(Video) DSP ମାଡାମଙ୍କର ଖାକିଗିରି: ହେଲମେଟ ପିନ୍ଧି ନଥିବାରୁ ଯୁବକଙ୍କ ଗାଲରେ କଷିଦେଲେ ଶକ୍ତ ଚାପୁଡ଼ା
ନୂଆଦିଲ୍ଲୀ: ଅନେକ ସମୟରେ ସରକାରୀ ଅଧିକାରୀମାନେ ସାଧାରଣ ଲୋକଙ୍କ ଉପରେ ଜୁଲମ୍ କରିଥାନ୍ତି । ପୂର୍ବରୁ ଏଭଳି ଅନେକ ଘଟଣାର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇସାରିଛି । ତେବେ ପୁଣି ଜଣେ ଖାକି ମାଡାମଙ୍କର ରାଜୁତି ଦେଖିବାକୁ ମିଳିଛି ବିହାରର ଗୋପାଳଗଞ୍ଜ ଅଞ୍ଚଳରେ । ହେଲମେଟ ପିନ୍ଧି ନଥିବାରୁ ଜଣେ ମହିଳା ଡିଏସପି ଜଣେ ଯୁବକଙ୍କୁ ଚାପୁଡ଼ା ମାରିଥିବାର ଭିଡିଓ ଏବେ ସୋସିଆଲ ମିଡ଼ିଆରେ ଘୁରି ବୁଲୁଛି ।
ସୂଚନା ମୁତାବକ, ଭାରତ ବନ୍ଦ ଡାକରାକୁ ନେଇ ରାଜରାସ୍ତାରେ ପୋଲିସ ଛାଉଣୀ ହୋଇଥିଲା । ଏହି ସମୟରେ କିଛି ଯୁବକ ଜଣେ ମହିଳା ମହିଳା ଡିଏସପି ଜ୍ୟୋତି କୁମାରୀଙ୍କ ହାବୁଡ଼ରେ ପଡ଼ିଥିଲେ । ତେବେ ବିନା ହେଲମେଟ ଓ ଟ୍ରିପଲ ଲୋଡିଂ କାରଣରୁ ଡିଏସପି ସେମାନଙ୍କର କ୍ଲାସ ନେଇଥିଲେ । ଏହାପରେ ଡିଏସପି ସେମାନଙ୍କ ଉପରେ ଠେଙ୍ଗା ପ୍ରହାର କରିବା ସହ ଚାପୁଡ଼ା ମାରିଥିଲେ । ଚାପୁଡ଼ା ମାରିବା ଘଟଣାର ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ୍ ହେବାରେ ଲାଗିଛି ।
ଏହା ମଧ୍ୟରେ ଡିଏସପିଙ୍କୁ ନେଇ କିଛି ଗୁରୁତ୍ୱପୂର୍ଣ୍ଣ ଅଭିଯୋଗ ଆସିଛି । ଯେଉଁ ଗାଡ଼ି ଚାଳକଙ୍କର ଚାଲାଣ କାଟିବାକୁ ପଇସା ନଥିଲା, ଡିଏସପିଙ୍କର ବଡିଗାର୍ଡ ସେମାନଙ୍କର ଗାଡ଼ିର ହୱା ଖୋଲି ଦେଉଥିଲେ । ତେବେ ଆଜି ଜିଲ୍ଲା ମାଜିଷ୍ଟ୍ରେଟଙ୍କ ଦ୍ୱାରା ଉକ୍ତ ଅଞ୍ଚଳରେ ୧୪୪ ଧାରା ଜାରି ହୋଇଥିଲା । ଲ’ ଆଣ୍ଡ ଅର୍ଡରକୁ ନେଇ ସମସ୍ତ ଅଧିକାରୀଙ୍କୁ ନିଜ ନିଜ ଅଞ୍ଚଳ ପରିଭ୍ରମଣ କରିବାକୁ ନିର୍ଦ୍ଦେଶ ଦିଆଯାଇଥିଲା । ଏହି କାରଣରୁ ପୋଲିସ କଠୋର ଆଭିମୁଖ୍ୟ ଗ୍ରହଣ କରିଥିବା କୁହାଯାଉଛି ।
मार डंडा… मार थप्पड़! गोपालगंज का ये वीडियो अब सोशल मीडिया पर वायरल हो रहा है. बिना हेलमेट और ट्रिपल लोडिंग वालों का डीएसपी ज्योति कुमारी ने ऐसा हाल किया कि सब देखते रह गए.Edited by @iajeetkumar pic.twitter.com/X7mIls73ib
— Prakash Kumar (@kumarprakash4u) June 20, 2022
