ତକିଆ ତଳୁ ମିଳିଲା ଧାର୍ମିକ ପୁସ୍ତକ, ସେକ୍ସ ୱାର୍କରଙ୍କୁ ମାରି ଜାଳିଦେଲେ ଗ୍ରାହକ
ନୁଆଦିଲ୍ଲୀ: ସେକ୍ସ ୱାର୍କରଙ୍କ ବେଡ୍ ତକିଆ ତଳୁ ଏକ ଧାର୍ମିକ ପୁସ୍ତକ ପାଇବା ପରେ ଆସିଥିବା ଗ୍ରାହକ ତାଙ୍କୁ ହତ୍ୟା କରିଛନ୍ତି। ଗ୍ରାହକ ତାଙ୍କ ସହଯୋଗୀମାନଙ୍କ ସହ ଯୌନକର୍ମୀଙ୍କୁ ହତ୍ୟାକରି ତାଙ୍କୁ ନିଆଁ ଲଗାଇ ଦେଇଥିଲେ। ଏହି ମାମଲା ନାଇଜେରିଆର ଲାଗୋସ୍ ସହରରୁ ଆସିଛି। ସ୍ଥାନୀୟ ପୋଲିସ ଏହି ଘଟଣାକୁ ନିଶ୍ଚିତ କରିଛି। ସ୍ଥାନୀୟ ମିଡିଆ ରିପୋର୍ଟ ଅନୁଯାୟୀ ମୃତ ମହିଳାଙ୍କ ହାନ୍ନା ସାଲିୟୁ ବୋଲି ଜଣାପଡିଛି। ସେ ଲାଗୋ ସହରରେ ସେକ୍ସ ୱାର୍କର ଭାବରେ କାମ କରୁଥିଲେ । ଯେତେବେଳେ ଜଣେ ଗ୍ରାହକ ହାନ୍ନାଙ୍କୁ ତାଙ୍କର ଦେୟ ଦେବାକୁ ଯାଉଥିଲେ, ହାନ୍ନା ତାଙ୍କ ପଛେ ପଛେ ଯାଇ ତାଙ୍କ ଟଙ୍କା ଚୋରି କରିବାକୁ ଯାଉଛନ୍ତି ବୋଲି ଅଭିଯୋଗ କରିଥିଲେ।
ପ୍ରକୃତରେ, ଗ୍ରାହକ ୧୦୦୦ ନାଇଜେରିଆ ମୁଦ୍ରା ପ୍ରଦାନ କରିଥିଲେ, କିନ୍ତୁ ହାନ୍ନା ଅଭିଯୋଗ କରିଛନ୍ତି ଯେ ସେ ତାଙ୍କର ୫୦୦୦ ମୁଦ୍ରା ଚୋରି କରିଛନ୍ତି। ଏଥିପାଇଁ ଗ୍ରାହକ ଜଣକ କହିଥିଲେ ଯେ ଅଭିଯୋଗ କରିବା ପରିବର୍ତ୍ତେ ହାନ୍ନା ତାଙ୍କ କୋଠରୀକୁ ପ୍ରଥମେ ସଠିକ୍ ଭାବରେ ଯାଞ୍ଚ କରିବା ଉଚିତ୍। ପରେ ଗ୍ରାହକ ତାଙ୍କର କିଛି ସହକର୍ମୀଙ୍କ ସହିତ ହାନ୍ନାଙ୍କ କୋଠରୀ ଯାଞ୍ଚ କରିବା ଆରମ୍ଭ କଲେ ।
ରିପୋର୍ଟ ଅନୁଯାୟୀ, କୋଠରୀ ଖୋଜାଖୋଜି ବେଳେ ଲୋକମାନେ ହାନ୍ନାଙ୍କ ଶଯ୍ୟା ଉପରେ ତକିଆ ତଳେ ଏକ ଧାର୍ମିକ ପୁସ୍ତକ ପାଇଥିଲେ। ଏହା ଦେଖି ଗ୍ରାହକ ଏବଂ ତାଙ୍କ ସାଥୀମାନେ ରାଗିଗଲେ ଏବଂ ସେମାନେ ହାନ୍ନାଙ୍କୁ ପିଟିବା ଆରମ୍ଭ କରିଥିଲେ । ସେମାନେ ହାନ୍ନାଙ୍କୁ ଏତେ ମାଡ଼ ମାରିଥିଲେ ଯେ ସେ ପ୍ରାଣତ୍ୟାଗ କରିଥିଲେ। ହତ୍ୟା ପରେ ଦୁର୍ବତ୍ତମାନେ ତାଙ୍କ ଶରୀରକୁ ନିଆଁ ଲଗାଇ ଦେଇଥିଲେ।
ଲାଗୋସ୍ ପୋଲିସର ଜଣେ ଅଧିକାରୀ ବେଞ୍ଜାମିନ୍ ଏହି ଘଟଣାକୁ ନିଶ୍ଚିତ କରିଛନ୍ତି। ସେମାନେ ଏହି ଘଟଣାର ସନ୍ଦିଗ୍ଧ ବ୍ୟକ୍ତିଙ୍କୁ ଅବୁବାକର ମୁସା, ସାରୁଟା ମୋନସୁର ଏବଂ ସୁରଜୋ ୟୁସୁଫ ବୋଲି ଚିହ୍ନଟ କରିଛନ୍ତି। ଏଥିରେ କୁହାଯାଇଥିଲା ଯେ ସନ୍ଦିଗ୍ଧମାନେ ପ୍ରଥମେ ଯୌନକର୍ମୀ ହାନ୍ନାଙ୍କୁ ପିଟିପିଟି ହତ୍ୟା କରିଥିଲେ। ପରେ ତାଙ୍କୁ କୋଠରୀରୁ ବାହାର କରି ନିଆଁ ଲଗାଇ ଦେଇଥିଲେ।
