ରାଷ୍ଟ୍ରପତି ମୁର୍ମୁଙ୍କ ବିରୋଧରେ କଂଗ୍ରେସ ନେତାଙ୍କ ବୟାନକୁ ନେଇ ସଂସଦରେ ଝଡ
ନୂଆଦିଲ୍ଲୀ: ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ “ରାଷ୍ଟ୍ରପତ୍ନୀ’ ମନ୍ତବ୍ୟକୁ ନେଇ ସଂସଦରେ ଝଡ଼। କଂଗ୍ରେସ ନେତା ଅଧିର ରଞ୍ଜନ ଚୋଧୁରୀ ବୁଧବାର ଦିଲ୍ଲୀରେ ପାର୍ଟିର ଏକ ପ୍ରଦର୍ଶନ ସମୟରେ ରାଷ୍ଟ୍ରପତିଙ୍କ ପାଇଁ ଏହି ଶବ୍ଦ ପ୍ରୟୋଗ କରିଥିଲେ। ଏହାକୁ ଏବେ ବିଜେପି ଏକ ମୁଦ୍ଧା କରିଛି। ସଂସଦରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏବଂ ସ୍ମୃତୀ ଇରାନୀ କଂଗ୍ରେସକୁ ଟାର୍ଗେଟ କରିଁଛନ୍ତି। ଏହି ମାମଲାରେ ସୋନିଆ ଗାନ୍ଧି କ୍ଷମା ମାଗନ୍ତୁ ବୋଲି ବିଜେପି କହିଛି।
ସ୍ମୃତି ଇରାନୀ କହିଛନ୍ତି ଯେ କଂଗ୍ରେସ ନେତାଙ୍କ ବିବୃତ୍ତି ତାଙ୍କ ଦଳର ଚିନ୍ତାଧାରା କ’ଣ ଦର୍ଶାଉଛି। ସେ କହିଛନ୍ତି ଯେ ରାଷ୍ଟ୍ରପତିଙ୍କୁ “ରାଷ୍ଟ୍ରପତ୍ନୀ’ ବୋଲି ବର୍ଣ୍ଣନା କରି ଅଧିର ରଂଜନ ଚୌଧୁରୀ ତାଙ୍କ ଚିନ୍ତାଧାରାକୁ ପ୍ରକାଶ କରିଛନ୍ତି। ସମସ୍ତଙ୍କୁ ଜଣା ଯେ କଂଗ୍ରେସର ଚିନ୍ତାଧାରା ଆଦିବାସୀ ବିରୋଧୀ ଏବଂ ମହିଳାଙ୍କ ବିରୁଦ୍ଧରେ। କେବଳ ଆଧୀର ରଂଜନ ଚୌଧୁରୀ ନୁହଁନ୍ତି, ଏଥିପାଇଁ କଂଗ୍ରେସ ମଧ୍ୟ କ୍ଷମା ମାଗିବା ଉଚିତ୍।
ଲୋକସଭା ଠାରୁ ଆରମ୍ଭ କରି ରାଜ୍ୟସଭା ପର୍ଯ୍ୟନ୍ତ ବିଜେପି ଏହି ପ୍ରସଙ୍ଗକୁ ମୁଦ୍ଦା କରି ହଙ୍ଗାମା କରିଛି। ରାଜ୍ୟସଭାରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ସାମ୍ନାକୁ ଆସି କଂଗ୍ରେସ ଉପରେ କଡ଼ା ଆକ୍ରମଣ କରିଥିଲେ। ସେ କହିଛନ୍ତି ଯେ ଆଦୀର ରଂଜନ ଚୌଧୁରୀଙ୍କ ମନ୍ତବ୍ୟ ମହିଳା ବିରୋଧୀ ଏବଂ ଯୌନ ସମ୍ପର୍କବାଦୀ।
ତେବେ ଏହାରି ମଧ୍ୟରେ ଅଧୀର ରଞ୍ଜନ ତାଙ୍କର ବୟାନ ରଖିଛନ୍ତି । ସେ କହିଛନ୍ତି ଯେ, ଭୁଲ୍ ବଶତଃ ଏହି ଶବ୍ଦ ତାଙ୍କ ମୁହଁରୁ ବାହାରି ଯାଇଥିଲା। ଏଥିରେ ତାଙ୍କର କୌଣସି ଘୃଣା ମନୋଭାବ ନଥିଲା। ମୁଁ ପ୍ରଥମେ ରାଷ୍ଟ୍ରପତି କହିଥିଲି ଏବଂ ଏହା ସହିତ ରାଷ୍ଟ୍ରପତ୍ନୀ ଶବ୍ଦ ପାଟିରୁ ବାହାରି ଯାଇଥିାଲ। ଏହା ସହିତ ଅଧୀର ରଞ୍ଜନ କହିଛନ୍ତି ଯେ, ମୋର ମନ୍ତବ୍ୟ ପରେ ସାମ୍ବାଦିକମାନେ ତୁରନ୍ତ ଚାଲିଗଲେ, ମୁଁ ସେମାନଙ୍କୁ ଏହି ବିଷୟରେ ସ୍ପଷ୍ଟିକରଣ ଦେବାକୁ ଚାହୁଁଥିଲି କିନ୍ତୁ ସେମାନେ ସେଠାରୁ ପଳାଇ ଯାଇଥିଲେ। କିନ୍ତୁ ଶାସକ ଦଳ ଏହାକୁ ମୁଦ୍ଦା କରିବାକୁ ଚେଷ୍ଟା କରୁଛନ୍ତି। ସେ କହିଛନ୍ତି ଯେ କଥାବାର୍ତ୍ତା ଏହି ଶବ୍ଦ ମାତ୍ର ଥରେ ବାହାରିଛି । ଯଦି ମୁଁ ଏଥିପାଇଁ ଫାଶୀ ପାଇବାକୁ ଯୋଗ୍ୟ ତେବେ ସେମାନେ ମୋତେ ମୋତେ ଟାଙ୍ଗନ୍ତୁ।
