ ମ୍ୟାଚ୍ ଦିଲ୍ଲୀ କ୍ୟାପିଟାଲ୍ସ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ଅନୁଷ୍ଠିତ ହେଉଛି । ଦିଲ୍ଲୀ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତି ନେଇଥିଲା । ରାଜସ୍ଥାନ ପ୍ରଥମେ ବ୍ୟାଟିଂ କରି ଜସ୍ ବଟଲରଙ୍କ ଶତକ ଏବଂ ଅନ୍ୟତମ ଓପନର ଦେବଦତ୍ତ ପାଡିକଲଙ୍କ ଅର୍ଦ୍ଧଶତକ ସହାୟତାରେ ଦିଲ୍ଲୀ ସାମ୍ନାରେ ବିଶାଳ ୨୨୩ ରନ୍ ର ବିଜୟ ଲକ୍ଷ୍ୟ ଧାର୍ଯ୍ୟ କରିଛନ୍ତି । ଅଧିନାୟକ ସଞ୍ଜୁ ସାମସନ ମଧ୍ୟ ଶେଷକୁ ୧୯ ବଲରେ ଧୁଆଁଧାର ୪୯ ରନ୍ ର ପାଳି ଖେଳିଥିଲେ ।
217/5 at Brabourne.
222/2 at Wankhede.This is Halla Bol! ?? pic.twitter.com/0qklW2vcO1
— Rajasthan Royals (@rajasthanroyals) April 22, 2022
ପୁରା ଇନିଂସରେ ଦିଲ୍ଲୀ ବୋଲରଙ୍କୁ କୌଣସି ସୁଯୋଗ ଦେଇ ନଥିଲେ ରାଜସ୍ଥାନର ବ୍ୟାଟିଂ ବିଭାଗ । ବଟଲର ୬୫ ବଲ୍ ରୁ ୧୧୬ ରନ୍ ସଂଗ୍ରହ କରିଥିବା ବେଳେ ଦେବଦତ୍ତ ପାଡିକଲ ୩୫ ବଲ୍ ରେ ୫୪ ରନ୍ ସଂଗ୍ରହ କରିଥିଲେ । ଦିଲ୍ଲୀ ପକ୍ଷରୁ ଖଲିଲ ଅହମ୍ମଦ ୪ ଓଭରରେ ୪୭ ରନ୍ ବ୍ୟୟ କରି ଗୋଟିଏ ୱିକେଟ୍ ଏବଂ ମୁସ୍ତାଫିଜୁର ରେହମାନ ୪ ଓଭରରେ ୪୩ ରନ୍ ବ୍ୟୟ କରି ମଧ୍ୟ ଗୋଟିଏ ୱିକେଟ୍ ପାଇଥିଲେ ।
ଗତ ମ୍ୟାଚ୍ ରେ ପଞ୍ଜାବ କିଙ୍ଗସ୍ ବିରୋଧରେ ଦମଦାର ବିଜୟ ହାସଲ କରି ଥିବା ଦିଲ୍ଲୀକୁ ଆଜି ବିଜୟ ପାଇଁ ଗତମ୍ୟାଚ୍ ଭଳି ପ୍ରଦର୍ଶନ କରିବାକୁ ପଡ଼ିବ । ଦଳ ଦୁଇ ଓପନର ପୃଥି ଶ ଏବଂ ଡେଭିଡ ୱାର୍ଣ୍ଣରଙ୍କଠୁ ନିଶ୍ଚିତ ଏକ ବଡ଼ ପାଳିର ଆଶା ରଖିବ ।
